شىنجوۋ 16 – ءنومىرلى عارىشكەرلى الەم كەمەسىنىڭ ۇشىرىلۋى تابىستى بولدى
3 عارىشكەر جۇڭگو كەڭىستىك بەكەتىنە ءساتتى كىردى
2023.05.31 15:33 كەلۋ قاينارى : حالىق تورابى
«حالىق گازەتى»، 5 - ايدىڭ 30 – كۇنى، جيۋچۋان (تىلشىلەر ليۋ شى - ياۋ، ۋاڭ يۇنشان). جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ حابارىنا قاراعاندا، بەيجيڭ ۋاقىتى 2023 - جىلى 5 - ايدىڭ 30 - كۇنى ساعات 9 دان 31 مينۋت وتكەندە شىنجوۋ 16 - ءنومىرلى عارىشكەرلى الەم كەمەسى تيەلگەن ۇزاق جورىق 2 - ءنومىرلى F ياۋ 16 - ءنومىرلى تاسىمال راكەتاسى جيۋچۋان جاساندى سەرىك ۇشىرۋ ورتالىعىندا وتالدىرىلىپ ۇشىرىلعان، مولشەرمەن 10 مينۋتتان كەيىن شىنجوۋ 16 - ءنومىرلى عارىشكەرلى الەم كەمەسى راكەتادان ءساتتى اجىراپ، بەلگىلەنگەن وربيتاعا ەنگەن، عارىشكەرلەر گرۋپپاسىنىڭ جاعدايى جاقسى بولىپ، ۇشىرۋ تولىق تابىستى بولعان. بۇل رەتكى مىندەت − ەلىمىزدىڭ عارىشقا ادام الىپ ۇشۋ ينجەنەرياسى الەم كەڭىستىگى بەكەتىنىڭ پايدالانۋعا بەرىلۋ جانە دامۋ باسقىشىنا وتۋىنەن كەيىنگى تۇڭعىش رەتكى ادام الىپ ۇشۋ مىندەتى. شىنجوۋ 16 – ءنومىرلى عارىشكەرلى الەم كەمەسى وربيتاعا كىرگەننەن كەيىن 5 - ايدىڭ 30 - كۇنى ساعات 16 دان 29 مينۋت وتكەندە كەڭىستىك بەكەتىنىڭ تيانحى وزەكتى بولمەسى كەڭىستىك بەكەتىنىڭ قۇراماسىمەن ءساتتى جالعاندى. وسىدان كەيىن شىنجوۋ 16 - ءنومىرلى الەم كەمەسىندەگى 3 عارىشكەر جۇڭگو كەڭىستىك بەكەتىنە ءساتتى كىردى (قاتىستى حابارلاردى «حالىق گازەتىنىڭ» 11 – بەتىنەن وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved