شي جينپيڭ تاجىكستاننىڭ زۇڭتۇڭى راحمونمەن كەڭەس وتكىزدى
2023.05.19 15:07 كەلۋ قاينارى : حالىق تورابى
«حالىق گازەتى»، 5 - ايدىڭ 18 – كۇنى، شي – ان (تىلشىلەر يۇي ي - چۇن، لي چياڭ). 5 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ شي - اندا جۇڭگو - ورتا ازيا باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن تاجىكستاننىڭ زۇڭتۇڭى راحمونمەن كەڭەس وتكىزدى.
شي جينپيڭ بىلاي دەپ اتاپ كورسەتتى: جۇڭگو مەن تاجىكستان ديپلوماتيالىق قارىم - قاتىناس ورناتقاننان بەرى ەكى ەل قارىم - قاتىناسى تاتۋ كورشىلىك دوستىقتان ستراتەگيالىق سەرىكتەر بولۋعا، ونان جان - جاقتى ستراتەگيالىق سەرىكتەستىك قارىم – قاتىناس ورناتۋعا دەيىنگى سەكىرۋدى جۇزەگە اسىردى. جۇڭگو - تاجىكستان قارىم - قاتىناسىنىڭ تەرەڭ تاريحي قاينارى، بەرىك ساياسي نەگىزى، باي سەلبەستىك مازمۇنى، كەڭ كولەمدى حالىق تىلەگى قولداۋى بار. جاڭا جاعدايدا جۇڭگو جاق تاجىكستان جاقپەن بىرگە قۇلشىنىپ، ءار سالاداعى سەلبەستىك دەڭگەيىن جاپپاي جوعارىلاتىپ، ۇرپاقتان - ۇرپاققا جالعاسقان دوسجار، بەينەت پەن زەينەتتى بىرگە وتكەرەتىن، ءوزارا پايدا جەتكىزىپ، تەڭ يگىلىككە كەنەلەتىن جۇڭگو - تاجىكستان تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
شي جينپيڭ بىلاي دەپ دارىپتەدى: ەكى جاق ءوزارا قۇرمەت ەتۋ، وسكەلەڭ ءوزارا سەنىم ارتۋ نەگىزىندە، جان - جاقتى ستراتەگيالىق سەلبەستىكتى تەرەڭدەتىپ، يەلىك ۇقىق، تاۋەلسىزدىك، حاۋىپسىزدىك، تەرريتوريا تۇتاستىعى سياقتى وزەكتى مۇددەگە ساياتىن ماسەلەلەردە ءبىرىن - ءبىرى تاباندىلىقپەن قولداپ، ءبىر - بىرىنە سەنەتىن ستراتەگيالىق سەرىك بولۋى كەرەك. ەكى جاق دامۋ ستراتەگياسىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ەكونوميكا - ساۋدا، ۇلاستىرۋ - تۇتاستىرۋ، اۋىل شارۋاشىلىعى، ءىرى نىساندار سياقتى جاقتارداعى سەلبەستىكتى تەرەڭدەتۋى كەرەك، جۇڭگو جاق تاجىكستاننىڭ ءتىپتى دە كوپ ساپالى اۋىل شارۋاشىلىق ونىمدەرىن يمپورت ەتۋدى قالايدى. گۋمانيتارلىق اۋىس - كۇيىستى جيىلەتىپ، لۋبان شەبەرحانالارىن جاقسى باسقارىپ، وقۋ - اعارتۋ، اقپارات قۇرالدارى سەلبەستىگىن كۇشەيتىپ، جۇڭگو - تاجىكستان دوستىعىنىڭ حيكاياسىن جاقسى بايانداپ، ەكى ەل قارىم - قاتىناسىنىڭ حالىق تىلەگى مەن قوعامدىق نەگىزىن بەكەمدەۋ كەرەك. جۇڭگو جاق تاجىكستان جاقپەن زاڭ اتقارۋ، حاۋىپسىزدىك سەلبەستىگىن كۇشەيتىپ، ەكى ەلدىڭ جانە ءوڭىردىڭ ورتاق حاۋىپسىزدىگىن قورعاپ، دۇنيە جۇزىلىك دامۋ باستاماسىنىڭ، دۇنيە جۇزىلىك حاۋىپسىزدىك باستاماسىنىڭ، دۇنيە جۇزىلىك وركەنيەت باستاماسىنىڭ تياناقتانۋىن ىلگەرىلەتىپ، قالىڭ وركەندەپ كەلە جاتقان ەلدەردىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. ءار جاقتىڭ بىرگە قۇلشىنۋىندا، وسى رەتكى جۇڭگو - ورتا ازيا باسشىلار ءماجىلىسىنىڭ، ءسوز جوق، مازمۇنى باي، تابىسى مول باسشىلار ءماجىلىسى بولىپ وتكىزىلىپ، جۇڭگو - ورتا ازيا سەلبەستىگىنىڭ جاڭا ءداۋىرىن اشاتىنىنا سەنەمىن.
راحمون مىنالاردى ءبىلدىردى: تاجىكستان مەن جۇڭگونىڭ قارىم - قاتىناسى وسكەلەڭ ءوزارا سەنىمدىلىك، ءوزارا قۇرمەتتەۋ، ءوزارا قولداۋ كورسەتۋ نەگىزىندە ورناعان. بيىل − تاجىكستان مەن جۇڭگونىڭ ستراتەگيالىق سەرىكتەستىك قارىم - قاتىناس ورناتقانىنىڭ 10 جىلدىعى، ەكى ەل قارىم - قاتىناسى مەملەكەت پەن مەملەكەتتىڭ تاتۋ كورشىلىك دوستىعىنىڭ، شىنايى سەلبەستىگىنىڭ ۇلگىسىنە اينالدى. تاجىكستان ءبىر جۇڭگو ساياساتىنان بۇلجىمايدى، تاجىكستان مەن جۇڭگونىڭ ستراتەگيالىق سەرىكتەستىك قارىم - قاتىناسىن دامىتۋعا بۇلجىماي كۇش سالادى، تاجىكستان - جۇڭگو تاعدىرلاس ورتاق تۇلعاسىن قۇرادى. بۇل ەكى ەل مەن ەكى ەل حالىقتارىنىڭ ءتۇبىرلى مۇددەسىنە ۇيلەسەدى. تاجىكستان جاق جۇڭگو جاق العا قويعان دۇنيە جۇزىلىك حاۋىپسىزدىك باستاماسىن، دۇنيە جۇزىلىك دامۋ باستاماسىن، دۇنيە جۇزىلىك وركەنيەت باستاماسىن قولدايدى، تاجىكستاننىڭ مەملەكەتتى دامىتۋ ستراتەگياسىن ”ءبىر بەلدەۋ، ءبىر جولدى“ بىرگە قۇرۋ باستاماسىمەن ىشكەرىلەي ۇشتاستىرۋدى ىلگەرىلەتىپ، جۇڭگونىڭ دامۋ تاجىريبەلەرىنەن ۇلگى الىپ، ەكى ەلدىڭ ەكونوميكا - ساۋدا، ءوندىرىس قۋاتى، اۋىل شارۋاشىلىعى، قاتىناس، جاسىل ەكونوميكا، گۋمانيتارلىق سياقتى سالالارداعى سەلبەستىگىن كۇشەيتۋدى قالايمىز. تاجىكستان جاق جۇڭگو جاقپەن بىرگە تۇڭعىش رەتكى جۇڭگو - ورتا ازيا باسشىلار ءماجىلىسىن ويداعىداي اشىپ، جۇڭگو - ورتا ازيا مەحانيزمىن ويداعىداي قۇرۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن تاجىكستان رەسپۋبليكاسىنىڭ بىرلەسكەن مالىمدەمەسىنە» قول قويىپ، ەكونوميكا - ساۋدا، ۇلاستىرۋ - تۇتاستىرۋ، عىلىم - تەحنيكا، جەرگىلىكتى جەرلەردىڭ اۋىس - كۇيىسى سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويۋعا بىرگە كۋا بولدى.
ساي چي، ۋاڭ ي، چين گاڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
