ۇيرەنۋ ارقىلى ستيلدى دۇرىستاپ، پاكتىك ستيلىن ساۋلەلەندىردى
− نەگىزگى تاقىرىپتىق تاربيەنى ىلگەرىلەتۋدە ناقتى ونىمدىلىككە قول جەتتى
جۇڭ يىن
2023.06.14 15:58 كەلۋ قاينارى : حالىق تورابى
پارتيا 20 - قۇرىلتايىنىڭ بايانداماسىندا: ”جاڭا داۋىردەگى پاكتىك مادەنيەتى قۇرىلىسىن كۇشەيتىپ، قالىڭ پارتيا مۇشەلەرىن، كادرلاردى شىرىكتەسۋدى ويىنا الماۋ سانالىلىعىن كۇشەيتۋگە تاربيەلەۋ، جەتەكتەۋ كەرەك“ دەپ اتاپ كورسەتىلدى.
پاك سامال سان مىڭداعان وتباسىن ارلەندىرىپ، پاكتىك اۋقىمىندا جاڭا جول اشىلدى. پاكتىك مادەنيەتىن ۇگىتتەۋ ايى قيمىلى ورىستەتىلىپ، پاكتىك تاقىرىبىنداعى لەكسيا جارىسى وتكىزىلدى؛ جاڭا داۋىردەگى وتباسى تاربيەسى جانە وتباسى سالتى قۇرىلىسى قىزمەتى ارقاۋ ەتىلىپ، جۇمىس باسىندا ىلگەرىلەتۋ ءماجىلىسى اشىلىپ، پارتيا مۇشەلەرى، كادرلار پاكتىك تاربيەسى بازاسىنا بارىپ ەكسكۋرسيالاۋعا، ۇيرەنۋگە ۇيىمداستىرىلدى... نەگىزگى تاقىرىپتىق تاربيە ورىستەتىلگەننەن بەرى جەر - جەر ”ۇكىمەت ىسىندە پاك بولىپ، جاڭا سالت ورناتۋ“ نىساناسىن مىقتاپ ارقاۋ ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ىلگەرىلەتتى.
”پاك بولۋ − بيلىك جۇرگىزۋدىڭ تەتىگى“. باس شۋجي شي جينپيڭ جۋىقتا ىشكى موڭعۇلدا قىزمەت تەكسەرگەندە نەگىزگى تاقىرىپتىق تاربيەنى ورىستەتۋ جونىندە ايقىن تالاپ قويىپ، ”ۇيرەنۋ ارقىلى ستيلدى دۇرىستاۋ“ جونىندە تەرەڭ پايىمداۋ جاساپ، ”كىرشىكسىز ستيلدى ساۋلەلەندىرۋدى“ دارىپتەدى. جاڭا ءداۋىر، جاڭا جورىقتا پارتيا قۇرىلىسى، اسىرەسە، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى كوپتەگەن قيىن، كوپ تۋىلاتىن ماسەلەلەرگە ءدوپ كەلدى، تەك بەتالىستى ايقىنداپ، قاعيدا ورناتىپ، سالتتى دۇرىستاۋ، يممۋنيتەتتى كۇشەيتۋ، شىندىققا جۇگىنۋ، ناقتى ءىس ىستەۋ جاڭا ستيلىن، دۇرىس سالتىن ۇزدىكسىز جەتىلدىرگەندە عانا، جاڭا ەمتيحان الۋ جولىندا جاقسى ناتيجەگە قول جەتكىزۋگە بولادى. قالىڭ پارتيا مۇشەلەرى، كادرلار سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى سۋبيەكتيۆ دۇنيەنى وزگەرتىپ، وسى ماڭىزدى يدەيانىڭ مۇرات - سەنىمدى بەكەمدەۋ، يدەيالىق دەڭگەيدى جوعارىلاتۋ، پارتيالىلىق شىنىعۋدى كۇشەيتۋ سياقتى ءبىرقىدىرۋ تالابىن تەرەڭ ءتۇسىنۋى، اسىرەسە، وسى ماڭىزدى يدەيانىڭ دۇنيەگە كوزقاراسىن، ءادىسناماسىن جانە وعان سىڭىرىلگەن مايدان، كوزقاراس، ادىستەرىن ءوزىنىڭ يدەيالىق قارۋىنا اينالدىرۋى، كوكەيگە ۇيالاتىپ، ارەكەتتە ايگىلەپ، ءتارتىپ تانىمىن، قاعيدا تانىمىن كۇشەيتىپ، كوممۋنيستەردىڭ وسكەلەڭ قاسيەتى مەن پاكتىك قاسيەتىن باستان - اياق ساقتاۋى كەرەك.
