شي جينپيڭ قازاقستاننىڭ زۇڭتۇڭى توقايەۆپەن كەڭەس وتكىزدى
2023.05.18 16:00 كەلۋ قاينارى : حالىق تورابى
5 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ شي - اندا جۇڭگو - ورتا ازيا باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن قازاقستاننىڭ زۇڭتۇڭى توقايەۆپەن كەڭەس وتكىزدى. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
«حالىق گازەتى»، 5 - ايدىڭ 17 – كۇنى، شي – ان (تىلشىلەر دۋ شاڭزى، باي زى - ۋەي). 5 - ايدىڭ 17 – كۇنى تۇستەن كەيىن مەملەكەت ءتوراعاسى شي جينپيڭ شي - اندا جۇڭگو - ورتا ازيا باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن قازاقستاننىڭ زۇڭتۇڭى توقايەۆپەن كەڭەس وتكىزدى.
شي جينپيڭ بىلاي دەپ اتاپ كورسەتتى: جۇڭگو مەن قازاقستان − ءبىر - ءبىرىنىڭ سەنىمدى جاقسى دوسى، جاقسى باۋىرلاسى، جاقسى سەرىگى. جۇڭگو جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە، قازاقستان جەدەل دامىعان، گۇلدەنىپ - كوركەيگەن ”جاڭا قازاقستان“ قۇرۋدا. جۇڭگو مەن قازاقستاننىڭ ەكەۋى دە دامۋ مەن گۇلدەنۋدىڭ شەشۋشى كەزەڭىندە تۇر، جۇڭگو مەن قازاقستاننىڭ قارىم - قاتىناسى جاڭا ”التىن 30 جىلدىقتى“ باستادى. ەكى جاق ءداستۇرلى دوستىقتى بارىنشا ساۋلەلەندىرىپ، ءوزارا تاباندىلىقپەن قولداۋ كورسەتىپ، دامۋ ستراتەگياسىن ءتۇيىلىستىرۋدى جيىلەتىپ، ءوزارا ءتيىمدى سەلبەستىكتى تەرەڭدەتىپ، دامۋدى، گۇلدەنۋدى بىرگە قاراستىرىپ، ۇرپاقتان - ۇرپاققا جالعاسقان دوسجار، وسكەلەڭ ءوزارا سەنىمدى، قۋانىش - جۇبانىشى ءبىر تاعدىرلاس ورتاق تۇلعا قۇرۋدى ىلگەرىلەتۋى كەرەك.
شي جينپيڭ بىلاي دەپ دارىپتەدى: دەربەس، ءوز - وزىنە قوجايىن بولعان، حاۋىپسىز، ورنىقتى، دامىعان، گۇلدەنگەن قازاقستان جۇڭگو مەن قازاقستان ەكى ەل حالىقتارىنىڭ ورتاق مۇددەسىنە ۇيلەسەدى. جۇڭگو جاق قازاقستاننىڭ مەملەكەتتىڭ تاۋەلسىزدىگىن، يەلىك ۇقىعىن، تەرريتوريا تۇتاستىعىن قورعاۋىن باتىل قولدايدى، قازاقستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى. مەن ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويعان 10 جىلدان بەرى جۇڭگو مەن قازاقستان نەشە ونداعان ماڭىزدى سەلبەستىك نىسانىن ءساتتى اتقارىپ، ەكى ەل حالىقتارىن يگىلىككە كەنەلتىپ، بىرگە دامۋدى جەبەدى. ەكى جاق ەكونوميكا - ساۋدا، قارجى قوسۋ، اۋىل شارۋاشىلىعى، اۆتوكولىك جاساۋ جانە ەنەرگيا سياقتى سالالارداعى سەلبەستىكتى كەڭەيتىپ، ءوزارا بايلانىستى تەرەڭدەتىپ، قۇرلىق پەن تەڭىز بىرلەسىپ تاسىمالداۋدى جەبەپ، ەلەكتروندى ساۋدا، جاڭالىق اشۋ، ءىرى ساندى مالىمەت سياقتى جاڭا سالالارداعى سەلبەستىكتى كەڭەيتىپ، ءوزارا مادەنيەت ورتالىعىن قۇرۋدى جانە لۋبان شەبەرحاناسىن اشۋدى تياناقتاندىرۋدى مىقتى يگەرىپ، ءوزارا ۆيزاسىز بارىپ – كەلۋ كەلىسىمىنە قول قويۋدى وراي ەتىپ، گۋمانيتارلىق اۋىس - كۇيىستى، سەلبەستىكتى كۇشەيتىپ، حالىق رايى نەگىزىن بەكەمدەۋى كەرەك. قازاقستان جاقتىڭ 2024 - جىلى جۇڭگودا قازاقستان ساياحات جىلىن وتكىزۋىن قارسى الامىز. قازاقستاننىڭ شي - اندا تۇراتىن باس كونسۋلحاناسىنىڭ اشىلۋى ەكى ەلدىڭ جەرگىلىكتى ورىندارىنىڭ اۋىس - كۇيىسىن پارمەندى تۇردە جەبەيتىنىنە سەنەمىن. ەكى جاق تاعى اقپارات قۇرالدارىنىڭ اۋىس - كۇيىسىن، سەلبەستىگىن كۇشەيتىپ، جۇڭگو مەن قازاقستاننىڭ دوستىق حيكايالارىن بىرگە جاقسى بايانداۋى كەرەك.
