مەملەكەتتىك دەنساۋلىق ساقتاۋ، سالاماتتىق كوميتەتى 20 ءتۇرلى شارا قولدانىپ، ناۋقاستاردىڭ ەمدەلۋ اسەرىن جاقسارتادى
2023.05.29 14:39 كەلۋ قاينارى : حالىق تورابى
حالىق گازەتىنىڭ 5 – ايدىڭ 28 – كۇنى بەيجيڭنەن بەرگەن حابارى. تاياۋدا مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك جۇڭگوشا ەمدەۋ، ءدارى - دارمەك باسقارۋ مەكەمەسى ۇقتىرۋ باسىپ تاراتىپ، 2023 - جىلدان 2025 - جىلعا دەيىن بۇكىل ەل كولەمىندە ەمدەلۋ اسەرىن جاقسارتۋ، ناۋقاستاردىڭ سەزىنۋىن جوعارىلاتۋ تاقىرىپتىق قيمىلىن اتقارىپ، حالىق بۇقاراسىنىڭ اۋرۋ كورسەتۋدەگى، ەمدەلۋدەگى شۇعىل، قيىن، الاڭداۋلى، ٴزارۋ ماسەلەلەرىن ىشكەرىلەي شەشىپ، حالىق بۇقاراسىنىڭ جوعارى ساپالى دامۋ جەتىستىكتەرىنەن يگىلىكتەنۋىن قامتاماسىزداندىرادى.
وسى رەتكى تاقىرىپتىق قيمىلدا ناۋقاستىڭ تۇرعىسىن شىعار ءتۇيىن ەتىپ، اۋرۋ كورسەتۋدىڭ، ەمدەلۋدىڭ جالپى بارىسىن ارقاۋ ەتىپ، 6 جاقتاعى 20 ءتۇرلى ناقتى شارانى العا قويدى. ۇستانىمدا جاڭالىق اشىپ، قىزمەت وتەۋدى العا ىلگەرىلەتىپ، ناۋقاستاردىڭ دياگنوز قويۋ الدىنداعى اسەرىن جوعارىلاتادى. ەمدەۋ قۇرىلىمدارى جاساندى زەردە ارقىلى الدىن الا كەلىسىپ ەمدەۋ ءتۇزىمىن كەمەلدەندىرىپ، الدىن الا كەلىسۋدىڭ دالدىگىن جوعارىلاتىپ، قايتا دياگنوز قويىلعان ناۋقاستاردىڭ الدىن الا ەمدەلۋ ۇلگىسىن قاراستىرۋىنا بولادى. بارىستى قاراپايىمداستىرىپ، ۇلگىدە جاڭالىق جاراتىپ، ناۋقاستاردىڭ امبالاتوريا كەشىرمەسىن جوعارىلاتادى. امبالاتوريا ءتارتىبىن قايتا جاساۋ ارقىلى ناۋقاستىڭ امبالاتوريادا ايالداۋ ۋاقىتىن قىسقارتادى؛ امبالاتوريا ورتاسىن جاقسارتىپ، جايلىلىق دارەجەسىن جوعارىلاتادى. بەكەمدەۋ، كەڭەيتۋ، مازمۇنىن بايىتۋ، ناۋقاستاردىڭ بالنيتساعا جاتىپ ەمدەلۋ كەشىرمەسىن جوعارىلاتادى. تاۋلىك بويى ەمدەۋگە قىزمەت وتەۋ ءتۇزىمىن ورناتۋ جانە كەمەلدەندىرۋ، كلينيكالىق جولداردى باسقارۋدى كەمەلدەندىرۋ، تەكسەرۋ، ءوزارا مويىنداۋدى ىلگەرىلەتىپ، جۇڭگوشا شيپاگەرلىك پەن ءدارى - دارمەكتىڭ ۇيلەسىمدى تەحنيكاسىن جالپىلاستىرىپ قولدانۋ ارقىلى بالنيتساعا جاتىپ ەمدەۋگە قىزمەت وتەۋ ءتۇزىمىن كەمەلدەندىرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
