كوركەم شياڭگاڭ قۇرۋعا، ۇلتتىڭ گۇلدەنۋىن جۇزەگە اسىرۋعا بەلسەنە ۇلەس قوسامىز
− ءتوراعا شي جينپيڭنىڭ شياڭگاڭداعى پەيچياۋ ورتا مەكتەبىنىڭ ورتا مەكتەپ 1 - جىلدىعىنداعى بارلىق وقۋشىعا قايتارعان جاۋاپ حاتى شياڭگاڭنىڭ ءار سالاسىندا كۇشتى اڭىس قوزعادى
«حالىق گازەتىنىڭ» ءتىلشىسى فىڭ شۋەجى
2023.07.27 16:42 كەلۋ قاينارى : حالىق تورابى
مەملەكەت ءتوراعاسى شي جينپيڭ 7 - ايدىڭ 24 - كۇنى شياڭگاڭداعى پەيچياۋ ورتا مەكتەبى ورتا مەكتەپ 1 - جىلدىعىنداعى بارلىق وقۋشىعا جاۋاپ حات قايتارىپ، ولاردى شىن ىقىلاسپەن شابىتتاندىردى. ءتوراعا شي جينپيڭنىڭ جاۋاپ حاتى پەيچياۋ ورتا مەكتەبىندەگى وقىتۋشى - وقۋشىلار، شياڭگاڭداعى وقۋ - اعارتۋ قىزمەتكەرلەرى جانە قوعامداعى ءار سالا قايراتكەرلەرى اراسىندا كۇشتى اڭىس قوزعادى. كوپشىلىك مىنالاردى ءبىلدىردى: ءتوراعا شي جينپيڭنىڭ جاۋاپ حاتى شياڭگاڭداعى جاستار مەن ورەندەرگە دەگەن ىقىلاستى قامقورلىعى مەن شىنايى ءۇمىتىن تولىق ايگىلەدى، ءتوراعا شي جينپيڭنىڭ تاپسىرماسىن ەستە بەرىك ساقتاپ جانە امالياتتا ايگىلەپ، وتاندى ءسۇيۋ، شياڭگاڭدى ءسۇيۋ داڭقتى داستۇرىنە مۇراگەرلىك ەتىپ، كورىكتى شياڭگاڭ قۇرۋعا، ۇلتتىڭ گۇلدەنۋىن جۇزەگە اسىرۋعا بەلسەنە كۇش قوسامىز.
”ءتوراعا شي جينپيڭ قاربالاس بولا ءجۇرىپ وقۋشىلارعا جاۋاپ حات جازدى، بۇل ءبىز ءۇشىن زور شابىت ءارى پەيچياۋ ورتا مەكتەبىنىڭ ’دارىندىلاردى باۋلىپ، وتاننىڭ ءۇمىتىن اقتاۋ‘ سىندى مەكتەپ باسقارۋ ۇستانىمىن تۇراقتاندىرعاندىق جانە ىنتالاندىرعاندىق بولدى“. شياڭگاڭ پەيچياۋ ورتا مەكتەبىنىڭ مەڭگەرۋشىسى ۋ حۋانجيە بىلاي دەدى: مەكتەپ ەجەلدەن تۇمەن كىتاپ وقۋ مەن تۇمەن شاقىرىم جول باسۋدى ۇشتاستىرۋعا باسا ءمان بەرىپ، وقۋشىلاردى ىشكى ولكەلەرگە بارىپ تەكسەرۋ جۇرگىزۋگە ۇيىمداستىراتىن امالياتتىق وقىتۋ مەحانيزمىن قالىپتاستىردى؛ مەكتەپ تاعى گۋاڭدۇڭ - شياڭگاڭ - اۋمىن شىعاناق رايونىنداعى كوپتەگەن مەكتەپپەن اپەكە - سىڭلىلەر مەكتەبىن قۇرىپ، اپەكە - سىڭلىلەر مەكتەبى مەن پەيچياۋ ورتا مەكتەبىندەگى وقۋشىلاردى ۇنەمى اۋىس - كۇيىس جاساۋعا ۇيىمداستىرىپ، وقۋشىلارعا مەملەكەتتىڭ دامۋىن، العا باسۋىن سەزىندىردى.
ءتوراعا شي جينپيڭگە حات جازعان وقۋشىلار ۋاكىلى چىن مانلين بىلاي دەدى: ءتوراعا شي جينپيڭنىڭ جاۋاپ حاتىن تاپسىرىپ العاندا ەرەكشە جەلپىندىك، بەلسەندى، ىرىقتى، ىقىلاستى كوڭىل كۇيدى ۇزدىكسىز ساقتاپ، قابىلەتتى قۇلشىنا ارتتىرىپ، شياڭگاڭدى تياناق ەتكەن، وتاندى كوكەيدە ساقتاعان ءارى حالىقارالىق كوز اياعا يە جاڭا ءداۋىر جاستارى بولىپ شىعۋعا قۇلشىنامىز.
فۋدان داشۋەسىندە وقيتىن، پىيچيا ورتا مەكتەبىنەن وقۋ بىتىرگەن جياڭ فەيفان گۇيجوۋ داۋجىن گىلاۋ - مياۋزۋ اۆتونوميالى اۋدانى شاڭبا ۇلتتىق باستاۋىش مەكتەبىندە وقىتۋعا كومەك بەرەدى. ول بىلاي دەدى: ”ءتوراعا شي جينپيڭ حاتىندا تۇمەن كىتاپ وقۋ مەن تۇمەن شاقىرىم جول باسۋدى ۇشتاستىرىپ...، وتاننىڭ تاريحي مادەنيەتى مەن رەال مەملەكەت جاعدايىن ىشكەرىلەي ءتۇسىنۋ كەرەك دەدى. ەگەر وتانىمىزدىڭ اۋىل - قىستاعىنا كەلمەگەن بولسام، اۋىل - قىستاقتى گۇلدەندىرۋدىڭ ۇلى امالياتىنىڭ وسىنشاما دۋماندى بولارىن ويعا دا الا الماس ەدىم“. گۇيجوۋدىڭ اۋىل - قىستاقتى كوركەيتۋىنىڭ جەتىستىكتەرىنە ءوز كوزىمەن كۋا بولعاننان كەيىن، ءتوراعا شي جينپيڭنىڭ حاتىنداعى شابىتتاندىرۋ وعان ءتىپتى دە تەرەڭ اسەر بەردى. ول انا مەكتەبىندەگى ۇستازداردان، ۇستازداردىڭ، وقۋشىلاردىڭ ءتوراعا شي جينپيڭنىڭ تاپسىرماسى بويىنشا، قاجىرلىلىقپەن ۇيرەنۋدەن سىرت، ورايدى مىقتى يگەرىپ، تۇرلىشە تاسىلدەر ارقىلى وتاندى ىشكەرىلەي ءتۇسىنىپ، مەملەكەت جاعدايىنا قانىعىپ، وتاندى، شياڭگاڭدى سۇيەتىن، جاڭا ءداۋىردىڭ تالابىنا ۇيلەسەتىن دارىندىلارعا اينالۋىن ءۇمىت ەتتى.
شياڭگاڭ ەرەكشە اكىمشىلىك رايونى ۇكىمەتى وقۋ – اعارتۋ مەكەمەسىنىڭ باستىعى ساي روليان بىلاي دەدى: ”ءتوراعا شي جينپيڭ شياڭگاڭ جاستارىنىڭ دامۋىنا باستان – اياق كوڭىل ءبولىپ، ولاردى كوركەم شياڭگاڭ قۇرۋعا، ۇلتتىڭ گۇلدەنۋىن ىسكە اسىرۋعا بەلسەنە ۇلەس قوسۋعا ءتىپتى دە شابىتتاندىردى. جاڭا داۋىردەگى جۇڭگو جاستارى، ءسوز جوق، ءۇمىتتى اقتاپ، قۇلشىنا ءبىلىم الىپ، ءوز ارتىقشىلىعى ارقىلى مەملەكەتتىڭ قاجەتىنە قىزمەت وتەۋى كەرەك“.
شياڭگاڭ زاڭ شىعارۋ كەڭەسى فۋنكتسيالىق ۇيىرمەلەرىنىڭ وقۋ - اعارتۋ سالاسىنداعى مۇشەسى جۋ گوچياڭ بىلاي دەدى: ءتوراعا شي جينپيڭنىڭ وقۋشىلارعا جاۋاپ حاتى ءارى شابىتتاندىرۋ، ءارى شياڭگاڭ وقۋ - اعارتۋ سالاسىنا دەگەن ءۇمىت سانالادى. ول بىلاي دەپ قارادى: شياڭگاڭدىق جاس وقۋشىلاردىڭ ىشكى ولكەلەرگە بارىپ تەكسەرۋ - زەرتتەۋ جۇرگىزۋى − وتاننىڭ تاريحىن، مادەنيەتىن جانە رەال مەملەكەت جاعدايىن ءتۇسىنۋدىڭ ەڭ تاماشا جولى، ورتا مەكتەپ ساباق رەفورماسىنىڭ ىلگەرىلەتىلۋىنە ىلەسە، اسىرەسە، ”ازاماتتار جانە قوعامدىق دامۋ ساباعىنىڭ“ ىشكى ولكەلەردە تەكسەرۋ - زەرتتەۋ جۇرگىزۋ ساباعىنا ەنگىزىلۋى وتباسى، وتان سۇيىسپەنشىلىگىن كۇشەيتە تۇسەتىنىنە سەنەمىن.
شياڭگاڭ وقۋ – اعارتۋ قىزمەتكەرلەرى بىرلەسپە قوعامى مالىمدەمە جاريالاپ مىنانى ءبىلدىردى: ءتوراعا شي جينپيڭ شياڭگاڭ جاستارىنا ەرەكشە كوڭىل ءبولىپ جانە قامقورلىق جاساپ وتىر، شياڭگاڭ وقۋ – اعارتۋ قىزمەتكەرلەرى بىرلەسپە قوعامى وتاندى ءسۇيۋ، شياڭگاڭدى ءسۇيۋ تۋىن ۇزدىكسىز بيىك ۇستاپ، ەرەكشە اكىمشىلىك رايون ۇكىمەتىمەن تىعىز سەلبەسىپ، ۇرپاقتاردىڭ مەملەكەت كوزقاراسىن جەتىلدىرۋدى كۇشەيتىپ، شياڭگاڭ جاستارىنىڭ ەرتەرەك ۇلكەن مىندەت ارقالاي الاتىن تىرەكتى دارىندى بولىپ جەتىلۋىنە مۇمكىندىك جاسايدى.
”ءتوراعا شي جينپيڭنىڭ پەيچياۋ ورتا مەكتەبىنىڭ وقۋشىلارىنا قايتارعان جاۋاپ حاتىنىڭ ءار سوزىنەن شياڭگاڭعا ءمان بەرەتىنى، شياڭگاڭ جاستارىن ايالايتىنى اڭعارىلىپ تۇر“. كەزىندە جۇڭگو عىلىم اكادەمياسىنىڭ، جۇڭگو ينجەنەريالىق عىلىمدار اكادەمياسىنىڭ شياڭگاڭداعى 23 اكادەميگىن باستاپ ءتوراعا شي جينپيڭگە حات جازعان شياڭگاڭداعى جۇڭگو ينجەنەريا اكادەمياسىنىڭ تۇڭعىش اكادەميگى، شياڭگاڭ داشۋەسىنىڭ قۇرمەتتى پروفەسسورى چىن چيڭچۋان ەسكە الىپ بىلاي دەدى: بىلتىر 6 - ايدىڭ 30 – كۇنى ءتوراعا شي جينپيڭ شياڭگاڭ عىلىم باقشاسىندا شياڭگاڭداعى ەكى اكادەميانىڭ اكادەميكتەرىن، عىلمي زەرتتەۋ قىزمەتكەرلەرىن، جاس عىلىم كاسىپورىندارىنىڭ ۋاكىلدەرىن قابىلداعاندا ماڭىزدى سوزىندە جاستارعا ەرەكشە شابىت بەردى. چىن چيڭچۋان مىنانى ءبىلدىردى: شياڭگاڭ جاستارىنىڭ ءتوراعا شي جينپيڭنىڭ تاپسىرماسىن امالياتتا ايگىلەپ، وتباسى، وتان سۇيىسپەنشىلىگىن نىعايتىپ، شىنايى ونەردى شىڭداپ، كورىكتى شياڭگاڭ قۇرۋعا، ۇلتتىڭ گۇلدەنۋىن جۇزەگە اسىرۋعا بەلسەنە ۇلەس قوسۋىن ءۇمىت ەتەمىن.
مەملەكەتتىك ساياسي كەڭەستىڭ تۇراقتى مۇشەسى، جۇڭگونىڭ بەيبىت بىرلىككە كەلۋىن جەبەۋ قوعامى شياڭگاڭ باس قوعامىنىڭ باستىعى ياۋ جىشىڭ بىلاي دەدى: ءتوراعا شي جينپيڭنىڭ جاۋاپ حاتىندا شياڭگاڭعا ايرىقشا ءمان بەرۋى، شياڭگاڭ جاستارىنا كوڭىل ءبولىپ، قامقورلىق جاساۋى، شياڭگاڭنىڭ وقۋ - اعارتۋ سالاسىنا دەگەن شىنايى ءۇمىتى قامتىلعان. ”ءبىز، ءسوز جوق، ءتوراعا شي جينپيڭنىڭ تاپسىرماسىن ەستە بەرىك ساقتاپ جانە امالياتتا ايگىلەپ، وتاندى ءسۇيۋ، شياڭگاڭدى ءسۇيۋ داڭقتى داستۇرىنە مۇراگەرلىك ەتىپ، شياڭگاڭ جاستارىنىڭ مەملەكەت كوزقاراسىن كۇش سالا جەتىلدىرەمىز“. ياۋ جىشىڭ بىلاي دەدى: شياڭگاڭ جاستارىنىڭ شياڭگاڭنىڭ ”وتانعا ارقا سۇيەۋ، دۇنيە ءجۇزىن تۇتاستىرۋ“ سىندى وزگەشە ابزالدىعىن تولىق تانۋىنا كومەكتەسىپ، دارىندى بولىپ جەتىلۋىنە كومەكتەسىپ، جاستاردى شياڭگاڭنىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن جۇزەگە اسىراتىن، ”ءبىر ەل، ەكى ءتۇزىمنىڭ“ ورنىقتى قاداممەن الىسقا جەتۋىن ىلگەرىلەتەتىن جانە جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن جالىندى كۇش ەتىپ جەتىلدىرىپ شىعامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
