ورتالىق كوميتەتتىڭ ۇگىت ءبولىمى مەن قوعام حاۋىپسىزدىگى مينيسترلىگى بىرلەسىپ ورنالاستىرۋ جاسادى
”بۇكىل حالىق بولىپ الدامكوستىككە قارسى تۇرۋ ارەكەتى“ جونىندە شوعىرلى ۇگىت جۇرگىزۋ ايى قيمىلىن ورىستەتەدى
2023.06.16 16:22 كەلۋ قاينارى : حالىق تورابى
حالىق گازەتىنىڭ ءتىلشىسى جاڭ تيانپەي 6 - ايدىڭ 15 - كۇنى بەيجيڭنەن حابارلايدى. الدامكوستىككە قارسى تۇرۋ جاعىنداعى ۇگىت جۇرگىزۋ تەبىنىن اناعۇرلىم كۇشەيتىپ، بۇقارانىڭ الدامكوستىكتەن ساقتانۋ تانىمىن ۇزدىكسىز جوعارىلاتۋ، بۇكىل قوعامدا الدامكوستىككە قارسى تۇرۋدىڭ كۇشتى اۋقىمىن قالىپتاستىرۋ ءۇشىن، ورتالىق كوميتەتتىڭ ۇگىت ءبولىمى مەن قوعام حاۋىپسىزدىگى مينيسترلىگى بىرلەسىپ، 6 - ايدىڭ 15 - كۇنى ”بۇكىل حالىق بولىپ الدامكوستىككە قارسى تۇرۋ ارەكەتى“ جونىندە شوعىرلى ۇگىت جۇرگىزۋ ايى قيمىلىن باستادى.
بيىلعى ۇگىت ايىنداعى باستى تاقىرىپ ”ساقتىق دابىلىن قاعۋ مەن ءناسيحاتتاپ توقتاتۋعا نەمقۇرايدى قاراماۋ، مال - مۇلىك حاۋىپسىزدىگىنە ءمان بەرۋ كەرەك“ دەپ اتالادى. قيمىلدىڭ ورنالاستىرۋىنا ساي، جەر - جەر، تاراۋلار بۇكىل ەلىمىز كولەمىندە تەلەكوم - ينتەرنەت الدامكوستىك قىلمىسىنان ساقتانۋدى ”الەۋمەتتىك اۋماقتارعا، اۋىل - قىستاقتارعا، وتباسىلارعا، مەكتەپتەرگە، كاسىپورىندارعا جەتكىزۋ“ سىندى ”بەسكە جەتكىزۋ“ قيمىلىن ۇيىمداستىرىپ ورىستەتەدى، الەۋمەتتىك اۋماقتى تياناق ەتكەن، بۇكىل قوعامداعىلاردى تولىق قامتيتىن الدامكوستىكتەن ساقتانۋ جونىندەگى ۇگىت جۇيەسىن كۇش سالا قالىپتاستىرادى.
سونىمەن بىرگە، باستى اقپارات قۇرالدارى مەن جاڭا مەديا تەكشەلەرى الدامكوستىكتەن ساقتانۋ جاعىنداعى جەلىلەس حابارلاردى ۇزدىكسىز جاريالاپ، الەۋمەتتىك ۇگىت، ءتالىم - تاربيە، ساقتىق ىستەرىن كۇشەيتەدى، ۇگىت كولەمىن ۇزدىكسىز كەڭەيتىپ، ۇگىت دالدىگىن جوعارىلاتادى، بۇكىل حالىق بولىپ الدامكوستىككە قارسى تۇرۋدى، بۇكىل قوعام بولىپ الدامكوستىككە قارسى تۇرۋدى ۇزدىكسىز تۇردە تىڭ ورلەۋگە كوتەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