ۇكىمەت ىسىندە پاك بولعاندا عانا حالىقتىڭ سەنىمىنە يە بولۋعا، كوپ ءۇشىن ۇقىق جۇرگىزگەندە عانا حالىقتىڭ قالاۋىنان شىعۋعا بولادى. ۇيرەنۋ ارقىلى ستيلدى دۇرىستاپ، پاك ستيلدى ساۋلەلەندىرۋدە دۇرىس ۇقىق كوزقاراسىن بەرىك ورناتۋ كەرەك. قالىڭ پارتيا مۇشەلەرى، كادرلار تەك ۇقىقتى ءادىل، زاڭ بويىنشا، حالىق ءۇشىن پايدالانىپ، ۇقىقتى پاك ىستەتىپ، كىرشىكسىز جولداستىق قاتىناستىڭ، ءتارتىپتى جوعارى مەن تومەن قاتىناسىنىڭ، ەتەنە، بىرلىككە كەلگەن جاڭاشا ۇكىمەت پەن ساۋداگەلەر قاتىناسىن قالىپتاستىرۋدى ىلگەرىلەتكەندە عانا، تاماشا ساياسي ەكولوگيا مەن قوعامدىق سالتتىڭ جەتەكشىسى، جاراتۋشىسى، قورعاۋشىسى بولا الادى. پارتيا مۇشەلەرى، كادرلار، اسىرەسە، باسشى كادرلار مىنانى سەرگەكتىكپەن تاني ءبىلۋى كەرەك: پارتيامىزدا وزىندىك ەرەكشە مۇددە جوق، پارتيا ءارقانداي ۋاقىتتا بۇقارانىڭ مۇددەسىن ءبىرىنشى ورىنعا قويادى؛ ءوز قولىنداعى ۇقىقتى، تۇرعان قىزمەت ورنىن پارتيا مەن حالىق بەرگەن، پارتيا مەن حالىق ءۇشىن ءىس ىستەۋگە پايدالانىلادى، تەك حالىققا پايدا جەتكىزۋ ءۇشىن عانا پايدالانىلادى. ۇقىققا دەگەن قۇرمەتتى ساقتاپ، پاك بولۋ − قۇت، ءناپسىقۇمارلىق − جۇت دەيتىن قاعيدانى ەستە بەرىك ساقتاپ، دۇرىس ۇقىق كوزقاراسىن، ورىن كوزقاراسىن، مۇددە كوزقاراسىن ورناتىپ، قاي - قاشان دا كوڭىل كۇيدى ورنىقتىرىپ، ءىس – ارەكەتتى مەڭگەرىپ، پاكتىكتى ساقتاۋ كەرەك.
پاكتىك ستيلىن ساۋلەلەندىرۋدىڭ ماڭىزدى ءتۇيىنى سانالىلىقتا. ۇيرەنۋ ارقىلى ستيلدى دۇرىستاپ، پاكتىك ستيلىن ساۋلەلەندىرۋدە، پاكتىك حاۋىپ - قاتەرى ءتۇيىنىن جاپپاي تاۋىپ، يدەيالىق قورعانىس شەبىن بەكەمدەپ، زاڭ - ءتارتىپ قىزىل سىزىعىن بەرىك ساقتاۋ كەرەك. باس شۋجي شي جينپيڭ بىلاي دەپ دارىپتەدى: ”وسى رەتكى نەگىزگى تاقىرىپتىق تاربيەدە ءار دارەجەلى پارتيا ۇيىمدارىن جانە قالىڭ پارتيا مۇشەلەرىن، كادرلاردى ماسەلەنى باعدار ەتۋدى كورنەكتىلەندىرۋگە، جەتەرسىزدىكتەردى تەكسەرۋگە، پارىقتاردى تابۋعا، بەتالىستى ايقىنداۋعا، ساياسي تەكسەرۋدى قابىلداۋعا، ساياسي شاڭ - توزاڭدى تازالاۋعا، ارەكەتتەگى اۋىتقۋشىلىقتى تۇزەتۋگە، يدەيادا كىرشىكسىز بولماۋ، ۇيىمدىق جاقتا كىرشىكسىز بولماۋ جاقتارىندا ورىن تەۋىپ وتىرعان كورنەكتى ماسەلەلەردى شەشۋگە تاربيەلەۋ، جەتەكتەۋ كەرەك“. ءبىز پارتيا ستيلى تالابىنا ساي پارىقتاردى تاۋىپ، پارتيالىلىق تالاپقا ساي ءتۇپ توركىنىن تەكسەرىپ، پارتيا ءتارتىبىنىڭ تالابىنا ساي شارالاردى ايقىنداپ، جاڭا جاعداي، جاڭا مىندەت، جاڭا بورىشپەن تىعىز ۇشتاستىرىپ، ۇيرەنۋدى، تەكسەرۋدى، تۇزەتۋدى ورگانيكالى ۇشتاستىرىپ، وزىمىزدەگى ولقىلىقتار مەن قىزمەتتەگى اعاتتىقتاردى جاپپاي تاۋىپ شىعۋىمىز كەرەك. ساياسي وتكەلدەن، ۇقىق وتكەلىنەن، بارىس - كەلىس وتكەلىن، تۇرمىس وتكەلىن، سۇيىسپەنشىلىك وتكەلىن مىقتاپ قورعاپ، ”يدەياداعى شاڭ - توزاڭدى“ قاعىپ - سىلكىپ، ”قوماعايلىقتىڭ زيانى“ جونىندە كوپ تولعانىپ، ”ۇرىنشاقتىق“ ويىن ۇنەمى بۇزىپ، ءار جاقتان كەلەتىن ”قورشاپ اۋلاۋدان“ قاي - قاشان دا قىراعى بولىپ، باسقالار سالعان ”تۇزاقتان“ ساقتانىپ، بۇكىل ىنتا - پەيىلىمەن جالپى ءۇشىن ىستەيتىن، تۋراشىلدىقتى ساقتايتىن، مونتازداي كىرشىكسىز ادام بولۋىمىز كەرەك.
پاكتىك ستيلىن ساۋلەلەندىرۋدىڭ قۇنى باياندى بولۋدا. ۇيرەنۋ ارقىلى ستيلدى دۇرىستاپ، پاك ستيلدى ساۋلەلەندىرۋدە، شىرىكتەسۋگە باتىلدىق ەتپەۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋ تالابى بويىنشا قاتىستى تۇزىمدەردى اقاۋسىزداندىرىپ، ءتارتىپتى قاتاڭ اتقارىپ، قورعانىستى ويداعىداي ورناتۋ كەرەك. قازىر شىرىكتەسۋگە قارسى تۇرۋ كۇرەسىندە ۇستەم جەڭىسكە قول جەتتى ءارى جاپپاي بەكەمدەلدى.ءبىراق شىرىكتەسۋگە قارسى تۇرۋ كۇرەسىنىڭ جاعدايى ءالى اۋىر دا كۇردەلى ەكەنىن، شىرىكتەسۋدىڭ ءورشۋىن تەجەۋ، قالدىق مولشەرىن الاستاۋ مىندەتىنىڭ ءالى دە اۋىر ەكەنىن سەرگەكتىكپەن كورە ءبىلۋىمىز كەرەك، ءبىز شىرىكتەسۋدىڭ قاسارىسۋ سيپاتى مەن زالالىن استە تومەن مولشەرلەمەۋىمىز، شىرىكتەسۋگە قارسى تۇرىپ، پاكتىكتى دارىپتەۋدى، ءسوز جوق، بوساڭسىماي مىقتى يگەرۋىمىز، شىرىكتەسۋگە قارسى تۇرىپ، ازعىنداۋدان ساقتانۋدىڭ ساقتىق دابىلىن ۇزاق ۋاقىت قاعۋىمىز كەرەك. نەگىزگى تاقىرىپتىق تاربيەنى تىڭعىلىقتى ورىستەتىپ، شىرىكتەسۋگە قارسى تۇرۋ كۇرەسىن سوڭىنا دەيىن جۇرگىزۋدىڭ تەتىگى شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، ءۇش جاقتان ءبىر ۋاقىتتا كۇش سالۋدا، ءبىر باعىتتا كۇش سالۋدا، جان - جاقتى كۇش سالۋدا تاباندى بولۋدا. شىرىكتەسۋدەن ساقتانۋ جانە ونى جونگە سالۋدىڭ تۇزىمدىك قاپاسىن مىقتاپ توقىپ، ءتۇزىمنىڭ تۇراقتىلىعىن كۇشەيتىپ، ”تەرەزە شاعۋ اسەرىنەن“ ساقتانىپ، پارتيا مۇشەلەرىنىڭ، كادرلاردىڭ يمەنۋ سەبەبىنەن ”باتىلدىق ەتپەۋىنە“، ءتۇزىم سەبەبىنەن ”ىستەي الماۋىنا“، سانالىلىق سەبەبىنەن ”ويلاماۋىنا“ مۇمكىندىك جاساپ، شىرىكتەسۋگە باتىلدىق ەتكىزبەيتىن قۋاتتى سەسكەندىرۋ ونىمدىلىگىن، شىرىكتەسۋگە مۇمكىندىك بولمايتىن بۇلجىماس تۇزىمدىك تەجەمدى، شىرىكتەسۋدى ويىنا الماۋ يدەيالىق تاربيەسىنىڭ ابزالدىعىن ءبىر تۇلعالاندىرىپ، اناعۇرلىم كوپ تۇزىمدىك جەتىستىك پەن اناعۇرلىم زور جونگە سالۋ ونىمدىلىگىن قالىپتاستىرۋ كەرەك.
بۇكىل ىنتا - پەيىلىمەن جالپى ءۇشىن ىستەپ، ار – نامىستى ساقتاپ، ەكى جەڭدى تازا ۇستاعاندا عانا دۇرىس پوزيتسيا ۇستانۋعا بولادى. وسى رەتكى نەگىزگى تاقىرىپتىق تاربيەنى وراي ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋگە شەبەر بولىپ، يدەيالىق قاينار جانە تۇزىمدىك مەحانيزم جاعىنان ماسەلەلەردى شەشۋگە كۇش سالىپ، كوممۋنيستەردىڭ پاك، كىرشىكسىز ساياسي قاسيەتىن ماڭگى ساقتاساق، عاسىرلىق ۇلى پارتيا، ءسوز جوق، باستان - اياق جالىندى تىرشىلىك تىنىسى مەن جالىندى ومىرشەڭدىك كۇشكە يە بولادى، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
