شاڭحاي قالاسى نەگىزگى تاقىرىپتىق تاربيەنى ىشكەرىلەي جۇرگىزدى –
شىنايىلىقتى كورنەكتىلەندىرۋدەن جازبادى (يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ)
«حالىق گازەتىنىڭ» تىلشىلەرى ليۋ شى – ان، ليۋ ۋەيتاۋ، حۋاڭ شياۋحۇي
2023.05.29 16:25 كەلۋ قاينارى : حالىق تورابى
شاڭحاي شي جينپيڭ جاڭا ءداۋىر جۇڭگوشا سوتسياليزم يدەياسى نەگىزگى تاقىرىپتىق تاربيەسىن ورىستەتۋدى كەلەلى ساياسي مىندەت ەتۋدە تاباندى بولىپ، باس شۋجي شي جينپيڭنىڭ تاپسىرماسىن ەستە بەرىك ساقتاپ، شىنايىلىق ماڭىزدى تالابىن باتىل تياناقتاندىرىپ، ۇلگىگە، ولشەمگە قاتاڭ تۋرالانىپ، شىنايىلىقپەن، جەتە ۇيرەنىپ، جەتە ءتۇسىنىپ، ناقتى تەكسەرۋ - زەرتتەۋ جۇرگىزىپ، دامۋدى تاباندىلىقپەن ىلگەرىلەتىپ، بۇكىل قالانىڭ نەگىزگى تاقىرىپتىق تاربيەسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتتى.
ولشەمگە، ۇلگىگە قاتاڭ تۋرالانىپ، ءتىزىم جاساپ، مىندەت ءبولىپ، قاعىس قالدىرماۋعا كەپىلدىك ەتتى
2019 - جىلى باس شۋجي شي جينپيڭ شاڭحايدا قىزمەت تەكسەرگەندە، شاڭحايدىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋدە شىنايىلىقتى كورنەكتىلەندىرىپ، ءىس جۇزىندىك ماسەلەلەردى كۇش سالا شەشىپ، ءىس جۇزىندىك قىزمەتتەردى ىلگەرىلەتكەنىن تۇراقتاندىرعان بولاتىن.
بيىل 4 - ايدىڭ 3 - كۇنى نەگىزگى تاقىرىپتىق تاربيە قىزمەتى ءماجىلىسى بەيجيڭدە اشىلعاننان كەيىن شاڭحاي قالالىق پارتكوم يدەيالىق تانىم جاعىنان باس شۋجي شي جينپيڭ پايىمداعان نەگىزگى تاقىرىپتىق تاربيەنىڭ كەلەلى ءمانى، ءتۇبىرلى مىندەتى، نىسانالارى، تالاپتارى جانە ادىستەرى، شارالارى بويىنشا جاپپاي ولشەمگە، ۇلگىگە تۋرالانىپ، باس شۋجيدىڭ تاپسىرماسىن ەستە بەرىك ساقتاپ، شىنايىلىق تالابىن نەگىزگى تاقىرىپتىق تاربيەنىڭ تۇتاس بارىسىمەن، ءار جاعىمەن ساباقتاستىردى.
جوبا جاساۋ جاعىندا شاڭحاي قالالىق پارتكوم پارتيا ورتالىق كوميتەتىنىڭ تالابىنا جاپپاي نەگىزدەلىپ، ولشەمگە قاتاڭ تۋرالانىپ، ناقتى جوسپارلاپ، شاڭحايدىڭ اتقارۋ جوباسىن عىلمي جاساپ، شىنايىلىق تالابىن نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، قاداعالاۋ، رەتتەۋ - تۇزەتۋ سياقتى جاقتارداعى قىزمەت مىندەتتەرىمەن ساباقتاستىردى. باس شۋجي شي جينپيڭنىڭ ماڭىزدى ءسوزى مەن پارتيا ورتالىق كوميتەتىنىڭ نەگىزگى تاقىرىپتىق تاربيە جونىندەگى بارلىق قۇجاتىنا قاراتا، شاڭحاي ءبىر - بىرلەپ سالىستىرىپ، ءتىزىم جاساپ، مىندەتتى اشالاپ، قاعىس قالدىرماۋعا كەپىلدىك ەتتى.
جۇمىلدىرۋ، ورنالاستىرۋ جاعىندا شاڭحاي قالالىق پارتكوم ايقىن دا شىنايى تالاپتا تاباندى بولىپ، ناقتى بەتالىستى كورنەكتىلەندىرىپ، تىڭعىلىقتى شارالار قولداندى. قالالىق پارتكومداعى نەگىزگى جاۋاپتى جولداس مىنالاردى ءبىلدىردى: شىنايىلىقتى كورنەكتىلەندىرۋدى نەگىزگى تاقىرىپتىق تاربيەنىڭ تۇتاس بارىسىمەن ساباقتاستىرىپ، پارتيانىڭ جاسامپاز نازارياسىمەن اۋەلگى ماقساتتى نارلەندىرىپ، بورىشقا جەتەكشىلىك ەتىپ، اتويشى بولۋ بەينەسىمەن جانە اتويشى بولۋ جاۋاپكەرلىگىمەن جاڭا ءداۋىردىڭ جاڭا كەرەمەتتەرىن قۇلشىنا جاراتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن پۋجياڭ وزەنىنىڭ ەكى جاعالاۋىندا اناعۇرلىم كوركەم جاندى كورىنىسكە اينالدىرامىز.
ۇيىمداستىرۋ، باسشىلىق ەتۋ جاعىندا شاڭحاي قالالىق پارتكوم ءبىر اپتا ىشىندە نەگىزگى تاقىرىپتىق تاربيەنىڭ قىزمەت ەرەجەسى، جۇمىس قولدانباسى، قاتىناسقان ورىنداردىڭ قىزمەت ورنالاستىرۋ كەستەسى سياقتى ءبىرقىدىرۋ تۇزىمدىك، جەتەكشىلىك قۇجاتىن العا قويدى، سونىمەن بىرگە، قالالىق پارتكومنىڭ 24 ارالاپ ءجۇرىپ جەتەكشىلىك ەتۋ گرۋپپاسىن قۇرىپ، ءبىرىنشى توپتاعى تۇرلىشە سالالاردان قاتىناسقان ورىنداردى تۇرگە ءبولىپ جەتەكشىلىك ەتىپ، بۇكىل قالا بويىنشا ءبىر تۇتاس ىلگەرىلەتۋگە كەپىلدىك ەتتى.
”شاڭحايدا ءبىرىنشى توپتا قاتىناساتىن ورىنداردىڭ بارىندە 4 ءتىزىم بار: ۇيرەنۋ جوباسى، كىتاپ وقۋ كلاسى جوسپارى، تەكسەرۋ - زەرتتەۋ جوسپارى، ماسەلە ءتىزىمى، 4 ءتىزىم ءبىر - بىرىمەن قابىسقان، بىرەۋى كەم بولسا بولمايدى. نەگىزگى تاقىرىپتىق تاربيەنىڭ لۋشيان كارتاسى ءازىر بولدى، قاتىناسۋشى ورىندار كارتا بويىنشا قاۋىرت ۇيرەنۋ ورىستەتەدى، ارالاپ جەتەكشىلىك ەتۋ گرۋپپالارى كارتا بويىنشا قۋزاۋ - جەتەكشىلىك ەتەدى، قىزمەت ءتارتىبى ايقىن، اينالىمى جوعارى بولدى، كوڭىلىمىز ءتىپتى دە ورنىعىپ، انىق – قانىعىن ءبىلىپ وتىراتىن بولدى“ دەدى شاڭحاي قالالىق پارتكومنىڭ نەگىزگى تاقىرىپتىق تاربيە باسشىلىق ەتۋ گرۋپپاسى كەڭسەسىنىڭ قاتىستى جاۋاپتىسى.
ناقتاپ ۇيرەنىپ، جەتە ءتۇسىنىپ، بايانداۋ ءتۇزىمى ارقىلى توعىستىرۋدى جەبەدى
شاڭحاي قالالىق پارتكوم پارتيا مۇشەلەرىنەن، كادرلاردان جاڭا داۋىردەگى 10 جىلدان بەرى شاڭحايدا تۋىلعان وراسان زور وزگەرىسپەن ۇشتاستىرىپ، ۇيرەنۋ ستيلى جاعىندا شىنايىلىق تالابىن كورنەكتىلەندىرىپ، ىشكەرىلەي ۇيرەنۋ، جەتە ءتۇسىنۋ جاعىنا كۇش سالىپ، پارتيانىڭ جاسامپاز نازارياسىنان سانالىلىقپەن پايدالانىپ جاڭا جاعدايلاردى زەرتتەپ، جاڭا ماسەلەلەردى شەشىپ، جاڭا تاجىريبەلەردى قورىتىندىلاپ، قالىڭ پارتيا مۇشەلەرىنىڭ، كادرلاردىڭ شىنايى ۇيرەنۋىن، شىنايى ءتۇسىنۋىن، شىنايى سەنۋىن، شىنايى قولدانۋىن ۇزدىكسىز ىلگەرىلەتۋدى تالاپ ەتتى.
شاڭحاي جاپپاي جۇيەلى ۇيرەنۋ مەن ءتۇيىندى كورنەكتىلەندىرە ۇيرەنۋدى ۇشتاستىرىپ، ”2+8“ نەگىزگى تاقىرىپتىق تاربيە ۇيرەنۋ ماتەريالىن قالىپتاستىردى. پارتيا ورتالىق كوميتەتى بەلگىلەگەن 8 كىتاپ مازمۇنىنان سىرت، شاڭحاي قالاسى پارتيا 18 - قۇرىلتايىنان بەرگى باس شۋجي شي جينپيڭنىڭ شاڭحاي قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىن، بەكىتۋلەرىن جيناقتاپ، «شي جينپيڭنىڭ قالا قىزمەتى جونىندەگى پايىمداۋلارىنان ۇزىندىلەردى» ءار دارەجەلى پارتكومداردىڭ (پارتيا باسشىلىق گرۋپپالارى)، ءسوزسىز، ۇيرەنەتىن وقۋلىعى ەتتى.
ۇيرەنۋ دانەكەرى جاعىندا شاڭحاي ”X+3+1 “ ەسەپ بەرۋ ءتۇزىمىن اتقاردى، مۇنداعى ”1“ ”ءتۇپ نۇسقانى شوعىرلى وقىپ، قاعيدانى ءتۇسىنۋ“ دەگەندى بىلدىرەدى، ”3“ ”جەكەلەردىڭ وزدىگىنەن ۇيرەنىپ اسەرى“، ”وسى اپتادا تەكسەرۋ - زەرتتەۋ جۇرگىزۋ جاعدايى جونىندە اۋىس - كۇيىس جاساۋ“، ”ماسەلەنى شەشۋدى ىلگەرىلەتۋ جاعدايى“ دەگەندى بىلدىرەدى، ” X“”باسقا ارناۋلى تاقىرىپتىق زەرتتەۋ - تالقىلاۋ، اۋىس - كۇيىس جاساۋ، ورتاقتاسۋ سياقتى مازمۇندار“ دەگەندى بىلدىرەدى، وسىلايشا ءارقايسى ورىننىڭ پارتكوم (پارتيا باسشىلىق گرۋپپاسى) القا مۇشەلەرىنىڭ ءار اپتادا ۇيرەنۋ جۇرگىزىپ، ىشكەرىلەي اۋىس - كۇيىس جاساپ، زەرتتەۋ - تالقى ورىستەتىپ، ءوزارا ۇيرەنۋدى، ءوزارا ۇلگى الۋدى كۇشەيتۋى ايقىندالدى.
شاڭحاي پەداگوگيكا داشۋەسى پارتكومى ۇگىت ءبولىمىنىڭ باستىعى جاڭ ۋىنچاۋ بىلاي دەدى: ”ۇيرەنىپ قانا قويماي، ءوزىمنىڭ قالاي ۇيرەنگەنىمدى، نەنى تۇسىنگەنىمدى، ەندى قالاي ىستەيتىنىمدى انىق ءتۇسىندىرۋىم كەرەك، بۇل كوپشىلىكتىڭ ۇيرەنۋدى، ءسوز جوق، جۇيەلى جانە ىشكەرىلەي جۇرگىزۋگە كۇش سالىپ، تەرەڭدەتۋ، كوكەيگە ۇيالاتۋ جانە كادەگە جاراتۋ قىزمەتىن ويداعىداي ىستەۋىنە تۇرتكى بولادى“.
”ۇيرەنۋدەن ەسەپ بەرۋ ءتۇزىمى پارتيا مۇشەلەرىنە، كادرلارعا ۇيرەنۋدىڭ ءتىپتى دە ءماندى، ءتىپتى دە ماعىنالى ەكەنىن سەزىندىردى، كوپشىلىك ءسوز - سويلەمدى جاي عانا ءتۇرتىپ قويماي، قايتا وزدەرىمەن بايلانىستىرىپ، ءوز قىزمەتىمەن بايلانىستىرىپ، ءتۇسىنىسۋدى ءونىمدى ىلگەرىلەتتى“ دەدى شاڭحاي قالالىق حالىق ىستەرى مەكەمەسى باستىعىنىڭ ورىنباسارى گاۋ جي.
”تەتىك ’يدەيالىق ءادىستى دۇرىس قولدانۋدا‘.نازاريا ۇيرەنۋدى ارقاۋ ەتىپ، پارتيا مۇشەلەرىنىڭ، كادرلاردىڭ ۇيرەنۋدى، وي جۇگىرتۋدى، امالياتتا ايگىلەۋدى، ءتۇسىنۋدى ءبىر تۇلعالاندىرىپ تياناقتاندىرىپ، عىلمي نازاريانىڭ يدەيالىق ءادىسى مەن قىزمەت ءادىسىن يگەرىپ، اناعۇرلىم تەرەڭ ۇيرەنىپ، اناعۇرلىم جەتە ءتۇسىنىپ، اناعۇرلىم سانالى تۇردە امالياتتا ايگىلەۋىنە مۇمكىندىك جاساۋ كەرەك“ دەدى شاڭحاي قالالىق پارتكومنىڭ نەگىزگى تاقىرىپتىق تاربيەگە باسشىلىق ەتۋ گرۋپپاسىنىڭ قاتىستى جاۋاپتىسى.
ناقتى تەكسەرۋ - زەرتتەۋ جۇرگىزىپ، ءىرى ساندى مالىمەتتەر ارقىلى توبە بولىپ جينالۋدان ساقتانىپ، اۋىرتپالىقتى جەڭىلدەتتى
تەكسەرۋ - زەرتتەۋگە بارىنشا دەن قويۋ − وسى رەتكى نەگىزگى تاقىرىپتىق تاربيەنىڭ ماڭىزدى مازمۇنى جانە ايقىن ەرەكشەلىگى. شاڭحاي قالالىق پارتكوم مىنانى ايقىن تالاپ ەتتى: ءسوز جوق، وسىزامانداندىرۋ قۇرىلىسىنىڭ ستراتەگيالىق جالپى جاعدايىن شىعار ءتۇيىن ەتۋ، باس شۋجي شي جينپيڭ مەن پارتيا ورتالىق كوميتەتى شاڭحايعا جۇكتەگەن بورىش - مىندەتتى شىعار ءتۇيىن ەتۋ، ”ءتورتتى كوكەيدە ساقتاۋ“ ساياسي تالابىن شىعار ءتۇيىن ەتىپ، دەڭگەيدى جوعارىلاتىپ، ماڭىزدى ءتۇيىندى تۇراقتاندىرىپ، تەكسەرۋ - زەرتتەۋ بەتالىسىن جاڭا داۋىردەگى دامۋ وزگەرىسىنىڭ جاڭا اۋقىمىن، جاڭا سىن - سايىسىن يگەرۋگە شوعىرلاندىرۋ، شاڭحاي ارقالاعان كەلەلى ستراتەگيالىق كەلەلى مىندەتتى ىلگەرىلەتۋگە شوعىرلاندىرۋ، ءوز تاراۋىنىڭ، ءوز ورنىنىڭ نەگىزگى جاۋاپكەرلىگىن، نەگىزگى كاسىبىن اناعۇرلىم ويداعىداي اتقارۋعا شوعىرلاندىرۋ كەرەك.
شاڭحاي قالالىق پارتكومداعى نەگىزگى جاۋاپتى جولداستار ”شاڭحاي قالاسىن جاڭارتۋدا باياندى دامۋ ۇلگىسىندە جاڭالىق اشۋدى زەرتتەۋ“ تەكسەرۋ - زەرتتەۋ تاقىرىبىن باستاپ ورىستەتىپ، ءبىر اپتادا 3 كۇن ۋاقىت شىعارىپ بۇكىل قالاداعى كوپتەگەن كونە، شاعىن اۋماققا، ”قالا ورتاسىنداعى قىستاق“ سياقتى جەرلەرگە شوعىرلى بارىپ قورشاعان ورتانى كوردى، حالىق رايىن تىڭدادى، تيپتىك ماسەلەلەردى تەكسەرىپ - زەرتتەدى، بۇكىل قالانىڭ تەكسەرۋ - زەرتتەۋ قىزمەتىنىڭ تىڭعىلىقتى ورىستەتىلۋىنە جەتەكشىلىك ەتتى.
ۇلعايتىپ جىبەرۋ، جاداعاي عانا بولۋ، جەلە جورتىپ وتە شىعۋ سياقتى جايتتەردەن ساقتانۋ جانە ونى تەجەۋ ءۇشىن، شاڭحاي قالالىق پارتكومنىڭ نەگىزگى تاقىرىپتىق تاربيەگە باسشىلىق ەتۋ گرۋپپاسى كەڭسەسى 1 - توپتا قاتىناسقان ورىنداردىڭ تەكسەرۋ - زەرتتەۋ قىزمەتىنىڭ جوباسىن جوبالاۋ، قىزمەتتى ورىستەتۋ، جەتىستىكتەردى كادەگە جاراتۋ سياقتىلارىنا ءبىر تۇتاس جەتەكشىلىك ەتىپ، پارتيا ورتالىق كوميتەتىنىڭ بۇكىل پارتيادا تەكسەرۋ - زەرتتەۋ جۇرگىزۋ جونىندەگى قىزمەت جوباسىن تياناقتاندىرۋمەن ۇشتاستىرىپ، ءبىر تۇتاس ىلگەرىلەتتى، ءارى تەكسەرۋ - زەرتتەۋ تۇلعالارىنىڭ قامتۋ اياسى كەڭ، تاقىرىپ سانى كوپ، ءتۇيىن ءتۇرى كوپ بولۋداي ەرەكشەلىكتەرگە قاراتا، سيفرلاندىرىپ جونگە سالۋ تاجىريبەسىنەن پايدالانىپ، 10 كۇن ۋاقىتتا شوعىرلى باسقارۋ، پايدالانۋ، تالداۋ جاساۋ، كادەگە جاراتۋ سياقتى يقۋاتتار ءبىر تۇلعالانعان شاڭحاي نەگىزگى تاقىرىپتىق تاربيەسىنىڭ تەكسەرۋ - زەرتتەۋ ينفورماتسيا جۇيەسىن اشىپ، تەكسەرۋ - زەرتتەۋدە تاقىرىپ تاڭداۋ، تەكسەرۋ - زەرتتەۋ جوسپارى جانە بولاشاقتاعى تەكسەرۋ - زەرتتەۋدىڭ ناتيجەسى سىندى ”ءۇش جاقتان تۇرگە ايىرۋدى“ جۇزەگە اسىردى، تەكسەرىپ - زەرتتەۋ قىزمەتىنىڭ عىلميلىعى مەن ونىمدىلىگىن جوعارىلاتتى.
