شي جينپيڭ جۇڭگو - انگليا ساۋداسى ”مۇز جارۋ ساپارىنىڭ“ 70 جىلدىعى قيمىلىنا قۇتتىقتاۋ حاتىن جولدادى

2023.07.07 16:09 كەلۋ قاينارى : حالىق تورابى

　　شينحۋا اگەنتتىگى، 7 - ايدىڭ 6 - كۇنى، بەيجيڭ. 7 - ايدىڭ 6 - كۇنى مەملەكەت ءتوراعاسى شي جينپيڭ جۇڭگو - انگليا ساۋداسى ”مۇز جارۋ ساپارىنىڭ“ 70 جىلدىعى قيمىلىنا قۇتتىقتاۋ حاتىن جولدادى.

　　شي جينپيڭ بىلاي دەپ اتاپ كورسەتتى: 70 جىلدىڭ الدىندا جەك پەرري مىرزا ۋاكىلدىك ەتكەن انگليا كاسىپكەرلەرى جاڭا جۇڭگونىڭ نۇرلى بولاشاعى مەن جۇڭگو - انگليا سەلبەستىگىنىڭ وراسان زور كومەسكى كۇشىن قىراعىلىقپەن بايقاپ، ەرەسەن باتىلدىقپەن جانە مىعىم ارىنمەن يدەولوگيانىڭ قاتىپ - سەمگەن مۇزىن تالقانداپ، جۇڭگو مەن انگليانىڭ ساۋدا اۋىس - كۇيىسىنىڭ جولىن الدىمەن اشتى. 70 جىلدان بەرى نەشە ۇرپاق ”مۇز بۇزۋشىلار“ جۇڭگونىڭ دامۋى مەن رەفورما ىستەرىنە كۋا بولىپ ءارى بەلسەنە ات سالىسىپ، ءوزارا ءتيىمدى سەلبەستىك بارىسىندا ءوزىنىڭ دامۋىن، زورايۋىن جۇزەگە اسىردى. ەكى جاقتىڭ بىرگە قۇلشىنۋىندا، جۇڭگو مەن انگليانىڭ ساۋداسى جوقتان بار بولىپ، قازىر 100 ميلليارد دوللاردان استى. اماليات جۇڭگو - انگليا سەلبەستىگىنىڭ ەكى ەل حالىقتارىنا باقىت جاراتقانىن، سونداي - اق دۇنيە ءجۇزىنىڭ بەيبىتشىلىگى مەن دامۋىنا دا ءتيىمدى بولعانىن دالەلدەدى.

　　شي جينپيڭ بىلاي دەپ دارىپتەدى: بۇگىنگى دۇنيە جۇزىندە قات - قابات سىن - سايىس ارالاسىپ، قاباتتاسىپ، ەكونوميكانىڭ جاھاندانۋى كەرى اعىسقا تاپ بولدى. جۇڭگو مەن انگليانىڭ ءار سالاسىنداعى اڭعارلى قايراتكەرلەردىڭ كورەگەن بولۋ، اشىق سەلبەستىك جاساۋ، باتىلدىقپەن الدا ءجۇرۋ سىندى مۇز جارۋ رۋحىنا مۇراگەرلىك ەتىپ، سەلبەسىپ تەڭ يگىلىككە كەنەلۋدىڭ جاڭا جاعدايىن قۇلشىنا اشىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، جۇڭگو مەن انگليانىڭ دوستىق سەلبەستىگىن جەبەۋگە اناعۇرلىم زور ۇلەس قوسۋىن ءۇمىت ەتەمىن.

　　سول كۇنى جۇڭگو - انگليا ساۋداسى ”مۇز جارۋ ساپارىنىڭ“ 70 جىلدىعى قيمىلىن جۇڭگو حالىقارالىق ساۋدانى جەبەۋ كوميتەتى انگليانىڭ 48 توپ كلۋبىمەن، انگليا - جۇڭگو ساۋدا قوعامىمەن بىرگە بەيجيڭدە وتكىزدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved