الدىڭعى 5 ايدا سۋ يگىلىگى قۇرىلىسىنا قوسىلعان قارجى سايكەس مەزگىلدەگىدەن %32.1 ارتتى (جاڭا ساندى مالىمەت، جاڭا ءتۇيىن)
سۋ يگىلىگى نىساندارىندا قۇرىلىس جۇرگىزىپ، جۇمىستانعان ادام سانى ءبىر ميلليون 200 مىڭنان استى
2023.06.14 16:01 كەلۋ قاينارى : حالىق تورابى
«حالىق گازەتى»، 6 - ايدىڭ 13 – كۇنى، بەيجيڭ (ءتىلشى ۋاڭ حاۋ). ءتىلشىنىڭ جۋىردا سۋ يگىلىگى مينيسترلىگىنەن ۇعىسۋىنا قاراعاندا، بيىل الدىڭعى 5 ايدا سۋ يگىلىگى نەگىزدىك قۇرىلعىلار قۇرىلىسى سايكەس مەزگىلدەگىدەن كورنەكتى جاقسى بولعان. 1 - ايدان 5 - ايعا دەيىن سۋ يگىلىگىنە قوسىلعان قارجى 410 ميلليارد 600 ميلليون يۋان بولىپ، سايكەس مەزگىلدەگىدەن 99 ميلليارد 800 ميلليون يۋان ارتىپ، ارتۋ مولشەرى %32.1 بولعان. 13 ولكەنىڭ قوسقان قارجىسى 15 ميلليارد يۋاننان اسقان، مۇنىڭ ىشىندە گۋاڭدۇڭ، يۇننان، حىبەي سىندى 3 ولكەنىڭ ورىنداعان قارجىسى 25 ميلليارد يۋاننان اسقان. سۋ يگىلىگى نىساندارىنىڭ قۇرىلىسى ءبىر ميلليون 209 مىڭ ادامدى جۇمىستاندىرعان، مۇنىڭ ىشىندە اۋىل - قىستاق ەڭبەككۇشى 895 مىڭ ادام.
سۋ يگىلىگى مينيسترلىگى ءىرى سۋ يگىلىگى ينجەنەريالارىنىڭ الدىڭعى مەرزىمدىك قىزمەتىن جەدەلدەتىپ، ورتا، شاعىن سۋ يگىلىگى نىساندارى قۇرىلىسىن سايكەستى ىلگەرىلەتىپ، سۋ يگىلىگى نەگىزدىك قۇرىلعىلار قۇرىلىسىنىڭ كولەمى مەن قارقىنىن ساقتاۋعا كۇش سالعان. الدىڭعى 5 ايدا 17 ءتۇرلى كەلەلى سۋ يگىلىگى ينجەنەرياسىنىڭ جالپى قارجى كولەمى 97 ميلليارد 100 ميلليون يۋان بولىپ، 2022 - جىلعى ۇقساس مەزگىلدەگىدەن 5 ءتۇر ارتىق بولعان، جالپى قوسىلعان قارجى 25 ميلليارد 200 ميلليون يۋان كوپ بولعان. بۇكىل ەل بويىنشا 14 مىڭ 680 سۋ يگىلىگى نىسانى تىڭنان سالىنا باستاعان، تىڭنان قوسىلعان قارجى كولەمى 609 ميلليارد يۋان بولىپ، وتكەن جىلعى ۇقساس مەزگىلدەگىدەن 2 مىڭ 785 ءتۇر كوبەيگەن، تىڭنان قوسىلعان قارجى كولەمى 150 ميلليارد 100 ميلليون يۋان ارتقان. الدىڭعى 5 ايدا سۋ يگىلىگى قۇرىلىسىندا 654 ميلليارد 700 ميلليون يۋان قارجى تياناقتانىپ، بىلتىرعى سول تۇستاعىدان 48 ميلليارد 600 ميلليون يۋان ارتىپ، ارتۋ مولشەرى %8 بولعان. 11 ولكەنىڭ تياناقتاندىرعان قارجىسى 30 ميلليارد يۋاننان اسقان، مۇنىڭ ىشىندە جىجياڭ، انحۇي، حۋبەي، سىچۋان سىندى 4 ولكەنىڭ تياناقتاندىرعان قارجىسى 40 ميلليارد يۋاننان اسقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