بۇل جۇيە 1 - توپتاعى نەگىزگى تاقىرىپتىق تاربيە ورىندارىنان جيىنى 8 مىڭ 908 باسشىلىق القا مۇشەسىنىڭ تاقىرىپقا جەتەكشىلىك ەتۋ، تەكسەرۋ - زەرتتەۋ جوسپارىن جيناقتاپ، قالا - رايون ەكى دارەجەلى تۇتاستىرۋ، سالالاس تارماقتى بىرلەستىرۋ ارقىلى باعدارى ۇقساس، سالاسى قارايلاس تاقىرىپتارعا شوعىرلى تالداۋ جاساپ، تەكسەرۋ - زەرتتەۋ ورنالاستىرۋى، بايلىق كۇشى سياقتىلاردى اناعۇرلىم ويداعىداي ءبىر تۇتاس جوسپارلاپ، قادامداس ىقپالداستىقتى، ۇقساس تاقىرىپقا بىرگە جاۋاپ قايتارۋدى جۇزەگە اسىردى.
”توپ - توبىمەن تەكسەرۋ - زەرتتەۋ جۇرگىزۋدەن، باس - باسىنا تەكسەرۋ - زەرتتەۋ جۇرگىزۋدەن، قايتالاپ تەكسەرىپ - زەرتتەۋدەن قالاي ساقتانۋعا بولادى؟ بۇل جاعىندا ءبىز، ءسوز جوق، شىندىقتى ءىس جۇزىنەن ىزدەي وتىرىپ نەگىزگى ساتىنىڭ ءىس جۇزىندىگىن ويلاستىرىپ، تەكسەرۋ - زەرتتەۋدە تۇرلەندىرۋدەن، بۇرمالاۋدان ساقتانۋىمىز كەرەك“. شاڭحاي قالالىق پارتكومنىڭ نەگىزگى تاقىرىپتىق تاربيەگە باسشىلىق ەتۋ گرۋپپاسى كەڭسەسىنىڭ قاتىستى جاۋاپتىسى بىلاي دەپ تانىستىردى: بۇل جۇيە ءارقايسى ورىننىڭ تەكسەرۋ - زەرتتەۋ ۋاقىتىن بەلگىلەۋ، ارالاپ جاعداي ۇعىسۋ ءتۇيىنى سياقتى فاكتورلاردى تۇرگە ايىرۋ، ناقتى ۋاقىتتا تالداۋ جاساۋ ارقىلى بۇكىل قالاداعى 215 ءمالى - قالاشىقتىڭ تەكسەرۋ - زەرتتەۋ، ارالاپ جاعداي ۇعىسۋ ”جىلۋ كۇشى كارتاسىن“ قالىپتاستىرىپ، ينفورماتسيالانعان الدىن الا ساقتاندىرۋ مەحانيزمىن ورناتىپ، تەكسەرۋ - زەرتتەۋدىڭ ”جول كارتاسىن“، ”ۋاقىت كەستەسىن“ ءبىر تۇتاس جوسپارلاپ ورنالاستىرۋدى ەڭ تاماشا ەسەپتەۋ ادىسىمەن قامدايدى، باسشى كادرلاردىڭ شىن مانىندە تومەنگە ءتۇسىپ، ءبىرىنشى شەپكە تىكە ارالاسۋىن ىلگەرىلەتۋمەن بىرگە، ۇيلىعىپ تەكسەرۋ - زەرتتەۋ جۇرگىزۋدى تەجەپ، نەگىزگى ساتىنىڭ اۋىرتپالىعىن جەڭىلدەتەدى.
”جىلۋ كۇشى كارتاسىنىڭ“ جەتەكشىلىگىندە، شاڭحايدا ءبىرىنشى توپتا قاتىناسقان ورىندار قالانىڭ دامۋىنا تۇساۋ بولىپ وتىرعان ماسەلەلەرگە قاتىناسىپ، جاعدايى كۇردەلى، قايشىلىعى كورنەكتى، بۇقارانىڭ پىكىرى شوعىرلانعان جەرلەرگە بارىپ، شىنايى ماسەلەنى بورشالاپ، جاقسى ءادىس قاراستىردى.
شاڭحاي قالالىق حالىق ىستەرى مەكەمەسىنە توتە قاراستى ورگاندار پارتكومى شۋجيىنىڭ ورىنباسارى لي جىلۇڭ قالالىق 2 - رۋحاني اۋرۋلار گيگيەنالىق ورتالىعىنا بارىپ ءبىر اپتا تەكسەرۋ - زەرتتەۋ جۇرگىزىپ، شيپاگەرلەرمەن جانە كۇتۋشىلەرمەن بىرگە تاماقتانىپ، بىرگە تۇرىپ، توپپەن بىرگە ناۋقاس بولمەلەرىن تەكسەردى جانە قىزمەت وتەدى. ”سەسترالار مەن كۇتۋشىلەر تاڭعى ساعات 2 دە قاربالاستىققا تۇسەدى، ساعات 5:30 دا ەڭ قاربالاس بولادى، كۇندى تۇنگە جالعاپ، سابىرلىلىقپەن، ىجداعاتتىلىقپەن ىستەيدى، ولاردىڭ قىزمەتى كىسىنى ەرەكشە سۇيىندىرەدى“. مەكەمە پارتيا باسشىلىق گرۋپپاسىنىڭ ماجىلىسىنە تەكسەرۋ - زەرتتەۋ جاعدايىنان مالىمەت بەرگەن كەزدە، لي جىلۇڭ تەبىرەنىسىن باسا المادى. بۇل رەتكى ماجىلىستە رۋحاني اۋرۋلار گيگيەنالىق ورتالىعىنىڭ بايلىق ۇسىنىلىمى جەتەرسىز بولۋ، ەمدەۋ - كۇتىمدەۋ كۇشتەرىنىڭ جەتپەۋى جانە كاسىپتىك اتاق باعالاۋدىڭ قيىن بولۋى سياقتى ماسەلەلەر ارناۋلى اقىلداسىلىپ، رەتتەۋ - تۇزەتۋ مىندەتى تىكەلەي ورنالاستىرىلىپ، ماسەلەنى شەشۋ ىلگەرىلەتىلدى.
شاڭحاي قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى باستىعىنىڭ ورىنباسارى جاڭ لان بىلاي دەپ تانىستىردى: مەكەمە نەگىزگى تاقىرىپتىق تاربيە بارىسىندا ”مەكەمە باستىعىنىڭ ارالاپ جۇمىس ىستەۋ كارتاسى“ ارەكەتىن ىشكەرىلەي ورىستەتتى، مەكەمە پارتيا باسشىلىق گرۋپپاسىنىڭ مۇشەلەرى جۇمىس بىتىرەتىن بۇقارامەن ارالاسىپ، كەزەكپەن جۇمىس ءبىتىرۋ تەرەزەسىنە بارىپ، ءمالىم ءىستىڭ جۇمىس ءبىتىرۋ بارىسىن سەزىندى، ”كاسىپتىك - تەحنيكالىق دارىندىلاردىڭ قوعامدىق ورنى مەن كاسىپتىك اتاق - ابىرويىن قالاي جوعارىلاتۋ“، ”يكەمدى جۇمىستانعان ادامداردىڭ جۇمىس ۇستىندە جارالانۋىن قامتاماسىز ەتۋ ماسەلەسىن قالاي شەشۋ“، ”داشۋە بىتىرگەن وقۋشىلاردىڭ ’جۇمىستانۋى باياۋ بولۋ‘ قوعامدىق ماسەلەلەرىن قالاي شەشۋ“ سياقتى ءبىر توپ ماسەلە تىزىمدىگىن اداقتاپ شىقتى.
دامۋدى تىڭعىلىقتى ىلگەرىلەتىپ، شىنايى يگەرىپ، ناقتى ىستەپ، قيىن ماسەلەلەردى شەشىپ، حالىقتى مۇڭ – مۇقتاجدان ارىلتتى
شاڭحاي قالالىق پارتكوم تاربيە مەن امالياتتى بىردەي يگەرۋدە، ەكەۋىن دە جەبەۋدە تاباندى بولىپ، نازاريا ۇيرەنۋدى كۇشەيتۋ ارقىلى دامۋ امالياتىنا جەتەكشىلىك ەتىپ، تەكسەرۋ - زەرتتەۋدى تەرەڭدەتۋ ارقىلى دامۋداعى قيىن ماسەلەلەردى شەشۋدى ىلگەرىلەتىپ، قاداعالاۋدى ويداعىداي يگەرىپ، رەتتەۋ - تۇزەتۋدى جوعارىلاتىپ، دامۋ ونىمدىلىگىن ىلگەرىلەتىپ، ساپالى دامۋدى ىلگەرىلەتۋدىڭ، حالىقتىڭ تۇرمىس ساپاسىن جوعارىلاتۋدىڭ جاڭا ناتيجەلەرى ارقىلى نەگىزگى تاقىرىپتىق تاربيەنىڭ جەتىستىكتەرىن سىننان وتكىزدى.
شاڭحاي قالالىق پارتكومنىڭ نەگىزگى تاقىرىپتىق تاربيەگە باسشىلىق ەتۋ گرۋپپاسى كەڭسەسى تەكسەرىپ - زەرتتەۋدە بايقالعان ماسەلەلەردى، دامۋدى ىلگەرىلەتۋدە جولىققان ماسەلەلەردى، بۇقارانىڭ اڭىسى كۇشتى بولعان ماسەلەلەردى، سونداي - اق شارلاۋ، شارلاپ تەكسەرۋ، قازىنالىق باقىلاۋ سياقتى جاقتاردا بايقالعان ماسەلەلەردى جۇيەلى سارالاپ، قالانىڭ ءتورت باسشىلىق القاسى مەن 1 - توپتا قاتىناسقان 246 ورىننىڭ ماسەلە ءتىزىمىنىڭ قالىپتاسۋىن ىلگەرىلەتتى.
