پارتيانى جاپپاي قاتاڭ جونگە سالۋ جۇيەسىن اقاۋسىزداندىرىپ
جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىنىڭ ىشكەرىلەي دامۋىن ىلگەرىلەتەيىك ※
شي جينپيڭ
2023.06.16 15:44 كەلۋ قاينارى : حالىق تورابى
 |
2023 - جىلى 1 - ايدىڭ 9 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە ماڭىزدى ءسوز سويلەۋدە. سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن
|
پارتيا قۇرىلىسىن ۇلى ينجەنەريا رەتىندە ىلگەرىلەتۋ، سونداي - اق پارتيانى پارتيا باسقارۋ، پارتيانى قاتاڭ جونگە سالۋ پرينسيبى مەن باعىتىندا باستان - اياق تاباندى بولۋ − پارتيامىزدىڭ ۇلى جاسامپازدىعى، سونداي - اق پارتيا قۇرۋدىڭ، مەملەكەت قۇرۋدىڭ، پارتيانى گۇلدەندىرۋدىڭ، مەملەكەتتى قۇدىرەتتەندىرۋدىڭ اسىلى. پارتيانىڭ 100 نەشە جىلدىق تاريحىن ەسكە العاندا، پارتيا حالىقتى ىنتىماقتاستىرىپ جانە باستاپ، ۇزدىكسىز كۇرەس جۇرگىزىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، بۇل ۇلى شارىقتاۋ − قوعامدى وزگەرتۋدىڭ ۇلى ءىسى، سونىمەن بىرگە ءوزىن وزگەرتۋدىڭ ۇلى ينجەنەرياسى. پارتيا 18 ـ قۇرىلتايىنان بەرى ءبىز پارتيانى جاپپاي قاتاڭ جونگە سالۋدى جاڭا داۋىردەگى پارتيا قۇرىلىسىنىڭ ايقىن تاقىرىبى ەتىپ، ءبىرقىدىرۋ جاڭالىق اشۋ ۇستانىمىن العا قويىپ، ءبىرقىدىرۋ وزگەرىس امالياتىن اتقارىپ، ءبىرقىدىرۋ تۇزىمدىك ولشەمدى اقاۋسىزداندىرىپ، پارتيا قۇرىلىسى سىندى وسى ۇلى ينجەنەريانىڭ ۇزدىكسىز ىشكەرىلەي دامۋىن ىلگەرىلەتىپ، پارتيانى جاپپاي قاتاڭ جونگە سالۋ جۇيەسىن العاشقى ادىمدا ورناتتىق.
پارتيانى جاپپاي قاتاڭ جونگە سالۋ جۇيەسىن ورناتۋ __ جالپى جاعدايلىق، جاسامپازدىق سيپاتقا يە قىزمەت. جاڭا داۋىردەگى 10 جىلدا پارتيامىز وزىندىك توڭكەرىس زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيا قۇرىلىسىنىڭ نازاريادا، امالياتتا، تۇزىمدە جاڭالىق اشۋىن ۇزدىكسىز ىلگەرىلەتىپ، پارتيانى جاپپاي قاتاڭ جونگە سالۋ جۇيەسىن ورناتۋ جاعىندا مول جەتىستىكتەر توپتادى. ءبىز پارتيانىڭ ساياسي قۇرىلىسىن پارتيانىڭ ءتۇبىرلى قۇرىلىسى ەتىپ، باستان ـ اياق ماڭداي الدى ورىنعا قويىپ، پارتيانىڭ باسشىلىعىندا تۋدى ايقىن ۇستاي وتىرىپ تاباندى بولىپ جانە ونى كۇشەيتىپ، پارتيانىڭ ىشكى ساياسي تۇرمىسىن قاتايتىپ، ساياسي ەكولوگيانى تازارتىپ، قالپىنا كەلتىرىپ، بۇكىل پارتيانىڭ ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋىن ىلگەرىلەتىپ، پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيانىڭ ىنتىماعىن، بىرلىگىن جۇزەگە