وقۋ - اعارتۋ مينيسترلىگىنىڭ ماڭىزدى ۇقتىرۋى! مۇنداي ادامداردى قىزمەتكە ۇسىنىس ەتۋگە بولمايدى!
2023.07.10 15:53 كەلۋ قاينارى : حالىق تورابى
ازامات جاسىنا تولماعانداردى قورعاۋ زاڭىنداعى ازامات جاسىنا تولماعاندارمەن تىعىز جاناساتىن كاسىپ سالاسىنا كىرۋ جاعدايىن تەكسەرۋ تالابىن تياناقتاندىرۋ ءۇشىن، وقۋ - اعارتۋ مينيسترلىگى بيىل شاڭحاي، گۋاڭجوۋ، جىڭجوۋ، ۋيحاي قاتارلى 4 قالادا مەكتەپ سىرتىنداعى تاربيەلەۋ قۇرىلىمدارىنداعى قىزمەتكەرلەردىڭ اتالعان كاسىپ سالاسىنا كىرۋىنە رۇقسات ەتۋ قىزمەتىن تۇيىندە سىناق ەتتى، بۇرىن زاڭعا قايشى جىنىستىق سۇعاناقتىق جاساعان ادامدار زاڭ بويىنشا ءبىر جاقتى ەتىلدى. تاياۋدا الدىڭعى مەرزىمدىك سىناق ءتۇيىنى نەگىزىندە وقۋ – اعارتۋ مينيسترلىگى كەڭسەسى «مەكتەپ سىرتىنداعى تاربيەلەۋ قۇرىلىمدارىنداعى كاسىپپەن شۇعىلدانۋشىلاردىڭ اتالعان سالاعا كىرۋىنە رۇقسات ەتۋدى تەكسەرۋ قىزمەتىن ويداعىداي ىستەۋ جونىندەگى ۇقتىرۋدى» باسىپ تاراتىپ، مەكتەپ سىرتىنداعى تاربيەلەۋ قۇرىلىمدارىنداعى كاسىپپەن شۇعىلدانۋشىلاردىڭ كاسىپ سالاسىنا كىرۋىنە رۇقسات ەتۋدى تەكسەرۋ ءتۇزىمىن جاپپاي اتقارىپ، كاسىپپەن شۇعىلدانۋشىلاردىڭ كىرۋ وتكەلىن ويداعىداي يگەردى.
«ۇقتىرۋدا» مىنالار دارىپتەلدى: ازامات جاسىنا تولماعاندارمەن تىعىز ارالاساتىن كاسىپ سالاسىنا كىرۋ رۇقساتىن تەكسەرۋ بارلىق ادامدى قامتيدى. ازامات جاسىنا تولماعاندارمەن تىعىز جاناساتىن كاسىپ سالاسىنا ۇسىنىس ەتەتىن قىزمەتكەرلەردى تەكسەرۋ جانە اتالعان كاسىپپەن شۇعىلدانۋىنا تيىم سالۋ ءتۇزىمىنىڭ تالابىن تياناقتاندىرىپ، مەكتەپ سىرتىنداعى ءتۇرلى تاربيەلەۋ قۇرىلىمدارىنا ۇسىنىس ەتىلگەندەردىڭ سالاعا كىرۋىنە رۇقسات ەتۋ تەكسەرۋ جۇرگىزۋ كولەمىن وقىتۋ قىزمەتكەرى، وقىتۋدى زەرتتەۋ قىزمەتكەرى جانە باسقا دا قىزمەتكەرلەرگە دەيىن كەڭەيتۋدى تالاپ ەتتى. قىزمەتكە كىرگەننەن كەيىنگى كاسىپپەن شۇعىلدانۋشىلاردى دا مەرزىم بويىنشا شوعىرلى تەكسەرىپ، ازامات جاسىنا تولماعاندارمەن جاناساتىن بارلىق قۇرىلىمداعى كاسىپپەن شۇعىلدانۋشىلاردىڭ تەكسەرۋگە تيىستىلەرىن تۇگەلدەي تەكسەرۋگە كەپىلدىك ەتىپ، مەكتەپ سىرتىنداعى تاربيەلەۋ حاۋىپسىزدىگىنىڭ سوڭعى شەگىن ويداعىداي ساقتاۋ كەرەك.
