ۋاڭ حۋنيڭ نەپال فەدەراتسيالىق كەڭەسىنىڭ ءتوراعاسى تيميرسينامەن كەزدەستى
2023.06.14 16:00 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 13 - كۇنى، بەيجيڭ. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 6 - ايدىڭ 13 - كۇنى حالىق سارايىندا نەپال فەدەراتسيالىق كەڭەسىنىڭ ءتوراعاسى تيميرسينامەن كەزدەستى.
ۋاڭ حۋنيڭ مىنالاردى ءبىلدىردى: ءتوراعا شي جينپيڭ 2019 - جىلى نەپالدا تاريحي ساپاردا بولدى، جۇڭگو - نەپال قارىم - قاتىناسى دامۋ مەن گۇلدەنۋگە بەت العان دوستىق ستراتەگيالىق سەلبەستىك سەرىكتەستىك قارىم - قاتىناسىنا كوتەرىلدى. ەكى جاق دامۋ ستراتەگياسىن ۇشتاستىرۋدى كۇشەيتىپ، ەكى ەل قارىم - قاتىناسىن دامىتۋدىڭ ساياسي نەگىزىن ويداعىداي قورعاپ، اۋىس - كۇيىس پەن سەلبەستىكتى كەڭەيتىپ، وزدەرىنىڭ دامۋىنا، گۇلدەنۋىنە تىڭ قوزعاۋشى كۇش قوسۋى كەرەك. جۇڭگو مەملەكەتتىك ساياسي كەڭەسى نەپال فەدەراتسيالىق كەڭەسىمەن بىرگە ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ءار دارەجەلى بارىس - كەلىستى كۇشەيتىپ، جۇڭگو مەن نەپالدىڭ اناعۇرلىم تىعىز تاعدىرلاس ورتاق تۇلعاسىن قۇرۋعا بەلسەندى ۇلەس قوسۋدى قالايدى.
تيميرسينا مىنالاردى ءبىلدىردى: نەپال مەن جۇڭگونىڭ دوستىعى ارىدان باستاۋ الادى، ەكى ەل − جاقسى كورشى، جاقسى دوس، جاقسى سەرىك. نەپال ءبىر جۇڭگو ساياساتىن باتىل اتقارادى، جۇڭگونىڭ وراسان زور دامۋ جەتىستىكتەرىن جوعارى باعالايدى. نەپال فەدەراتسيالىق كەڭەسى جۇڭگو مەملەكەتتىك ساياسي كەڭەسىمەن اۋىس - كۇيىستى تەرەڭدەتىپ، ەكى ەلدىڭ ناقتى سەلبەستىگىن جەبەپ، بىرگە دامۋدى، گۇلدەنۋدى جۇزەگە اسىرۋدى قالايدى.
ۋاڭ يۇڭ، ۋاڭ دۇڭفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