اسىردىق. ءبىز يدەيالىق قۇرىلىستى پارتيانىڭ نەگىزدىك قۇرىلىسى ەتىپ، جاڭا ءداۋىر جۇڭگوشا سوتسياليزم يدەياسىمەن جۇرت تىلەگىن توعىستىرىپ، رۋحتى سومداپ، پارتيا قۇرۋ ۇلى رۋحىن ساۋلەلەندىرىپ، پارتيا ىشىندەگى شوعىرلى تاربيەنى ۇزدىكسىز ورىستەتىپ، پارتيا مۇشەلەرى مەن كادرلاردىڭ رۋحاني كالتسيدى تولىقتاپ، كوممۋنيستەردىڭ رۋحاني مەكەنىنەن تاپجىلماۋىنا مۇمكىندىك جاسادىق. ءبىز جاڭا داۋىردەگى پارتيانىڭ ۇيىمدىق لۋشيانىندا تاباندى بولۋدى ورتاعا قويىپ جانە وندا تاباندى بولىپ، ۇيىمدىق جۇيە قۇرىلىسىن ءتۇيىن ەتىپ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتىپ، ءالسىز، بىتىراڭقى پارتيا ۇيىمدارىن رەتكە سالىپ، ءار دارەجەلى پارتيا ۇيىمدارىنىڭ جاپپاي العا باسۋىن، جاپپاي شىڭدالۋىن ىلگەرىلەتىپ، پارتيا كادرلاردى باسقارۋ پرينسيبىندە، جاڭا داۋىردەگى جاقسى كادر ولشەمىندە تاباندى بولىپ، ادال، كىرشىكسىز، جاۋاپكەرلىك ارقالايتىن ساپالى كادرلار قوسىنىن كۇش سالا جەتىلدىردىك. ءبىز ورتالىقتىڭ ”8 ءتۇرلى بەلگىلەمەسىن“ جاساۋ جانە تياناقتاندىرۋ ارقىلى باستاما اشىپ، قيىن ماسەلەلەردەن قامال الىپ، ”4 ءتۇرلى بۇرىس ستيلدى“ شەگە قاعۋ رۋحىمەن تۇزەتىپ، ەرەكشە ۇقىق يدەياسى مەن ەرەكشە ۇقىق جايتتەرىنە باتىل قارسى تۇرىپ، تاسقا تاڭبا، تەمىرگە ءىز قالدىرىپ، ۇزاق ۋاقىتتان بەرى تيىلماي كەلگەن بۇرىس ستيلدەردى تيىپ، تالاي جىلدان بەرى جويىلماي كەلگەن ەسكىلىكتى دەرتتەردى تۇزەتىپ، ستيل قۇرىلىسىنىڭ جاڭا بەينەسى ارقىلى حالىق بۇقاراسىنىڭ سەنىمىنە، قولداۋىنا يە بولدىق. ءبىز ءتارتىپ قۇرىلىسىن پارتيا قۇرىلىسىنىڭ جالپى تۇلعالىق ورنالاستىرۋىنا ەنگىزىپ، ءتارتىپتىڭ زاڭنان قاتاڭ بولۋىنا، ءتارتىپتىڭ زاڭنىڭ الدىندا تۇرۋىندا تاباندى بولىپ، پارتيانىڭ ساياسي ءتارتىبى مەن ساياسي قاعيداسىن قاتايتىپ، ۇيىمدىق ءتارتىپتى، پاكتىك ءتارتىبىن، بۇقارالىق ءتارتىپتى، قىزمەت ءتارتىبىن، تۇرمىس ءتارتىبىن جاپپاي قاتاڭ بولۋعا جەتەكتەپ، ءتارتىپتى قاتايتۋ ارقىلى پارتيا مۇشەلەرىنىڭ، كادرلاردىڭ مىندەت اتقارۋ ۇقىعىن ارناعا ءتۇسىرىپ، ەرتە باستان، كىشكەنەدەن باستاپ يگەرىپ، اسقىنۋدان ساقتانىپ، ”4 ءتۇرلى فورماتسيانى“ دالمە - ءدال قولدانىپ، پارتيا مۇشەلەرىنە، كادرلارعا پارتيانىڭ قاتاڭ باسقارۋى مەن تەرەڭ سۇيىسپەنشىلىگىن شىنايى سەزىندىرۋ كەرەك. ءبىز ءتۇزىم قۇرىلىسىن پارتيانىڭ ءتۇرلى قۇرىلىسىنا ءسىڭىرىپ، داۋىرمەن بىرگە العا باسىپ، پارتيا ۋستاۆىن كەمەلدەندىرىپ، نازاردى پارتيانىڭ باسشىلىعى مەن پارتيا قۇرىلىسىن كۇشەيتۋگە شوعىرلاندىرىپ، تۇزىمدە جاڭالىق اشۋدى ىلگەرىلەتىپ، ءبىرشاما كەمەلدى پارتيا ىشىندەگى زاڭ - ەرەجە جۇيەسىن قالىپتاستىرىپ، پارتيا مەن مەملەكەتتىڭ باقىلاۋ جۇيەسىنىڭ ”تىرەگىن“ ورناتىپ، ۇقىقتى ءتۇزىم شەڭبەرىنە ەنگىزىپ، جاڭا داۋىردەگى پارتيا قۇرىلىسىن ءتۇبىرلى، جالپى جاعدايلىق، ورنىقتى، ۇزاق ۋاقىتتىق كەپىلمەن قامتاماسىز ەتتىك. ءبىز تاريحتا بولىپ كورمەگەن شىرىكتەسۋگە قارسى تۇرۋ كۇرەسىن ورىستەتىپ، شەكتەلگەن رايون بولماۋدا، تەگىس قامتۋدا، استە راقىم ەتپەۋدە تاباندى بولىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعالادا ىلگەرىلەتىپ، ”جولبارىس سوعۋ“، ”شىبىن قاعۋ“، ”تۇلكى اۋلاۋ“ سىندى كوپ جاقتاعى باسقارۋدى قاتار جۇرگىزىپ، زور توپتاعى شىرىكتەسۋشىلەردى تەكسەرىپ ءبىر جاقتى ەتىپ، پارتيا ىشىندەگى اۋىر ساياسي كومەسكى قاتەردى الاستاپ، شىرىكتەسۋگە قارسى تۇرۋ كۇرەسىندە ۇستەم جەڭىسكە قول جەتكىزىپ ءارى جاپپاي بەكەمدەپ، شىرىكتەسۋگە قارسى تۇرۋدىڭ جۇڭگوشا جولىمەن ءساتتى جۇردىك. بۇكىل دۇنيە جۇزىنە كوز جىبەرسەك، ءارقانداي ءبىر ساياسي پارتيا جۇڭگو كوممۋنيستىك پارتياسى سياقتى ءوز قۇرىلىسىنا وسىنشاما قاتاڭ، مۇقيات مامىلە جاساي المايدى، مۇنداي وسكەلەڭ سانالى عىلمي پوزيتسيا، جۇيەلى ءتاسىل ارقىلى وزىندىك توڭكەرىستى ىلگەرىلەتە المايدى، بۇل − پارتيامىزدىڭ كورنەكتى ابزالدىعى، سونداي - اق داۋىرگە جەتەكشىلىك ەتەتىن جەڭىسكە جەتۋ جولى. پارتيانى جاپپاي قاتاڭ جونگە سالۋ حالىق بۇقاراسىنىڭ باتىل قولداۋىنا جانە مويىنداۋىنا يە بولدى، 2022 - جىلعى مەملەكەتتىك ساناق مەكەمەسىنىڭ حالىق رايىن تەكسەرۋىندە كورسەتىلۋىنشە، % 97.4 بۇقارا پارتيانى جاپپاي قاتاڭ جونگە سالۋ، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىنىڭ ونىمدىلىگىنە رازى بولىپ، 2012 - جىلداعىدان 22.4 پايىز جوعارىلاعان.
پارتيانى جاپپاي قاتاڭ جونگە سالۋ جۇيەسىن اقاۋسىزداندىرۋ − پارتيانىڭ 20 - قۇرىلتايىندا العا قويىلعان جاڭا داۋىردەگى پارتيا قۇرىلىسىن كۇشەيتۋدىڭ ماڭىزدى شاراسى. پارتيانى جاپپاي قاتاڭ جونگە سالۋ جۇيەسى مازمۇنى باي، فۋنكتسياسى كەمەلدى، عىلمي ارناعا تۇسكەن، اينالىمى جوعارى ءونىمدى اۋقىمدىق جۇيە بولۋعا ءتيىس. بۇل جۇيەنى كەمەلدەندىرۋدە پارتيانى ءتۇزىم ارقىلى جونگە سالۋدا، پارتيانى بەلگىلەمە ارقىلى جونگە سالۋدا تاباندى بولىپ، پارتيانىڭ ءار جاقتاعى قۇرىلىستارىنىڭ ورگانيكالى ۇشتاسۋىن، ىقپالداستىعىن، سايكەسىمدىلىگىن اناعۇرلىم كورنەكتىلەندىرىپ، ءتۇزىلىس، مەحانيزمنىڭ اقاۋسىزدانۋى مەن كەمەلدەنۋىن جانە زاڭ - ەرەجە، ءتۇزىمنىڭ عىلمي، ءونىمدى بولۋىن اناعۇرلىم كورنەكتىلەندىرىپ، جونگە سالۋ ۇستانىمى، جۇيەلى كوزقاراس، ديالەكتيكالىق وي جەلىسى ارقىلى پارتيانى باسقارۋ، پارتيانى جونگە سالۋ قۇرىلىسىن اناعۇرلىم كورنەكتىلەندىرۋ كەرەك. مازمۇن جاعىنان تولىق قامتۋدا تاباندى بولىپ، پارتيا قۇرىلىسى قاي جەرگە دەيىن ىلگەرىلەتىلسە، پارتيانى جاپپاي قاتاڭ جونگە سالۋ جۇيەسىن سول جەرگە دەيىن ورناتۋ كەرەك، مەيلى پارتيانىڭ ساياسي قۇرىلىسى، يدەيالىق قۇرىلىسى، ۇيىمدىق قۇرىلىسى، ستيل قۇرىلىسى، ءتارتىپ قۇرىلىسى بولسىن، الدە ءتۇزىم قۇرىلىسى، شىرىكتەسۋگە قارسى تۇرۋ كۇرەسى بولسىن، بارلىعىندا پارتيانى جاپپاي قاتاڭ جونگە سالۋ ستراتەگيالىق باعىتىن سانالى تۇردە دايەكتىلەندىرۋ كەرەك، پارتيانى جاپپاي قاتاڭ باسقارۋدى ستيلدى دۇرىستاۋمەن، ءتارتىپتى قاتايتۋمەن، شىرىكتەسۋگە قارسى تۇرۋمەن شەكتەۋگە بولمايدى. وبيەكتىنى جاپپاي قامتۋدا تاباندى بولىپ، پارتيانىڭ ءار دارەجەلى ۇيىمدارى مەن بارلىق پارتيا مۇشەلەرىن بەتكە الىپ، بۇكىل پارتيانى باسقارۋدىڭ، بۇكىل پارتيانى جونگە سالۋدىڭ ماڭىزدى ءتۇيىنى − ”شەشۋشى ازشىلىقتى“ ويداعىداي يگەرۋ، پارتيالى باسشى كادرلاردى، اسىرەسە، جوعارى دارەجەلى كادرلاردى، ”ءبىرىنشى باسشىنى“ ويداعىداي باسقارۋ، پارتيانى باسقارۋدا، پارتيانى جونگە سالۋدا ەرەكشە پارتيا مۇشەسى بولماۋ، ەشقانداي قالتارىس قالدىرماۋ كەرەك. جاۋاپكەرلىكتىڭ تۇتاس تىزبەگىندە تاباندى بولىپ، ءار دارەجەلى پارتكومداردىڭ (پارتيا باسشىلىق گرۋپپالارىنىڭ) پارتيانى جاپپاي قاتاڭ جونگە سالۋداعى تۇلعالىق جاۋاپكەرلىگىن، ءار دارەجەلى ءتارتىپ تەكسەرۋ كوميتەتتەرىنىڭ باقىلاۋ جاۋاپكەرلىگىن ناقتىلاندىرىپ، ءار دارەجەلى پارتكومدار (پارتيا باسشىلىق گرۋپپالارى) شۋجيلەرىنىڭ ءبىرىنشى جاۋاپتى ادام بولۋ جاۋاپكەرلىگىن، باسشىلىق القانىڭ باسقا مۇشەلەرىنىڭ ”ءبىر قىزمەت ورنىندا ەكى جاۋاپكەرلىكتى“ شىنايى ارقالاۋىن ىلگەرىلەتىپ، ءاربىر پارتيا مۇشەسىنىڭ، كادردىڭ ءتيىستى ۇقىعىن جۇرگىزۋىنە، وتەۋگە ءتيىستى جاۋاپكەرلىگىن وتەۋىنە مۇمكىندىك جاساپ، ۇقىق پەن جاۋاپكەرلىكتىڭ تەڭ بولۋىن، جاۋاپكەرسىزدىك ىستەگەندەردى، ءسوز جوق، قۋزاۋدى جۇزەگە اسىرۋ كەرەك. قىسىمدى ساتىلار بويىنشا جەتكىزىپ، جاۋاپكەرلىكتى ءوزارا قابىستىرىپ، پارتيانى باسقارۋدىڭ، پارتيانى جونگە سالۋدىڭ جاۋاپكەرلىك سەزىمىن، بورىشتىلىق سەزىمىن شىنايى كۇشەيتىپ، بۇكىل پارتيا بىرگە يگەرەتىن تاماشا جاعدايدى بەكەمدەۋ، دامىتۋ كەرەك. ءتۇزىم جاعىندا جاپپاي ۇشتاستىرۋدا تاباندى بولىپ، ءتۇزىم قۇرىلىسىنىڭ تالابىن پارتيانى جاپپاي قاتاڭ جونگە سالۋدىڭ تۇتاس بارىسىندا، ءار جاعىندا، ءار ساتىسىندا ايگىلەپ، پارتيا ۋستاۆىن نەگىز، دەموكراتيالىق ورتالىقتاندىرۋ ءتۇزىمىن وزەك ەتىپ، پارتيا ىشىندەگى زاڭ ـ ەرەجە، ءتۇزىم جۇيەسىن ۇزدىكسىز كەمەلدەندىرىپ، پارتيا ىشىندەگى زاڭ ـ ەرەجەلەردىڭ بەدەلى مەن اتقارۋ قۋاتىن كۇشەيتىپ، ءتۇزىم ارقىلى پارتيانى جاپپاي قاتاڭ جونگە سالۋ جۇيەسىنىڭ تۇتاسۋىن، ىقپالداستىعىن جەبەپ، پارتيانى ءتۇزىم ارقىلى جونگە سالۋدى، پارتيانى ەرەجە ارقىلى جونگە سالۋدى شىن مانىندە جۇزەگە اسىرۋ كەرەك.
پارتيانى جاپپاي قاتاڭ جونگە سالۋ جۇيەسىن اقاۋسىزداندىرۋ − بۇكىل پارتيانىڭ ورتاق جاۋاپكەرلىگى، پارتيانىڭ ساياسي ابزالدىعىن، ۇيىمدىق ابزالدىعىن، تۇزىمدىك ابزالدىعىن تولىق ساۋلەلەندىرۋ كەرەك. پارتيانىڭ وزىنە توڭكەرىس جاساۋداعى تاريحي تاجىريبەلەرىن، اسىرەسە، پارتيا 18 - قۇرىلتايىنان بەرگى پارتيانى جاپپاي قاتاڭ جونگە سالۋداعى جاڭا تاجىريبەلەردى ىشكەرىلەي يگەرىپ، جاڭا جاعدايدى، مىندەتتى تياناق ەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، اركىم ءوز جاۋاپكەرلىگىن ارقالايتىن، ءبىر تۇتاس سايكەستىرىلگەن پارتيانى باسقارۋ، پارتيانى جونگە سالۋ جاۋاپكەرلىك جاعدايىن اقاۋسىزداندىرىپ، جالپى تالاپتى، قاتاڭ نەگىزگى اۋەندى، جونگە سالۋ ۇستانىمىن پارتيانى جاپپاي قاتاڭ جونگە سالۋ جۇيەسىن ورناتۋ بارىسىندا تياناقتاندىرىپ، تۇزىمدەنۋ، جۇيەلىلەنۋ، عىلميلانۋ دەڭگەيىن ۇزدىكسىز جوعارىلاتىپ، پارتيانى جاپپاي قاتاڭ جونگە سالۋداعى ءتۇرلى قىزمەتتە داۋىرلىك سيپاتتى اناعۇرلىم ويداعىداي ايگىلەۋگە، زاڭدىلىقتى يگەرۋگە، جاسامپازدىققا باي بولۋعا مۇمكىندىك جاساپ، پارتيا مەن مەملەكەت ىستەرىنىڭ اقاۋسىز دامۋىنا ساياسي، يدەيالىق، ۇيىمدىق كەپىلدىك ازىرلەۋ كەرەك.
※ بۇل − باس شۋجي شي جينپيڭنىڭ 2023 ـ جىلى 1 - ايدىڭ 9 ـ كۇنى 20 ـ كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە سويلەگەن ءسوزىنىڭ ءبىر بولەگى.
كەلۋ قاينارى: حالىق تورابى
 |
2022 ـ جىلى 10 ـ ايدىڭ 27 ـ كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شيلاردى باستاپ يان ـ ان توڭكەرىسى ەسكەرتكىش ورنىن قۇرمەتپەن كوردى. سۋرەتتە: شي جينپيڭ قاتارلىلار يان - ان توڭكەرىستىك ەسكەرتكىش سارايىندا «ۇلى ساپار − ج ك پ ورتالىق كوميتەتىنىڭ يان - انداعى 13 جىلدىق تاريحى كورمەسىن» ەكسكۋرسيالاۋدا. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
