وقۋ - اعارتۋ مينيسترلىگى ورتا، باستاۋىش مەكتەپتەرگە ۇزدىك وقىتۋشىلاردى جەتىلدىرۋ جونىندەگى مەملەكەتتىك جوسپاردى اتقارادى
2023.07.28 16:12 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ياڭ جانفەي 7 - ايدىڭ 27 - كۇنى بەيجيڭنەن حابارلايدى. ءتىلشىنىڭ 7 - ايدىڭ 27 - كۇنى وقۋ - اعارتۋ مينيسترلىگىنەن ۇعىسۋىنشا، تاڭداۋلى جاڭالىق اشۋشى دارىندىلاردى جەتىلدىرۋ نەگىزىن بەكەمدەۋ ءۇشىن، وقۋ - اعارتۋ مينيسترلىگى جۋىردا ورتا، باستاۋىش مەكتەپتەرگە ۇزدىك وقىتۋشىلاردى جەتىلدىرۋ جوسپارىن اتقارۋ جونىندەگى پىكىردى جاريالاعان.
وقۋ - اعارتۋ مينيسترلىگىنىڭ وقۋ - اعارتۋ قىزمەتى مەڭگەرمەسىنىڭ جاۋاپتىسىنىڭ تانىستىرۋىنشا، قازىر ەلىمىزدە پەداگوگيكا كاسىبىن اشقان جوعارى مەكتەپتەردىڭ سانى 700 مەكتەپ، سانى مول بولعانىمەن، جوعارى ورەدەگى مەكتەپتەردىڭ، وتە - موتە، جوعارى ورەدەگى ۋنيۆەرسال داشۋەلەردىڭ، تەحنولوگيا سالاسىنداعى داشۋەلەردىڭ ۇستايتىن سالىستىرماسى جوعارى ەمەس؛ پەداگوگيكا كاسىبىندەگى وقۋشىلاردى تاربيەلەۋ مولشەرى از بولماعانىمەن، ءپان قۇرىلىمى مەن تاربيەلەۋ دەڭگەيىن جاقسارتۋعا تۋرا كەلەدى.
وسىنداي جاعدايعا باعىتتاي وتىرىپ، پىكىردە مىنالار ورتاعا قويىلعان: 2023 - جىلدان باستاپ، مەملەكەت ”قوس ۇزدىك“ قۇرىلىسىنداعى داشۋەلەردى ۋاكىل ەتكەن جوعارى ورەدەگى داشۋەلەردىڭ كاسىپتىك ناتيجەسى ۇزدىك ءارى وقىتۋشى بولۋدى قالايتىن، وقىتۋشى بولۋعا ۇيلەسەتىن وقۋشىلاردى تاڭداپ، ورتا، باستاۋىش مەكتەپتەرگە ۇزدىك وقىتۋشى جەتىلدىرۋدەگى مەملەكەتتىك جوسپار كولەمىندە اسپيرانتتىققا تاربيەلەۋىنە قولداۋ كورسەتەدى، ءپان تۇرىندەگى كاسىپتىك ساباقتاردى ۇيرەنۋدى كۇشەيتۋمەن بىرگە، وقىتۋشىلىققا تاربيەلەۋ جاعىنداعى ساباقتاردى (وقىتۋشىلىق امالياتىنا قاتىناسۋدى قامتيدى) جۇيەلى ۇيرەتىپ، ورتا، باستاۋىش مەكتەپتەرگە وقۋ - اعارتۋ سالاسىنا دەگەن ىقىلاسى تەرەڭ، كاسىپتىك ورەسى ۇزدىك، وقىتۋ نەگىزى مىعىم ۇزدىك وقىتۋشىلاردى جەتىلدىرەدى.
تانىستىرۋعا قاراعاندا، العاشقى توپتاعى تاربيەلەۋ جوسپارى 2023 - جىلى 9 - ايدان باستاپ اتقارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
