«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى باسشىلىق ەتكەن سوتسياليستىك وسىزامانداندىرۋ
2023.06.01 17:05 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 31 - كۇنى، بەيجيڭ. 6 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 11 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ» اتتى ماڭىزدى ماقالاسى جاريالانادى.
ماقالادا بىلاي دەپ دارىپتەلدى: پارتيا 20 - قۇرىلتايىنىڭ بايانداماسىندا: ”جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى باسشىلىق ەتكەن سوتسياليستىك وسىزامانداندىرۋ“ دەپ ايقىن اتاپ كورسەتىلدى. بۇل − جۇڭگو ۇلگىسىندەگى وسىزامانداندىرۋدىڭ سيپاتىن تۇراقتاندىرعان ءسوز، ول جالپى جاقتان، ءتۇبىرلى جاقتان باسقارۋدى مەڭزەيدى. پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاعى مەن تاعدىرىنا، ەڭ سوڭىندا ءساتتى - ءساتسىز بولۋىنا تىكەلەي قاتىستى.
ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى سيپاتىن بەلگىلەيدى. پارتيانىڭ سيپاتى، باستى ماقساتى، اۋەلگى ماقساتى، بورىشى، سەنىمى، ساياساتتىق دارىپتەمەسى جۇڭگو ۇلگىسىندەگى وسىزامانداندىرۋدىڭ نەندەي ءبىر وسىزامانداندىرۋ ەمەس، قايتا جۇڭگو ۇلگىسىندەگى وسىزامانداندىرۋ بولۋىن بەلگىلەدى. پارتيامىز باستان - اياق جۇڭگوشا سوتسياليزم ۇلى تۋىن بيىك ۇستاپ، جۇڭگوشا سوتسياليزم جولىمەن بۇلجىماي ءجۇرىپ، جۇڭگو ۇلگىسىندەگى وسىزامانداندىرۋدىڭ دۇرىس ارنادا ءساتتى ىلگەرىلەۋىنە كەپىلدىك ەتەدى. پارتيامىز ماركسيزمدى ءتۇبىرلى جەتەكشى يدەيا ەتۋدە تاباندى بولىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن ۇزدىكسىز اشىپ، جۇڭگو ۇلگىسىندەگى وسىزامانداندىرۋدى عىلمي جەتەكشىلىكپەن قامدادى. پارتيامىز جۇڭگوشا سوتسياليستىك تۇزىمدە تاباندى بولىپ جانە ونى كەمەلدەندىرىپ، جۇڭگو ۇلگىسىندەگى وسىزامانداندىرۋدىڭ نىق قاداممەن العا باسۋىنا پارمەندى تۇزىمدىك كەپىلدىك ازىرلەدى. پارتيامىز جۇڭگوشا سوتسياليستىك مادەنيەتتە تاباندى بولىپ جانە ونى دامىتىپ، جۇڭگو ۇلگىسىندەگى وسىزامانداندىرۋدى قۇدىرەتتى رۋحاني كۇشپەن قامدادى. تەك پارتيانىڭ باسشىلىعىندا بۇلجىماي تاباندى بولعاندا عانا، جۇڭگو ۇلگىسىندەگى وسىزامانداندىرۋدىڭ بولاشاعى نۇرلى بولىپ، گۇلدەنىپ - كوركەيە الادى؛ ويتپەگەندە، جۇڭگو ۇلگىسىندەگى وسىزامانداندىرۋ باعىتتان اۋىتقىپ، رۋحىنان ايرىلادى، ءتىپتى ويرانداۋ سيپاتتى قاتەلىك وتكىزەدى.
ماقالادا بىلاي دەپ اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ كۇرەس نىساناسىن كوزدەپ نىق قاداممەن الىسقا تارتۋعا كەپىلدىك ەتتى. پارتيامىز باستان – اياق اۋەلگى ماقساتتان، بورىشتان جازباي، جۇڭگو حالقىنىڭ باقىتىن، جۇڭحۋا ۇلتىنىڭ گۇلدەنۋىن كوزدەپ، ۇلى مۇرات پەن كەزەڭدىك نىسانانى بىرلىككە كەلتىرۋدە تاباندى بولىپ، قاجىرلىلىقپەن قاجىماي - تالماي كۇرەس جۇرگىزدى. رەفورما جاساپ، ەسىك اشقاننان بەرى ءبىزدىڭ سوتسياليستىك وسىزاماندانعان مەملەكەت قۇرۋ كۇرەس نىسانامىز بىرتىندەپ ىلگەرىلەپ وتىردى، دايەكتى بولدى ءارى امالياتتىڭ دامۋىنا ىلەسە ۇزدىكسىز بايىپ كەمەلدەندى. پارتيانىڭ 20 - قۇرىلتايى 2035 - جىلعا بارعانداعى ەلىمىز دامۋىنىڭ نىساناسى مەن تالابىن اناعۇرلىم ايقىن سىزىپ، جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى جوباسىن عىلمي تۇردە جاسادى. سوتسياليستىك وسىزاماندانعان مەملەكەت قۇرۋ − پارتيامىزدىڭ دايەكتى كۇرەس نىساناسى، ۇرپاقتان - ۇرپاققا كۇش جالعاپ ىلگەرىلەتەمىز ءارى كۇللى دۇنيە ءجۇزىن جالت قاراتارلىق، تاريحتا ماڭگى وشپەيتىن شۇعىلالى تابىستارعا ۇزدىكسىز قول جەتكىزەمىز.
ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ قۋاتتى قوزعاۋشى كۇشىن قاۋلاتتى. رەفورما جاساپ، ەسىك اشۋ − زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا، سونداي - اق جۇڭگو ۇلگىسىندەگى وسىزامانداندىرۋدىڭ ءساتتى - ءساتسىز بولۋىن بەلگىلەيتىن شەشۋشى شارا. رەفورما جاساپ، ەسىك اشقاننان كەيىن پارتيامىز ءار سالاداعى ءتۇزىلىس رەفورماسىن ۇزدىكسىز ىلگەرىلەتىپ، زامانىمىزداعى جۇڭگونىڭ مەملەكەت جاعدايىنا ۇيلەسەتىن، ومىرشەڭدىك كۇشكە تولى ءتۇزىلىس، مەحانيزمدى قالىپتاستىردى جانە دامىتتى. پارتيا 18 - قۇرىلتايىنان بەرى پارتيامىز وراسان زور ساياسي باتىلدىقپەن رەفورمانى جاپپاي تەرەڭدەتىپ، يدەيا - كوزقاراستىڭ بۇعاۋىن تالقانداپ، مۇددە جاعىنداعى قاتىپ - سەمگەن بوگەتتەردى تالقانداپ، ءار جاقتاعى ءتۇزىلىس، مەحانيزم كىناراتتارىن باتىل الاستادى، رەفورما ءىشىنارالىق ىزدەنىس جاساۋدان، مۇز جارىپ قورشاۋدى بۇزۋدان جۇيەلى شوعىرلاندىرۋعا، جاپپاي تەرەڭدەتۋگە ءوتىپ، كوپتەگەن سالادا تاريحي سيپاتتى وزگەرىس، جۇيەلىك سيپاتتى قايتا سومداۋ، تۇلعالىق سيپاتتى قايتا قۇرۋ جۇزەگە اسىرىلدى. جۇڭگو ۇلگىسىندەگى وسىزامانداندىرۋعا سارقىلماس قوزعاۋشى كۇش قاينارى قوسىلدى.
ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ قۇدىرەتتى كۇشىن ۇيىستىردى. پارتيامىز جۇڭگو ۇلگىسىندەگى وسىزامانداندىرۋدىڭ ءجۇز ميلليونداعان حالىقتىڭ ءوز ءىسى، حالىقتىڭ جۇڭگو ۇلگىسىندەگى وسىزامانداندىرۋدىڭ نەگىزگى تۇلعاسى ەكەنىن، حالىققا بەرىك سۇيەنىپ، حالىقتىڭ جاسامپازدىق رۋحىنا قۇرمەت ەتىپ، جالپى حالىقتىڭ اقىل - پاراساتى مەن كۇش - قۋاتىن شوعىرلاندىرعاندا عانا جۇڭگو ۇلگىسىندەگى وسىزامانداندىرۋدىڭ ۇزدىكسىز العا دامۋىن ىلگەرىلەتۋگە بولاتىنىن تەرەڭ تانىپ جەتتى.ءبىز پارتيانىڭ بۇقارالىق لۋشيانىندا تاباندى بولىپ، پارتيانىڭ نازارياسى مەن لۋشيان، باعىت، ساياساتتارىنىڭ حالىق بۇقاراسىنىڭ شىن جۇرەكتەن قولداۋىنا يە بولۋىنا كۇش سالدىق. ءبىز حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتۋدە تاباندى بولىپ، حالىقتى وزەك ەتكەن دامۋ يدەياسىندا تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ تابىستارىنان جالپى حالىقتى اناعۇرلىم كوپ، اناعۇرلىم ءادىل يگىلىكتەندىرەمىز. پارتيامىز جالپى بارىستىق حالىق دەموكراتياسىن دامىتىپ، حالىقتىڭ ءتۇرلى جولدار جانە فورمالار ارقىلى مەملەكەت ىستەرىن، ەكونوميكا مەن مادەنيەت ىستەرىن، قوعامدىق ىستەردى زاڭ بويىنشا باسقارۋىنا كەپىلدىك ەتىپ، وسىزامانداندىرۋ قۇرىلىسىنا قوجايىندىق رۋحپەن قىزۋ ىنتامەن ات سالىسۋىنا مۇمكىندىك جاسايدى. پارتيامىز جۇڭگو ۇلگىسىندەگى وسىزامانداندىرۋ تاماشا تىلەگى ارقىلى ادامداردى شابىتتاندىرىپ، ىنتالاندىرىپ، اسەرلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ قۇدىرەتتى ۇلى كۇشىن ۇيىستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
