شي جينپيڭ جۇڭگو قاراستىلىعىنداعى شالعاي مۇحيت بالىقشىلىق كەمەسىنىڭ ءۇندى مۇحيتىنىڭ ورتا بولەگىندەگى تەڭىز ايدىنىندا اۋدارىلۋىنا بايلانىستى ماڭىزدى نۇسقاۋ بەردى
شۇعىل جاعدايعا توتەپ بەرۋ مەحانيزمىن دەرەۋ ىسكە قوسىپ، قۇتقارۋ قىزمەتىن بار كۇشپەن ورىستەتىپ، شالعاي مۇحيتتاردا جۇمىس جۇرگىزۋدىڭ حاۋىپسىزدىك كومەسكى قاتەرىن تەكسەرۋدى جانە حاۋىپ - قاتەردەن ساقتاندىرۋدى ونان ارى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتۋدى تالاپ ەتتى
لي چياڭ بەكىتۋ سالدى
2023.05.18 16:05 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 17 – كۇنى، بەيجيڭ. 5 - ايدىڭ 16 - كۇنى تاڭعى ساعات 3 مولشەرىندە پىڭلايجيڭلۋ بالىق شارۋاشىلىعى شەكتى سەرىكتەستىگىنە قاراستى جۇڭگو قاراستىلىعىنداعى شالعاي مۇحيت بالىقشىلىق كەمەسى ”لۋپىڭ شالعاي تەڭىز بالىقشىلىعى 028“ ءۇندى مۇحيتىنىڭ ورتا بولىگىندەگى تەڭىز ايدىنىندا اۋدارىلىپ، كەمەدەگى 39 ادام بايلانىسسىز قالدى، مۇنىڭ ىشىندە جۇڭگو ازاماتتىعىنداعى كەمەشى 17 ادام، يندونەزيالىق 17 ادام، فيليپپيندىك 5 ادام بار. قازىرگە دەيىن دەرەكسىز كەتكەندەر بايقالمادى، ىزدەۋ - قۇتقارۋ قىزمەتى جۇرگىزىلۋدە.
شىرعالاڭ تۋىلعاننان كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، مىنالاردى اتاپ كورسەتتى: اۋىل شارۋاشىلىعى، اۋىل - قىستاق مينيسترلىگى، قاتىناس - تاسىمال مينيسترلىگى جانە شاندۇڭ ولكەسى شۇعىل جاعدايعا توتەپ بەرۋ جۇمىلدىرۋ مەحانيزمىن دەرەۋ ىسكە قوسىپ، جاعدايدى انىقتاپ، قۇتقارۋ - كومەكتەسۋ كۇشتەرىن كوبەيتىپ، حالىقارالىق تەڭىزدە ىزدەۋ - قۇتقارۋ - كومەكتەسۋدى سايكەستىرىپ، بار كۇشپەن قۇتقارۋ - كومەكتەسۋ قىزمەتىن ورىستەتۋى كەرەك. سىرتقى ىستەر مينيسترلىگى مەن ەلىمىزدىڭ شەتەلدە تۇراتىن ەلشىحانالارى جەرگىلىكتى قاتىستى جاقتارمەن بايلانىستى كۇشەيتىپ، ىزدەۋ - قۇتقارۋ قىزمەتىن ويداعىداي ىستەۋگە سايكەسۋى كەرەك. شالعاي مۇحيتتاردا جۇمىس جۇرگىزۋدىڭ حاۋىپسىزدىك كومەسكى قاتەرىن تەكسەرۋ مەن حاۋىپ - قاتەردەن ساقتاندىرۋدى ونان ارى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنالاردى تالاپ ەتتى: اۋىل شارۋاشىلىعى، اۋىل - قىستاق مينيسترلىگى، قاتىناس - تاسىمال مينيسترلىگى قاتىستى جاقتارداعى كۇشتەردى جەدەل سايكەستىرىپ، قاتەرگە ۇشىراعان كەمەشىلەردى بار كۇشپەن ىزدەپ - قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋى كەرەك. تەڭىز بالىقشىلىق كەمەسى سياقتىلاردا حاۋىپسىزدىك باسقارۋدى اناعۇرلىم كۇشەيتىپ، ساقتانۋ شارالارىن تياناقتاندىرىپ، تەڭىز تاسىمالى مەن ءوندىرىس حاۋىپسىزدىگىنە شىنايى كەپىلدىك ەتۋ كەرەك.
شي جينپيڭنىڭ نۇسقاۋى مەن لي چياڭنىڭ تالابى بويىنشا، اۋىل شارۋاشىلىعى، اۋىل - قىستاق مينيسترلىگى، قاتىناس - تاسىمال مينيسترلىگى جانە شاندۇڭ ولكەسى شۇعىل جاعدايعا توتەپ بەرۋ مەحانيزمىن ىسكە قوسىپ، ”لۋپىڭ شالعاي تەڭىز بالىقشىلىعى 018“ كەمەسى، ورتا شالعاي تەڭىز تاسىمالى ”يۋانفۋحاي“ كەمەسى سياقتىلاردى بار كۇشپەن ۇيىمداستىرىپ، بايلانىس ۇزىلگەن تەڭىز ايدىنىنا بارىپ قۇتقارۋ جۇرگىزدى، مۇنان سىرت، قاتىستى قۇتقارۋ كۇشتەرى بايلانىس ۇزىلگەن تەڭىز ايدىنىنا بارا جاتىر. جۇڭگو تەڭىزدەگى ىزدەۋ – قۇتقارۋ ورتالىعى ينفورماتسيالاردى قاتىستى ەلدەرگە، اۆستراليا قاتارلى ەلدەردىڭ تەڭىزدەگى ىزدەۋ – قۇتقارۋ كۇشتەرىنە حابارلادى. سىرتقى ىستەر مينيسترلىگى كونسۋلدىق قورعاۋعا شۇعىل توتەپ بەرۋ مەحانيزمىن ىسكە قوسىپ، اۆستراليا، شريلانكا، مالديۆ، يندونەزيا، فيليپپين قاتارلى ەلدەردىڭ ەلشىحانالارى مەن كونسۋلحانالارىن ءوز ەلدەرىنىڭ قاتىستى جاقتارىمەن سايكەسىپ بەلسەنە ىزدەۋ - قۇتقارۋ جۇرگىزۋدى جەدەل ورنالاستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
