ليۋ گوجۇڭ ءبىرىنشى شەپتەگى كۇتىمدەۋ قىزمەتكەرلەرىنە امانداسا بارىپ، حال سۇراعاندا مىنانى دارىپتەدى
كۇتىمدەۋ قىزمەتكەرلەرى قوسىنى قۇرىلىسىن كۇشەيتىپ، حالىقتىڭ سالاماتتىعىنا قىزمەت وتەۋ دەڭگەيىن جوعارىلاتۋ كەرەك
2023.05.12 16:08 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 11 - كۇنى، بەيجيڭ. 2023 - جىلعىى ”12 - مامىر“ حالىقارالىق سەسترالار مەرەكەسى قارساڭىندا، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ بەيجيڭ داشۋەسىنىڭ 1 - شيپاحاناسىنا بارىپ، ءبىرىنشى شەپتەگى كۇتىمدەۋ قىزمەتكەرلەرىنە امانداسىپ، حال سۇراپ، بۇكىل ەلدەگى قالىڭ كۇتىمدەۋ قىزمەتكەرلەرىنە مەرەكەلىك سالەم جولدادى.
ليۋ گوجۇڭ بىلاي دەپ اتاپ كورسەتتى: باس شۋجي شي جينپيڭ قالىڭ كۇتىمدەۋ قىزمەتكەرلەرىنە ەرەكشە كوڭىل ءبولىپ، قامقورلىق جاساپ، سەسترالار قوسىنى قۇرىلىسىن كۇشەيتۋدى دەنساۋلىق ساقتاۋ، سالاماتتىق ىستەرىن دامىتۋدىڭ ماڭىزدى نەگىزدىك قىزمەتى رەتىندە يگەرۋدى دارىپتەدى. تاياۋ جىلداردان بەرى ەلىمىزدىڭ كۇتىمدەۋ ىستەرىنىڭ دامۋ ناتيجەسى كورنەكتى بولدى، سەسترالاردىڭ جالپى مولشەرى 5 ميلليون 200 مىڭ ادامنان استى، كۇتىمدەۋ قىزمەت وتەۋ قابىلەتى ۇزدىكسىز جوعارىلاپ، حالىقتىڭ دەنساۋلىعى مەن باس اماندىعىنا پارمەندى قامتاماسىزدىق ازىرلەدى. اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا قالىڭ كۇتىمدەۋ قىزمەتكەرلەرى ادىلەت جولىندا ەشتەڭەدەن تايىنباي، ماڭىزدى تاپسىرمانىڭ ۇددەسىنەن شىعىپ، ءبىرىنشى شەپتە قاجىرلىلىقپەن كۇرەس جۇرگىزىپ، ىندەتتەن ساقتانۋ - تىزگىندەۋدە كەلەلى شەشۋشى جەڭىسكە جەتۋگە ماڭىزدى ۇلەس قوستى، ولار ”اق حالاتتى پەرىشتە“ دەگەن داڭقتى اتاققا لايىق.
ليۋ گوجۇڭ مىنالاردى دارىپتەدى: كۇتىمدەۋ قىزمەتى − دەنساۋلىق ساقتاۋ، سالاماتتىق ىستەرىنىڭ ماڭىزدى قۇرامداس بولىگى، كۇتىمدەۋ قىزمەتكەرلەرى − سالاماتتى جۇڭگو قۇرىلىسىن ىلگەرىلەتۋدىڭ ماڭىزدى كۇشى. كۇتىمدەۋ قىزمەت وتەۋ جۇيەسىن اقاۋسىزداندىرىپ، دارىندىلاردى باۋلۋدى كۇشەيتىپ، قىزمەت وتەۋ ۇلگىسىندە جاڭالىق اشىپ، قىزمەت وتەۋدىڭ قامتۋ كولەمىن كەڭەيتىپ، حالىققا تۇتاس تىرشىلىك پەريودى بويىنشا اقاۋسىز قىزمەت وتەۋ كەرەك. قامتاماسىز ەتۋ، شابىتتاندىرۋ مەحانيزمىن اقاۋسىزداندىرىپ، ءتۇرلى مامىلەلەردى ويداعىداي تياناقتاندىرىپ، قىزمەت شارت - جاعدايىن ۇزدىكسىز جاقسارتىپ، كۇتىمدەۋ قىزمەت ورنىنىڭ باۋراۋ قۋاتىن كۇشەيتۋ كەرەك. وزات تيپتەر مەن ىزگى ىستەردى كۇش سالا ۇگىتتەپ، بۇكىل قوعامدا كۇتىمدەۋ قىزمەتكەرلەرىن قۇرمەتتەيتىن، كۇتىمدەۋ ىستەرىن قولدايتىن تاماشا راي قالىپتاستىرۋ كەرەك. قالىڭ كۇتىمدەۋ قىزمەتكەرلەرىنىڭ تاڭداۋلى داستۇرگە مۇراگەرلىك ەتىپ جانە ونى ساۋلەلەندىرىپ، وسكەلەڭ كاسىپتىك بورىشىن امالياتتا ايگىلەپ، قاراپايىم قىزمەت ورىندارىندا كەرەمەت ىستەر ىستەپ، ساپالى قىزمەت وتەۋ ارقىلى حالىقتىڭ سالاماتتىعىن نىعايتىپ، ىرىس - قۇتىن ارتتىرۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
