ەلىمىزدە مىناداي مەكتەپتەردەن 200 دەي مەكتەپ جاڭادان قوسىلادى! جاڭادان گۇلدەنگەن كاسىپتەردى الدىمەن دامىتادى
2023.06.14 15:40 كەلۋ قاينارى : حالىق تورابى
ءتىلشىنىڭ 6 - ايدىڭ 13 - كۇنى دامۋ - رەفورما كوميتەتىنەن ۇعىسۋىنشا، ەلىمىزدە جوعارى تەحنيكۋم مەكتەپتەرى مەن قولدانىلمالى كاسىپتىك تولىق كۋرس مەكتەپتەرىنەن 200 دەي مەكتەپ جاڭادان قوسىلىپ، كاسىپ سالاسى تىزبەگى مەن جاڭالىق اشۋ تىزبەگىن تىعىز ۇشتاستىراتىن كاسىپ جۇيەسىن قالىپتاستىرۋدى ىلگەرىلەتەدى.
مەملەكەتتىك دامۋ - رەفورما كوميتەتى قوعامدىق ىستەر مەڭگەرمەسىنىڭ باستىعى ليۋ ميڭ: كاسىپتىك وقۋ - اعارتۋ جاعىندا دارىندىلاردى تاربيەلەۋدە، ءسوزسىز، كاسىپ سالاسىنىڭ قاجەتىن جەتەكشى باعدار ەتۋ كەرەك. تەكسەرۋ - زەرتتەۋ بارىسىندا بايقاۋىمىزشا، كەيبىر كاسىپتىك مەكتەپتەردىڭ كاسىپتەردى ورنالاستىرۋى مەن كاسىپ سالاسىنىڭ قاجەتى اراسىنداعى سايكەستىلىك دارەجەسى جوعارى ەمەس، كاسىپ تىزبەگى كاسىپ سالاسى تىزبەگىنە ءونىمدى تىرەك قالىپتاستىرماعان.
وسى جونىندە، مەملەكەت ”14 - بەسجىلدىق“ مەزگىلىندە وقۋ - اعارتۋدا قۇدىرەتتى مەملەكەت قۇرۋدى ىلگەرىلەتۋ ينجەنەرياسىنداعى كاسىپتىك وقۋ - اعارتۋدا كاسىپ سالاسى مەن وقۋ - اعارتۋ سالاسىن توعىستىرۋ نىسانىن اتقارۋ جاعدايى جونىندە ورتا مەرزىمدىك باعالاۋدى ورىستەتىپ، باعالاۋ ناتيجەسىنە ساي قاتىستى زاپاس مەكتەپتەر مەن نىسانداردى رەتتەيدى.
الدا جوعارى تەحنيكۋم مەكتەپتەرى مەن قولدانىلمالى كاسىپتىك تولىق كۋرس مەكتەپتەرىنەن 200 دەي مەكتەپ جاڭادان قوسىلادى، كاسىپتىك وقۋ - اعارتۋ جاعىنداعى كاسىپ سالاسى مەن وقۋ - اعارتۋدى ۇشتاستىرعان نىسانداردان شارتقا ساي كەلەتىندەرىنە ورتالىقتىڭ مەجە ەسەبى كولەمىندە قارجى ءبولۋ ارقىلى ءتۇيىندى تۇردە قولداۋ كورسەتىلەدى.
كاسىپتىك مەكتەپتەردى وزىق جاساۋ كاسىبى، جاڭا ەنەرگيا، جاڭا ماتەريال، بيولوگيالىق تەحنيكا، جاساندى زەردە قاتارلى كاسىپ سالالارى قاجەت ەتىپ وتىرعان ءبىر توپ جاڭا كاسىپتەردى دامىتۋدى باستى ورىنعا قويۋعا، كۇتىمدەۋ، ساۋىقتىرۋ، باعۋعا اماناتتاۋ، وتباسىلىق قىزمەت وتەۋ قاتارلى جاقتارداعى دارىندىلار كەمشىل ءبىر توپ كاسىپتەردى جەدەل قۇرۋعا، مەتاللۋرگيا، مەديتسينا، قۇرىلىس ماتەريالدارى، جەڭىل ونەركاسىپ - توقىماشىلىق قاتارلى سالالارداعى ءبىر توپ ءداستۇرلى كاسىپتەردى وزگەرتىپ، دارەجەسىن جوعارىلاتۋعا، قامداۋ مولشەرى اسىپ قالعان، جۇمىستانۋ مولشەرى تومەن، كاسىپتەنەتىن ورىندار جويىلعان كاسىپتەردى كۇشىنەن قالدىرۋعا، قوسۋعا، قاتاردان قالدىرۋعا شابىتتاندىرادى جانە جەتەلەيدى، مەكتەپتەردى ءزارۋ بولىپ وتىرعان، بازاردىڭ قاجەتىنە ۇيلەسەتىن كاسىپتەردى اناعۇرلىم كوپ اشۋعا شابىتتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
