شي جينپيڭ وزبەكستاننىڭ زۇڭتۇڭى ميرزيويەۆپەن كەڭەس وتكىزدى
2023.05.19 15:09 كەلۋ قاينارى : حالىق تورابى
«حالىق گازەتى»، 5 - ايدىڭ 18 – كۇنى، شي – ان (تىلشىلەر جاڭ گۋاڭجىڭ، جاڭ پىڭحۇي). 5 - ايدىڭ 18 - كۇنى تۇستەن كەيىن مەملەكەت ءتوراعاسى شي جينپيڭ شي - اندا جۇڭگو - ورتا ازيا باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن وزبەكستاننىڭ زۇڭتۇڭى ميرزيويەۆپەن كەڭەس وتكىزدى.
شي جينپيڭ بىلاي دەپ اتاپ كورسەتتى: بىلتىر 9 - ايدا مەن وزبەكستاندا مەملەكەتتىك ساپارا بولدىم، ءبىز جۇڭگو مەن وزبەكستاننىڭ ەكى جاقتى دەڭگەيدە تاعدىرلاس ورتاق تۇلعانى امالياتتا ايگىلەيتىنىن بىرگە جاريالاپ، ەكى ەل قارىم - قاتىناسىنىڭ جاڭا ورنىن تۇراقتاندىردىق. جۇڭگو جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدە، وزبەكستان دا ”جاڭا وزبەكستاندى“ جاپپاي قۇرۋدا، ەكى ەل دە رەفورما مەن دامۋدىڭ شەشۋشى كەزەڭىندە تۇر، ەكەۋى دە حالىقارالىق اۋمالى - توكپەلى جاعدايدىڭ سىناعىنا ءدوپ كەلۋدە. جۇڭگو جاق وزبەكستان جاقپەن بىرگە جان - جاقتى سەلبەستىكتى تەرەڭدەتىپ، جۇڭگو - وزبەكستان تاعدىرلاس ورتاق تۇلعاسىن قۇرۋدى قالايدى.
شي جينپيڭ بىلاي دەپ دارىپتەدى: جۇڭگو وزبەكستاننىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋىن باتىل قولدايدى، وزبەكستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى. ەكى جاق ءبىرىن - ءبىرى تاباندىلىقپەن قولداپ، ءبىر - بىرىنە ارقا سۇيەيتىن، ءبىر - بىرىنە سۇيەنەتىن دوس جانە سەرىك بولۋى كەرەك. ەكونوميكا - ساۋدا جانە قارجى قوسۋ سەلبەستىگىن كەڭەيتىپ، ۇلاستىرۋ - تۇتاستىرۋ قۇرىلىسىن تەرەڭدەتىپ، ەنەرگيا جانە ەمدەۋ، دەنساۋلىق ساقتاۋ سەلبەستىگىن كەڭەيتىپ، جەرگىلىكتى ورىندار، گۋمانيتارلىق جانە كەدەيلىكتى ازايتۋ اۋىس - كۇيىسىن، سەلبەستىگىن بەلسەنە ورىستەتۋ كەرەك. ەكى جاق لاڭكەستىككە قارسى تۇرۋ جانە كيلىگۋگە قارسى تۇرۋ سەلبەستىگىن ورىستەتىپ، ءوڭىردىڭ حاۋىپسىزدىگى مەن ورنىقتىلىعىن جەبەۋگە ءتيىستى ۇلەس قوسۋى كەرەك.
شي جينپيڭ بىلاي دەپ اتاپ كورسەتتى: جۇڭگو - ورتا ازيا باسشىلار ءماجىلىسى − جۇڭگو - ورتا ازيا قارىم - قاتىناسى تاريحىنداعى جاڭا بەلەس، جۇڭگو - ورتا ازيا سەلبەستىگىنىڭ جاڭا ءداۋىرىن اشادى. جۇڭگو وزبەكستانمەن بىرگە جۇڭگو - ورتا ازيا مەحانيزمى قۇرىلىسىن قول ۇستاسا ىلگەرىلەتىپ، اناعۇرلىم تىعىز جۇڭگو - ورتا ازيا تاعدىرلاس ورتاق تۇلعاسىن قۇرۋدى قالايدى.
ميرزيويەۆ مىنالاردى ءبىلدىردى: ج ك پ - نىڭ 20 - قۇرىلتايىنىڭ جانە بيىلعى جۇڭگونىڭ ەكى ءماجىلىسىنىڭ ءساتتى اشىلۋى − قازىرگى دۇنيە جۇزىندە كەلەلى ماڭىز الاتىن تاريحي وقيعا، بۇل ءتوراعا شي جينپيڭنىڭ ايبىندى دامۋ ستراتەگياسىنىڭ بۇكىل جۇڭگو حالقىنىڭ قولداپ - قۋاتتاۋىنا يە بولعانىن تولىق ايگىلەدى. مەن ءتوراعا شي جينپيڭنىڭ باسشىلىعىندا، جۇڭگونىڭ، ءسوز جوق، دەر كەزىندە جاپپاي سوتسياليستىك وسىزاماندانعان قۇدىرەتتى ەل قۇرىپ، دۇنيە ءجۇزىنىڭ بەيبىتشىلىگى مەن دامۋىنا ماڭىزدى ۇلەس قوساتىنىنا سەنەمىن. وزبەكستان جاق ءبىر جۇڭگو ساياساتىنان جازبايدى، جۇڭگو جاقتىڭ سەنىمدى، بارلىق جاعدايدا بىردەي ستراتەگيالىق سەرىگى بولادى. وزبەكستان جاق جۇڭگو جاقتىڭ كەدەيلىكتى ازايتۋ تاجىريبەسىنەن ۇيرەنىپ، ۇلگى الىپ، ءار سالاداعى سەلبەستىكتى ۇزدىكسىز تەرەڭدەتىپ، گۋمانيتارلىق اۋىس - كۇيىستى كۇشەيتىپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن بەلسەنە تياناقتاندىرىپ، وزبەكستان مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. وزبەكستان جاق جۇڭگو جاقپەن بىرگە جۇڭگو - ورتا ازيا مەحانيزمى سياقتى كوپ جاقتى سەلبەستىكتى جيىلەتىپ، وڭىرلىك حاۋىپسىزدىك پەن دامۋدى بىرگە جەبەۋدى قالايدى.
كەڭەستەن كەيىن ەكى ەل باسشىلارى «جۇڭحۋا حالىق رەسپۋبليكاسى مەن وزبەكستان رەسپۋبليكاسىنىڭ بىرلەسكەن مالىمدەمەسىنە» قول قويىپ، «جۇڭحۋا حالىق رەسپۋبليكاسى مەن وزبەكستان رەسپۋبليكاسىنىڭ جاڭا داۋىردەگى جان - جاقتى ستراتەگيالىق سەرىكتەستىك قارىم - قاتىناسىن دامىتۋ جوباسىن (2023 − 2027)» ماقۇلدادى. قارجى قوسۋدا الدىمەن ەسكەرىلەتىن نىساندار، كەدەيلىكتى ازايتۋ، اۋىل شارۋاشىلىق ونىمدەرى ساۋداسى، تەكسەرۋ - كارانتيندەۋ، جەرگىلىكتى ورىندار سەلبەستىگى سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويۋعا بىرگە كۋا بولدى.
ساي چي، ۋاڭ ي، چين گاڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