شاڭحايداعى تاراۋلار، ورىندار ءبىر جاعىنان ۇيرەنىپ، ءبىر جاعىنان سالىستىرىپ، ءبىر جاعىنان قاداعالاپ، رەتتەپ - تۇزەتىپ، ءوز سالاسىندا ورىن تەپكەن ماسەلەلەردى تاعى دا سالىستىرىپ، تاعى دا سوڭىنا شىعارىپ، تاعى دا تياناقتاندىرىپ، ”ءوزى سۇراۋ شىعارىپ، ءوزى جاۋاپ قايتارۋدا“ تاباندى بولىپ، قانداي ماسەلە بولسا، قانداي كورنەكتى ماسەلە بولسا، سونى شەشتى.
شاڭحايدىڭ ەمدەۋ قامسىزداندىرۋ ساياساتى قالا تۇرعىندارىنىڭ ەمدەۋ قامسىزداندىرۋىنداعى بەلگىلەنگەن ءدارى - دارمەك دۇكەنىنەن رەتسەپتىك ءدارىنى ساتىپ الۋىنا قاراتقان شەكتەمەسى ءبىرشاما قاتاڭ بولىپ، ءدارى - دارمەك ءتۇرى 5 تۇردەن، ءدارى - دارمەكتىڭ مولشەرى ءبىر ايلىقتان، سوماسى ءبىر مىڭ 200 يۋاننان اسىپ كەتپەۋى كەرەك دەپ بەلگىلەنگەن. شاڭحاي قالالىق ەمدەۋ قامسىزداندىرۋ مەكەمەسى باستىعىنىڭ ورىنباسارى ساۋ جۇنشان تانىستىرىپ بىلاي دەدى: مەكەمەمىز قالا تۇرعىندارىنىڭ پىكىرىنە قاراتا تەكسەرىپ – زەرتتەۋدى كۇشەيتىپ، تەحنيكادا جاڭالىق جاراتۋ مەن قالا تۇرعىندارىنىڭ تانىمىنىڭ جوعارىلاۋىنا ساي، قازىر ارتقى تۇعىرداعى ءىرى ساندى مالىمەتتى باقىلاپ – باسقارۋ ارقىلى الدامكوستىك ارەكەتتەن ءونىمدى ساقتانىپ، ەسەپ – قيساپ قورىنىڭ حاۋىپسىزدىگىن قامتاماسىزداندىرىپ، جاڭا ساياساتتى زەرتتەپ شىعارىپ، ءتۇرى، سوماسى، رەت سانى سياقتى شەكتەمەلەردى كۇشىنەن قالدىردى، ”تەكسەرىپ – زەرتتەۋدەن جاڭا ساياسات شىعارىلعانعا دەيىن، 10 كۇن عانا كەتتى“.
شاڭحاي ماسەلە ءتىزىمىن يكەمدى باسقارۋ مەحانيزمىن اتقارىپ، باسشى كادرلار باستاماشى بولىپ جاۋاپتى بولۋ ءتۇزىمىن تياناقتاندىردى، القا تاۋىپ شىققان ماسەلەلەردى القا مۇشەلەرى تۇراقتاندىرىپ قابىلداپ، رەتتەۋ - تۇزەتۋدىڭ باستاماشى جاۋاپتىسى بولىپ، ءبىر - بىرلەپ شەشىپ، تۇزەتۋگە بولاتىندارىن دەرەۋ تۇزەتىپ، ءبىر مەزەت شەشۋگە بولمايتىن ماسەلەلەرگە قاراتا ايقىن ءارى ناقتى رەتتەۋ - تۇزەتۋ شارالارى مەن ۋاقىت شەگىن قاداعالاپ، ۇزدىكسىز رەتتەپ - تۇزەتتى.
شاڭحاي قالالىق بازار باقىلاۋ - باسقارۋ مەكەمەسى باستىعىنىڭ ورىنباسارى تاۋ يۇڭحۋا بىلاي دەپ تانىستىردى: مەكەمەمىزدەگى ءاربىر القا مۇشەسى ەكى جاقتاعى تاقىرىپتى تۇراقتاندىرىپ قابىلدادى، مۇنىڭ كەيبىرەۋىندە ماكرولىق جاقتان ۇزاق ۋاقىت قۇلشىنۋعا تۋرا كەلەدى، مىسالى، تيجارات تۇلعاسىنا قالاي قىزمەت وتەۋ، ساۋدا ورتاسىن قالاي ساپالىلاندىرۋ دەگەندەي؛ كەيبىرەۋى شاعىن ماسەلەلەر، ءبىراق كاسىپورىندارمەن، بۇقارامەن تىعىز بايلانىستى، مىسالى، شاڭحاي ءدارى - دارمەك دۇكەنىنىڭ APP قىزمەت وتەۋىن جاقسارتۋ، كاسىپورىنداردىڭ كوپ مالىمدەۋىن بىرىكتىرۋ، زەردەلىلەندىرۋ دەگەندەي. ”ءبىز 10 نەشە ماسەلەنى رەتتەپ شىقتىق، رەتتەۋ - تۇزەتۋ جوباسىن جاسادىق، جاۋاپكەرلىگىمىزدى ادامعا دەيىن تياناقتاندىردىق، اپتا سايىن ۇيرەنۋدەن ەسەپ بەرگەن كەزدە رەتتەۋ - تۇزەتۋدىڭ ىلگەرىلەۋ جاعدايىنان مالىمەت بەرەمىز“.
شاڭحاي قالالىق دامۋ - رەفورما كوميتەتى، قالالىق ەكونوميكا - ينفورماتسيالاندىرۋ كوميتەتى، قالالىق ساۋدا ىستەرى كوميتەتى سياقتى تاراۋلار نەگىزگى تاقرىپتىق تاربيە بارىسىندا پارتيا مۇشەلەرىن، كادرلاردى جاڭا دامۋ يدەياسىن ىشكەرىلەي ۇيرەنىپ دايەكتىلەندىرۋگە جەتەكتەپ، بيىلعى جىلى بۇكىل قالا ەكونوميكاسىنىڭ باستاماسىنىڭ جالپى جاقتان جاقسى بولۋىن تياناق ەتىپ، ەكونوميكا اۋقىمىنا امبەباپ تۇجىرىم جاساۋدى كۇشەيتىپ، ونەركاسىپتىڭ ورنىقتى ارتۋىن بار كۇشپەن ىلگەرىلەتۋ، شەتەل قارجىسىنىڭ، سىرتقى ساۋدانىڭ نەگىزگى جاعدايىن كۇش سالا ورنىقتىرۋ، كەلەلى نىسانداردىڭ تياناقتانۋىن، ناقتىلانۋىن مىقتى يگەرۋ، جاڭادان گۇلدەنگەن كاسىپ سالالارىنىڭ ورنالاسۋىن كۇشەيتۋ، ”جىبەك جولى ەلەكتروندىق ساۋداسى“ سەلبەستىگىنىڭ الدىمەن اتقارىلاتىن رايونىن جانە مەملەكەتتىك قىزمەت وتەۋ ساۋداسىندا جاڭالىق اشا دامۋدان ۇلگى كورسەتۋ رايونىن قۇرۋ سياقتى ءبىر توپ ساياساتتىق شارانى العا قويدى. شاڭحاي قالالىق عىلىم - تەحنيكا قىزمەتى پارتكومى تاربيەنىڭ ونىمدىلىگىن شىنايى تەكسەرۋدەن جازباي، الدىڭعى مەرزىمدىك تەكسەرۋ - زەرتتەۋمەن بىرلەستىرىپ، 4 - ايدىڭ 19 - كۇنى «قالانىڭ ۇقىق بەرۋ جاعىندا اناعۇرلىم جەڭىلدىك جاساپ، عىلىم - تەحنيكادا جاڭالىق اشۋدىڭ ومىرشەڭدىك كۇشىن ونان ارى تاسقىنداتۋ جونىندەگى ءبىرقانشا پىكىرىن» جاريالاپ، ءتۇرلى جاڭالىق اشۋ تۇلعالارىنىڭ ومىرشەڭدىك كۇشىن ونان ارى قاۋلاتىپ، عىلىم - تەحنيكادا جاڭالىق اشۋ قىزمەتىنىڭ ساپالى دامۋىن جەبەدى.
نەگىزگى تاقىرىپتىق تاربيەدە شىنايلىق − نىسانا ءارى بارىس. شاڭحاي نەگىزگى تاقىرىپتىق تاربيەنى ۇزدىكسىز تەرەڭدەتىپ، ناقتىلاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن كۇش سالا ويداعىداي ىستەپ، ماسەلەنى تابۋ، رەتتەۋ - تۇزەتۋدى يگەرۋ جاعىندا شىندىققا جۇگىنىپ، ناقتى ءىس ىستەپ، قيىن ماسەلەلەردى شەشۋ، دامۋدى جەبەۋ جاعىندا شىنايى يگەرىپ، ناقتى ىستەپ، ناقتى ءىس ىستەۋ، حالىقتىڭ مۇڭ - مۇقتاجىن شەشۋ جاعىنا دەن قويىپ، حالىق بۇقاراسىنا نەگىزگى تاقىرىپتىق تاربيەدە قول جەتكىزىلگەن ناقتى ونىمدىلىكتى سۇيىسپەنشىلىكپەن شىنايى سەزىندىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
