ديڭ شۋەشياڭ جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋ، يگىلىك جاراتۋ قىزمەتى جونىندەگى مەملەكەتتىك تەلەۆيزور - تەلەفون ماجىلىسىندە بىلاي دەپ دارىپتەدى
جوعارى مەكتەپ بىتىرگەن وقۋشىلاردىڭ جۇمىستانۋ، يگىلىك جاراتۋ قىزمەتىن تىڭعىلىقتى ىستەپ، پارتيا مەن حالىق رازى بولاتىن ونىمدىلىككە قول جەتكىزۋگە كەپىلدىك ەتۋ كەرەك
2023.05.12 16:07 كەلۋ قاينارى : حالىق تورابى
«حالىق گازەتى»، 5 - ايدىڭ 11 - كۇنى، بەيجيڭ. جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋ، يگىلىك جاراتۋ قىزمەتى جونىندەگى مەملەكەتتىك تەلەۆيزور - تەلەفون ءماجىلىسى 5 - ايدىڭ 11 - كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى ءارى ءسوز سويلەدى.
ديڭ شۋەشياڭ مىنالاردى اتاپ كورسەتتى: پارتيا ورتالىق كوميتەتى، مەملەكەتتىك كەڭەس جوعارى مەكتەپ بىتىرگەن وقۋشىلاردىڭ جۇمىستانۋ، يگىلىك جاراتۋ قىزمەتىنە ايرىقشا ءمان بەرەدى، باس شۋجي شي جينپيڭ ءبىرقىدىرۋ ماڭىزدى نۇسقاۋ بەردى، زۇڭلي لي چياڭ ايقىن تالاپ قويدى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى جوعارى مەكتەپ بىتىرگەن وقۋشىلاردىڭ جۇمىستانۋ، يگىلىك جاراتۋ قىزمەتىن ويداعىداي ىستەۋمەن تىعىز ۇشتاستىرىپ، ۇيرەنۋ، تەكسەرۋ - زەرتتەۋ جەتىستىكتەرىن شىن مانىندە ءىس جۇزىندىك ارەكەتكە اينالدىرىپ، وسى ماڭىزدى قىزمەتتى تىڭعىلىقتى ىستەپ، پارتيا مەن حالىق رازى بولاتىن ونىمدىلىككە قول جەتكىزۋگە كەپىلدىك ەتۋ كەرەك.
ديڭ شۋەشياڭ بىلاي دەپ دارىپتەدى: جۇمىستاندىرۋدى الدىمەن ويلاستىرۋ ساياساتىن جاپپاي تياناقتاندىرىپ، جۇمىستاندىرۋدى ورنىقتىرۋعا قاتىستى ساياساتتاردى، شارالاردى اتقارۋدى مىقتى يگەرىپ، دالمە - دالدىكتى دارىپتەۋ، ناقتى ونىمدىلىكتى دارىپتەۋ كەرەك. بازارلانعان جۇمىستانۋ ارناسىن كۇش سالا اشىپ، قوعامدىق قامسىزداندىرۋ قوسىمشا قاراجاتى، جۇمىستاندىرۋ قوسىمشا قاراجاتى، كاسىپتىك كۋرستان وتكىزۋ قوسىمشا قاراجاتى سياقتى ساياساتتاردى ىسكە قوسىپ، كاسىپورىنداردىڭ ادام ىستەتۋ بەلسەندىلىگىن نىعايتۋ كەرەك. يگىلىك جاراتۋ تىلەگى بار مەكتەپ بىتىرگەن وقۋشىلارعا يگىلىك جاراتۋ كەپىلدىكتى قارىز اقشاسىن بەرۋ جانە ءوسىمىن قازىنادان تولەۋ ساياساتىن ويداعىداي تياناقتاندىرۋ كەرەك. ءتۇرلى ساياساتتىق قىزمەت ورىندارىنان تولىق، ويداعىداي پايدالانىپ، ءار دارەجەلى، ءار ءتۇرلى ءىسورىنداردىڭ قىزمەتكەر قابىلداۋ كولەمىن ورنىقتىرىپ، ورتالىق كاسىپورىندارىنىڭ، مەملەكەت مەنشىگىندەگى كاسىپورىنداردىڭ جوعارى مەكتەپ بىتىرگەن وقۋشىلاردى قابىلداۋىنىڭ بىلتىرعىدان تومەن بولماۋىنا كەپىلدىك ەتۋ كەرەك. نەگىزگى ساتىدا جۇمىستاندىرۋ نىساندارىن ويداعىداي اتقارىپ، ”ەرەكشە قىزمەت ورنى جوسپارى“، ”ۇشكە كومەكتەسۋ، ءبىردى سۇيەمەلدەۋ“، ”باتىس بولىك جوسپارى“ سياقتىلار ارقىلى قابىلداۋ كولەمىن ورنىقتى كەڭەيتىپ، ءتۇرلى ءتيىمدى ساياساتتاردى تياناقتاندىرۋ كەرەك. جوعارى مەكتەپ بىتىرگەن وقۋشىلاردى قالا، اۋىل، الەۋمەتتىك اۋماقتارعا بارىپ جۇمىستانۋعا جەتەكتەپ، ءىس جۇزىندىك جاعدايمەن ۇشتاستىرىپ، قالا، اۋىل، الەۋمەتتىك اۋماقتاردىڭ جۇمىستانۋىن ساياساتتىق جاقتان قامتاماسىز ەتۋدى اناعۇرلىم كەمەلدەندىرۋ كەرەك. جۇمىستانۋعا، يگىلىك جاراتۋعا جەتەكشىلىك ەتۋدى، قىزمەت وتەۋدى ىشكەرىلەي تىڭعىلىقتى ىستەپ، وقۋشىلاردى دۇرىس كاسىپ تاڭداۋ كوزقاراسىن، جۇمىستانۋ كوزقاراسىن ورناتۋعا جەتەكتەپ، جۇمىستانۋ سەنىمىن كۇشەيتۋ كەرەك. كەدەيلىكتەن ارىلعان وتباسىلارداعى، ەڭ تومەنگى تۇرمىسى قامتاماسىزداندىرىلاتىن وتباسىلارداعى، بىردە - ءبىر ادامى جۇمىستانباعان وتباسىلارداعى، مۇگەدەگى بار وتباسىلارداعى قيىنشىلىق قىسپاعىندا قالعان وقۋ بىتىرگەن وقۋشىلار قاۋىمىن ەڭ تومەنگى شەكتەن تۇسىرمەي سۇيەمەلدەۋدى كۇشەيتۋ، جوعارى مەكتەپتەر كومەكتەسۋ - سۇيەمەلدەۋ جاۋاپكەرلىك ءتۇزىمىن تياناقتاندىرۋ، مەكتەپ بىتىرگەن وقۋشىلاردىڭ نوپوسى تۇرعان جەردەگى، تۇرعىلىقتى جەرىندەگى، مەكتەپ قاراستىلىعى ساقتالعان جەردەگى ۇكىمەت تاراۋلارى سايكەسۋ كەرەك. بازاردىڭ قىزمەتكەر قابىلداۋ ءتارتىبىن زاڭ بويىنشا ارناعا ءتۇسىرىپ، جالعانشىلىقپەن قىزمەتكەر قابىلداۋ سياقتى زاڭعا قايشى ارەكەتتەرگە قاتاڭ سوققى بەرىپ، جۇمىستانۋداعى كەمسىتۋدەن ساقتانۋ جانە ونى تۇزەتۋ كەرەك. جۇمىستانۋداعى قۇرىلىمدىق قايشىلىقتى باسەڭدەتۋگە باسا ءمان بەرىپ، جوعارى مەكتەپتەردى پاندەر مەن كاسىپتەردى رەتتەۋگە، ساپالىلاندىرۋعا جەتەكتەۋ كەرەك.
ديڭ شۋەشياڭ مىنالاردى تالاپ ەتتى: جەر - جەر، تاراۋلار، جوعارى مەكتەپتەر قايتالاي جۇمىلدىرىپ، قايتالاي ورنالاستىرۋ جاساپ، ۇيىمدىق باسشىلىقتى كۇشەيتىپ، ءار جاقتىڭ جاۋاپكەرلىگىن ناقتىلاندىرىپ، ساياساتتىق قامتاماسىزداندىرۋدى كۇشەيتىپ، ۇگىتتەۋدى، جەتەكتەۋدى ويداعىداي ىستەپ، بيىل جوعارى مەكتەپتەردەن وقۋ بىتىرەتىن وقۋشىلاردى جۇمىستاندىرۋ نىسانالارىنىڭ، مىندەتتەرىنىڭ ورىندالۋىنا شىنايى كەپىلدىك ەتۋ كەرەك.
مەملەكەتتىك كەڭەستىڭ مۇشەسى چىن ي - چين ماجىلىسكە قاتىناستى ءارى ءسوز سويلەدى. ورتالىقتىڭ، مەملەكەت ورگاندارىنىڭ جانە ارميانىڭ قاتىستى تاراۋلارىنداعى جاۋاپتى جولداستار نەگىزگى ءماجىلىس الاڭىندا ماجىلىسكە قاتىناستى، ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرى مەن شينجياڭ ءوندىرىس - قۇرىلىس بيڭتۋانىنداعى جاۋاپتى جولداستار، سونداي - اق قاتىستى تاراۋلارداعى، ورىندارداعى جاۋاپتى جولداستار بولىمشە ءماجىلىس الاڭىندا ماجىلىسكە قاتىناستى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى، وقۋ - اعارتۋ مينيسترلىگىندەگى، تيانجين قالالىق حالىق ۇكىمەتىندەگى، شانشي ولكەلىك حالىق ۇكىمەتىندەگى جانە سىچۋان ي - بين شۋەيۋانىنداعى نەگىزگى جاۋاپتى جولداستار، سونداي - اق وقۋدى ۇزدىك بىتىرگەن وقۋشىلاردىڭ ۋاكىلدەرى ىلگەرىندى - كەيىندى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