شي جينپيڭ مىنالاردى اتاپ كورسەتتى: جۇڭگو - ورتا ازيا مەحانيزمىنىڭ ماقساتى − ءار ەلدىڭ قازىرگى قاجەتى مەن بولاشاقتاعى دامۋىن كوزدەپ، ءوزارا ءتيىمدى سەلبەستىكتى كۇشەيتىپ، بىرگە گۇلدەنۋگە دەم بەرۋ. اشىلۋ الدىندا تۇرعان جۇڭگو - ورتا ازيا باسشىلار ءماجىلىسى بەلەستىك مانگە يە، جۇڭگونىڭ ورتا ازيامەن سەلبەستىگىنىڭ جاڭا داۋىرگە اياق باسۋىن ىلگەرىلەتەدى. جۇڭگو جاق قازاقستاندى قامتىعان ورتا ازيا ەلدەرىمەن بىرگە اقىل قوسىپ، بىرگە كەڭەسىپ، بىرگە قۇرىپ، جۇڭگو - ورتا ازيا مەحانيزمىن 6 ەلدىڭ تەرەڭ سەلبەستىگىن ىلگەرىلەتۋدىڭ ماڭىزدى تۇعىرى ەتىپ قۇرىپ شىعۋدى قالايدى.
توقايەۆ مىنالاردى ءبىلدىردى: ۇسىنىس بويىنشا شي - انعا كەلىپ جۇڭگو - ورتا ازيا باسشىلار ماجىلىسىنە قاتىناسقانىما ءارى جۇڭگودا مەملەكەتتىك ساپاردا بولعانىما وتە قۋانىشتىمىن. ءتوراعا شي جينپيڭنىڭ جۇڭگوعا باسشىلىق ەتىپ ۇلى تابىستارعا قول جەتكىزگەنىن قۇتتىقتايمىن، جۇڭگونىڭ اناعۇرلىم شۇعىلالى بولاشاققا يە بولاتىنىنا سەنەمىن. مەن ءتوراعا شي جينپيڭنىڭ قازاقستان - جۇڭگو قارىم - قاتىناسى جونىندەگى باعاسىن جانە ەكى ەلدىڭ سەلبەستىگىن ونان ارى كۇشەيتۋ جونىندەگى ۇسىنىسىن بۇكىلدەي قۇپتايمىن. جۇڭگو قازاقستاننىڭ سىرتقى ساياساتىندا ەرەكشە ماڭىزدى ورىندا تۇرادى، قازاقستان - جۇڭگو قارىم - قاتىناسى تەرەڭ دوستىق پەن بەرىك ءوزارا سەنىمدىلىكتى نەگىز ەتەدى، ورتاق نىسانا مەن مىندەتكە يە. قازاقستان جاق جۇڭگو جاقپەن بىرگە قازاقستان مەن جۇڭگونىڭ ماڭگىلىك جالپى بەتتىك ستراتەگيالىق سەرىكتەستىك قارىم - قاتىناسىن ونان ارى كۇشەيتىپ، ەكى جاقتى ساۋدا، ساياحات، گۋمانيتارلىق، جەرگىلىكتى ورىندار سياقتى سالالارداعى سەلبەستىكتى كەڭەيتىپ، قازاقستان مەن جۇڭگونىڭ جاڭا ”التىن 30 جىلدىعىن“ اشۋىنا اناعۇرلىم بەرىك نەگىز قالاۋدى قالايدى. قازاقستان مەن جۇڭگونىڭ ءوزارا ۆيزاسىز بارىپ - كەلۋ كەلىسىمىنە قول قويعانىنا ەرەكشە قۋانامىن، بۇل ەكى جاقتى بارىس - كەلىستى پارمەندى جەبەيدى. ”ءبىر بەلدەۋ، ءبىر جولدى“ بىرگە قۇرۋ − ۇلى باستاما، قازاقستان جاق بۇعان ۇزدىكسىز بەلسەنە ات سالىسادى. قازىرگى كۇردەلى حالىقارالىق جاعدايدا، ءتوراعا شي جينپيڭنىڭ دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن العا قويۋى ماڭىزدى مانگە يە، قازاقستان جاق بەلسەنە قولدايدى، وسى جونىندە جۇڭگو جاقپەن بايلانىستى، سەلبەستىكتى كۇشەيتۋدى قالايدى. قازاقستان جاق جۇڭگو جاقپەن بىرگە جۇڭگو - ورتا ازيا مەحانيزمىنەن تولىق پايدالانىپ، ءوڭىردىڭ حاۋىپسىزدىگىن، ورنىقتىلىعىن جانە دامۋىن بىرگە جەبەۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن قازاقستان رەسپۋبليكاسىنىڭ بىرلەسكەن مالىمدەمەسىنە» قول قويىپ، ەكونوميكا - ساۋدا، ەنەرگيا، قاتىناس، اۋىل شارۋاشىلىعى، ۇلاستىرۋ - تۇتاستىرۋ، گۋمانيتارلىق، جەرگىلىكتى ورىندار سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويۋعا بىرگە كۋا بولدى.
ساي چي، ۋاڭ ي، چين گاڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
