شي جينپيڭ دۇنيە ءجۇزى ورتاق يگىلىكتەنە دامۋ ارەكەتى تالقى مىنبەرىنىڭ تۇڭعىش كەزەكتى جوعارى دارەجەلى ماجىلىسىنە قۇتتىقتاۋ حاتىن جولدادى
2023.07.11 15:33 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 10 – كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 10 - كۇنى دۇنيە ءجۇزى ورتاق يگىلىكتەنە دامۋ ارەكەتى تالقى مىنبەرىنىڭ تۇڭعىش كەزەكتى جوعارى دارەجەلى ماجىلىسىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: بۇگىنگى دۇنيە جۇزىندە 100 جىلدا بولماعان وزگەرىس جەدەل قۇبىلىپ، دۇنيە ءجۇزى ەكونوميكاسىنىڭ قالپىنا كەلۋى قيىنشىلىق قىسپاعىنا ءتۇستى، دۇنيە جۇزىلىك دامۋ كۇن ءتارتىبى سىن - سايىسقا ءدوپ كەلدى. سەلبەستىك ورتاق تانىمىن ۇيىستىرۋ، ورتاق دامۋدى ىلگەرىلەتۋ ءۇشىن، مەن دۇنيە جۇزىلىك دامۋ باستاماسىن العا قويىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جەدەل تياناقتاندىرۋ جونىندە باستام كوتەردىم. مەن ءار جاقتىڭ بىرگە ات سالىسۋىندا، دۇنيە جۇزىلىك دامۋ باستاماسى سەلبەستىگىندە ماڭىزدى العاشقى تابىسقا قول جەتكەنىن، وركەندەپ كەلە جاتقان كوپتەگەن ەلدىڭ مۇنىڭ يگىلىگىن كورگەنىن كورىپ قۋانىپ وتىرمىن.
شي جينپيڭ بىلاي دەپ دارىپتەدى: دامۋ − ادامزات قوعامىنىڭ ماڭگىلىك تاقىرىبى. ورتاق يگىلىكتەنە دامۋ − تاماشا دۇنيە ءجۇزىن قۇرۋدىڭ ماڭىزدى جولى. وركەندەپ كەلە جاتقان ەڭ ءىرى ەل رەتىندە، جۇڭگو باستان - اياق وزىندىك دامۋدى ادامزات دامۋىنىڭ كوورديناتا جۇيەسىنە قويىپ، ءوزىنىڭ دامۋى ارقىلى دۇنيە ءجۇزىنىڭ دامۋىنا جاڭا وراي جاراتۋعا قۇلشىنۋدا. جۇڭگو دۇنيە جۇزىلىك دامۋ سەلبەستىگىنە بولعان بايلىق ۇسىنىلىمىن ونان ارى ارتتىرىپ، حالىقارالىق قوعاممەن بىرگە دۇنيە جۇزىلىك دامۋ باستاماسىن ىشكەرىلەي، ناقتى ىلگەرىلەتىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ نىساناسىن ۋاعىندا جۇزەگە اسىرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ ۇلەس قوسادى.
دۇنيە ءجۇزى ورتاق يگىلىكتەنە دامۋ ارەكەتى تالقى مىنبەرىنىڭ تۇڭعىش كەزەكتى جوعارى دارەجەلى ءماجىلىسىن مەملەكەتتىك حالىقارالىق دامۋ - سەلبەستىك مەكەمەسى جاۋاپتى بولىپ وتكىزدى، نەگىزگى تاقىرىبى ”جۇڭگو باستاماسى، دۇنيە جۇزىلىك ارەكەت“ بولدى، ءماجىلىس 7 - ايدىڭ 10 - كۇنى بەيجيڭدە اشىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
