شي جينپيڭ قىرعىزستاننىڭ زۇڭتۇڭى جاپاروۆپەن كەڭەس وتكىزدى
2023.05.19 15:05 كەلۋ قاينارى : حالىق تورابى
«حالىق گازەتى»، 5 - ايدىڭ 18 – كۇنى، شي – ان (تىلشىلەر جاڭ گۋاڭجىڭ، باي زى - ۋەي). 5 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ شي - اندا جۇڭگو - ورتا ازيا باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن قىرعىزستاننىڭ زۇڭتۇڭى جاپاروۆپەن كەڭەس وتكىزدى. ەكى ەلدىڭ مەملەكەت باسشىلارى جۇڭگو - قىرعىزستان قارىم - قاتىناسىن جاڭا داۋىردەگى جان - جاقتى ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندەرىن جاريالادى.
شي جينپيڭ بىلاي دەپ اتاپ كورسەتتى: بىلتىر ءبىز ەكى رەت ديدارلاستىق، جۇڭگو - قىرعىزستان قارىم - قاتىناسى جانە ەكى ەلدىڭ ءار سالاداعى سەلبەستىگى جونىندە كەلىسكەن ماڭىزدى ورتاق تانىمدارىمىز ءونىمدى تياناقتانىپ، ەكى ەل قارىم - قاتىناسىنىڭ دامۋىنا قۋاتتى قوزعاۋشى كۇش ۇستەۋدە. جۇڭگو - قىرعىزستان قارىم - قاتىناسى 31 جىلدىق دامۋ بارىسىن باسىپ ءوتتى، جۇڭگو جاق قىرعىزستان جاقپەن تاتۋ كورشى، دوس، بىرگە گۇلدەنىپ - كوركەيەتىن جۇڭگو - قىرعىزستان تاعدىرلاس ورتاق تۇلعاسىن قۇرىپ، ەكى ەلدىڭ دامۋىنا، گۇلدەنۋىنە دەم بەرۋدى قالايدى.
شي جينپيڭ بىلاي دەپ دارىپتەدى: جۇڭگو مەن قىرعىزستان ءوزارا قولداۋدى كۇشەيتۋى، اسىرەسە، ءبىر - ءبىرىنىڭ وزەكتى مۇددەسىن ايقىن، پارمەندى قولداپ، ءوزارا سەنىم ارتاتىن، ءبىر - بىرىنە سۇيەنەتىن جاقسى دوس بولۋى كەرەك. دامۋ ستراتەگياسىن ۇشتاستىرۋدى جانە ساياساتتاردى سايكەستىرۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ ارقىلى ءار سالاداعى ناقتى سەلبەستىكتى ىلگەرىلەتىپ، ەكونوميكا - ساۋدا سەلبەستىگىنىڭ دەڭگەيىن جوعارىلاتىپ، حالىق تۇرمىسى نىسان قۇرىلىستارى مەن كەدەيلەردى سۇيەمەلدەۋ، كەدەيلىكتى ازايتۋ، اۋىل - قىستاقتى گۇلدەندىرۋ سياقتى سالالارداعى سەلبەستىكتى ىلگەرىلەتىپ، ۇلاستىرۋ - تۇتاستىرۋ سەلبەستىگىن تەرەڭدەتىپ، جۇڭگو - قىرعىزستان - وزبەكستان تەمىر جولى قۇرىلىسىن ەرتەرەك باستاۋ كەرەك. جۇڭگو جاق قىرعىزستاننىڭ ساپالى اۋىل شارۋاشىلىق قوسالقى ونىمدەرىن يمپورت ەتۋ مولشەرىن ارتتىرۋدى قالايدى، اناعۇرلىم كوپ جۇڭگو كاسىپورىندارىن قىرعىزستانعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى. ەكى جاق تاعى جەرگىلىكتى ورىندار سەلبەستىگىن كۇشەيتىپ، گۋمانيتارلىق اۋىس - كۇيىستى كەڭەيتىپ، ەكى ەل قارىم - قاتىناسىن دامىتۋدىڭ قوعامدىق جانە حالىق رايى نەگىزىن بەكەمدەۋى كەرەك. حاۋىپسىزدىك سەلبەستىگىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋعا جانە ەكى ەلدىڭ دامۋ قۇرىلىسىنا تاماشا حاۋىپسىزدىك ورتاسىن ازىرلەۋ كەرەك.