ۇقتىرۋدا مىنالار دارىپتەلدى: تەكسەرۋ قىزمەتى زاڭ بويىنشا جۇرگىزىلەدى. اتالعان سالاعا كىرۋگە رۇقسات ەتۋدى تەكسەرۋ قىزمەتى ازامات جاسىنا تولماعانداردى قورعاۋ زاڭى جانە «كاسىپپەن شۇعىلدانۋعا تيىم سالۋ ءتۇزىمىن تياناقتاندىرۋ جونىندەگى پىكىر» سياقتى زاڭ - ساياساتتار بويىنشا ورىستەتىلىپ، تەكسەرۋ ءتارتىبى قاتاڭ ارناعا تۇسىرىلەدى، قاتىستى نەگىزگى تۇلعالىق ۇقىق - بورىش زاڭ بويىنشا قامتاماسىزداندىرىلادى. تاربيەلەۋ قۇرىلىمى تەكسەرۋدى ءوتىنىش ەتكەندە، ءسوز جوق، تەكسەرىلۋشىنىڭ ماقۇلداۋىن الۋى ءارى قاتىستى ماتەريالداردى تاپسىرۋى كەرەك، ۇسىنىس ەتىلمەگەن ادامنىڭ ەستەلىك ينفورماتسياسىن ءوز بەتىمەن تەكسەرۋىنە بولمايدى. تەكسەرۋ ناتيجەسىن جۇيەلى پايدالانىپ، تەكسەرۋ ارقىلى جىنىستىق سۇعاناقتىق جاساۋ ەستەلىگى بار بولسا، قۇرىلىمنىڭ ۇسىنىسپەن ىستەتۋىنە بولمايدى؛ تەكسەرۋ وبيەكتىسىنىڭ ناتيجەگە بوتەن پىكىرى بولسا، ءتارتىپ بويىنشا قايتا تەكسەرۋدى ءوتىنىش ەتۋىنە بولادى.
«ۇقتىرۋدا» مىنالار باسا دارىپتەلدى: باسقارۋ جاۋاپكەرشىلىگىن قاتايتۋ كەرەك. ءار دارەجەلى وقۋ - اعارتۋ تاراۋلارى جانە قاتىستى باسقارۋشى تاراۋلار، مەكتەپ سىرتىنداعى تاربيەلەۋ ورگاندارى جانە ونىڭ قىزمەتكەرلەرى زاڭدا بەلگىلەنگەن سالاعا كىرۋ تەكسەرۋىن ىستەۋ جاۋاپكەرشىلىگىن وتەۋى كەرەك، ەگەر ”تەكسەرۋگە ءتيىستىسى تەكسەرىلمەسە“، ” بەلگىلەمەگە قايشىلىق جاساپ قىزمەتكە شىقسا“، ”قۇپيالىقتى اشكەرەلەسە“ جانە قىزمەتتە نەمقۇرايدىلىق ىستەۋ، قىزمەت ۇقىعىنان الباتى پايدالانۋ، قارالىق ىستەۋ قاتارلى احۋالدار بايقالسا، زاڭ بەلگىلەمە بويىنشا ءبىر جاقتى ەتۋ كەرەك ءارى قاتىستى ورىندار مەن قىزمەتكەرلەردىڭ جاۋاپكەرشىلىگىن قۋزاستىرۋ كەرەك.
كەلەسى قادامدا وقۋ - اعارتۋ مينيسترلىگى جەر - جەردىڭ كاسىپپەن شۇعىلدانۋشىلاردىڭ سالاعا كىرۋىنە رۇقسات ەتۋ تەكسەرۋ قىزمەتىن ويداعىداي تياناقتاندىرۋىنا جەتەكشىلىك ەتىپ جانە قۋزاپ، بۇكىل ەل بويىنشا مەكتەپ سىرتىنداعى تاربيەلەۋ، كۋرستان وتكىزۋدى باقىلاۋ - باسقارۋ جانە قىزمەت وتەۋ تەكشەسىنە سۇيەنىپ، كاسىپپەن شۇعىلدانۋشىلاردىڭ جىنىستىق سۇعاناقتىق جاساۋ سياقتى زاڭعا قايشى قىلمىستىق ينفورماتسيالارىن شوعىرلى تەكسەرىپ، مەكتەپ سىرتىنداعى كۋرستاردىڭ حاۋىپسىزدىك قورعانىس تورىن بەرىك قۇرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