جاپاروۆ مىنالاردى ءبىلدىردى: تاريحي مانگە تولى بايىرعى جىبەك جولىنىڭ باستالۋ تۇيىنىنە ساپارلاي كەلگەنىمە وتە قۋانىشتىمىن، جۇڭگونىڭ ەل ىشىندەگى جەلىلەس كەلەلى ساياسي كۇن تارتىپتەرىن ءساتتى ورىنداعانىن قىزۋ قۇتتىقتايمىن، ءتوراعا شي جينپيڭنىڭ پارمەندى باسشىلىعىندا، جۇڭگونىڭ ءار سالاداعى دامۋدا، ءسوز جوق، تىڭ دا شۇعىلالى تابىستارعا قول جەتكىزىپ، دۇنيە جۇزىندە اناعۇرلىم ماڭىزدى رول اتقاراتىنىنا سەنەمىن. قازىر قىرعىزستان - جۇڭگو قارىم - قاتىناسى تاريحتاعى ەڭ جاقسى دەڭگەيدە تۇر، قىرعىزستان جاق جۇڭگو جاقتى تايۋان، شينجياڭعا ساياتىن ىستەر، شياڭگاڭعا ساياتىن ىستەر سياقتى وزەكتى مۇددە ماسەلەلەرىندە قولداۋ تۇرعىسىندا مىزعىماي تاباندى بولادى، جۇڭگو جاق العا قويعان دۇنيە جۇزىلىك حاۋىپسىزدىك باستاماسىن، دۇنيە جۇزىلىك دامۋ باستاماسىن قولدايدى، جۇڭگو جاقپەن ءوزارا تاباندىلىقپەن قولداۋ كورسەتىپ، تىعىز بايلانىس جاساپ، سەلبەسىپ، ەكى ەلدىڭ جانە ءوڭىردىڭ حاۋىپسىزدىگى مەن دامۋىن بىرگە جەبەۋدى قالايدى. قىرعىزستان جاق جۇڭگو كاسىپورىندارىنا حاۋىپسىز، تاماشا قارجى قوسۋ ورتاسىن ازىرلەۋگە كۇش سالىپ، ”ءبىر بەلدەۋ، ءبىر جولدى“ بىرگە قۇرۋدى ۇزدىكسىز ىلگەرىلەتەدى. بۇگىن ءبىز قىرعىزستان - جۇڭگو قارىم - قاتىناسىن جاڭا داۋىردەگى جان - جاقتى ستراتەگيالىق سەرىكتەستىك قارىم - قاتىناسقا كوتەردىك ءارى قىرعىزستان - جۇڭگو تاعدىرلاس ورتاق تۇلعاسىن قۇرۋ جونىندە ءبىر اۋىزدىلىققا كەلدىك، بۇل، ءسوز جوق، ەكى ەلدىڭ جان - جاقتى، ءوزارا ءتيىمدى سەلبەستىگىنىڭ تىڭ ساتىعا كوتەرىلۋىن ىلگەرىلەتەدى.
جاپاروۆ مىنانى ءبىلدىردى: وتكىزىلۋ الدىندا تۇرعان جۇڭگو - ورتا ازيا باسشىلار ماجىلىسىنە زور ءۇمىت ارتامىن، جۇڭگومەن بىرگە باسشىلار ءماجىلىسىن ورتا ازيا ەلدەرى مەن جۇڭگونىڭ ەكى جاقتى جانە وڭىرلىك تىعىز سەلبەستىگىنىڭ جاڭا تۇعىرى ەتىپ قۇرىپ شىعۋدى قالايمىن.
كەڭەستەن كەيىن ەكى ەل باسشىلارى «جۇڭحۋا حالىق رەسپۋبليكاسى مەن قىرعىزستان رەسپۋبليكاسىنىڭ جاڭا داۋىردەگى جان - جاقتى ستراتەگيالىق سەرىكتەستىك قارىم - قاتىناس ورناتۋ جونىندەگى بىرلەسكەن جارناماسىنا» قول قويدى ءارى ەكونوميكا - ساۋدا، كاسىپ سالاسى جانە قارجى قوسۋ، كەدەن، اۋىل شارۋاشىلىعى، گۋمانيتارلىق سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويۋعا كۋا بولدى.
ساي چي، ۋاڭ ي، چين گاڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
