وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 11 - قۇرىلتايى بەيجيڭدە اشىلدى
شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، حان جىڭ ماجىلىسكە قاتىناسىپ قۇتتىقتادى، لي شي پارتيا ورتالىق كوميتەتى اتىنان ءسوز سويلەدى
2023.09.01 15:55 كەلۋ قاينارى : حالىق تورابى
 |
وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 11 - قۇرىلتايى 8 - ايدىڭ 31 - كۇنى بەيجيڭدەگى حالىق سارايىندا اشىلدى. سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءتوراعالار مىنبەسىندە ماجىلىسكە قاتىناسقان ۋاكىلدەرگە قۇرمەت بىلدىرۋدە.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
«حالىق گازەتى»، 8 - ايدىڭ 31 - كۇنى، بەيجيڭ (ءتىلشى جاڭ شو). وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 11 - قۇرىلتايى 8 - ايدىڭ 31 - كۇنى تۇستەن بۇرىن بەيجيڭدەگى حالىق سارايىندا اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، حان جىڭ قاتارلى پارتيا مەن مەملەكەت باسشىلارى قۇرىلتايعا قاتىناسىپ قۇتتىقتادى، لي شي پارتيا ورتالىق كوميتەتى اتىنان ءسوز سويلەدى.
حالىق سارايىنىڭ ۇلكەن زالى ايبىندى دا دۋماندى مەرەيگە شومدى. ءتوراعالار مىنبەسىنىڭ جوعارعى جاعىنا ”وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 11 - قۇرىلتايى“ دەگەن ءماجىلىس بەلگىسى ىلىنگەن، ارتقى پەردەنىڭ ءدال ورتاسىنا 5 قۇرلىقتاعى مۇھاجىر باۋىرلاستاردىڭ وتانعا دەگەن تىلەگىنىڭ سيمۆولى بولعان جۇڭگو وتانعا ورالعان مۇھاجىرلار بىرلەستىگىنىڭ گەربى ءىلىنىپ، ونىڭ ەكى جاعىنا بەستەن نارت قىزىل تۋ قويىلعان. 2 - قاباتتاعى مىنبەنىڭ ماڭدايشاسىنا ”شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، وتانعا ورالعان بارشا مۇھاجىرلاردى، مۇھاجىرلاردىڭ تۋىس - تۋعاندارىن جانە شەتەلدەردەگى مۇھاجىر باۋىرلاستاردى ىنتىماقتاستىرىپ، ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا كۇرەس جۇرگىزەيىك!“ دەپ جازىلعان ۇلكەن كەرمە تۋ ىلىنگەن. ەلىمىزدىڭ جەر - جەرىنەن كەلگەن وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ ءبىر مىڭ 200 گە جۋىق ۋاكىلى جانە 100 نەشە مەملەكەتتەگى مۇھاجىر باۋىرلاستاردىڭ اراسىنان ارنايى ۇسىنىس ەتىلگەن 600 گە تارتا سيلى قوناق قۋانىشپەن ءبىر ارادا باس قوستى.
تۇستەن بۇرىن ساعات 10 دا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس الاڭىنا كىرگەندە، بۇكىل زالدان قىزۋ قول شاپالاق ءۇنى كوتەرىلدى.
قۇرىلتاي ايبىندى جۇڭحۋا حالىق رەسپۋبليكاسىنىڭ مەملەكەت انىمەن باستالدى.
لي شي پارتيا ورتالىق كوميتەتى اتىنان «مەملەكەتتى قۇدىرەتتەندىرۋگە، ۇلتتى كوركەيتۋگە مۇھاجىرلار سالاسىنىڭ ىنتىماقتاسا كۇرەس جۇرگىزۋىنىڭ قۇدىرەتتى كۇش - قۋاتىن ۇيىستىرايىق» دەگەن تاقىرىپتا ارناۋ ءسوز سويلەپ، قۇرىلتايدىڭ اشىلعانىن قىزۋ قۇتتىقتادى، وتانعا ورالعان بارشا مۇھاجىرلارعا، مۇھاجىرلاردىڭ تۋىس - تۋعاندارىنا جانە شەتەلدەردەگى مۇھاجىر باۋىرلاستارعا، مۇھاجىرلار بىرلەستىگى قىزمەتكەرلەرىنە شىنايى سالەم جولدادى.
لي شي ارناۋ سوزىندە بىلاي دەدى: پارتيا ورتالىق كوميتەتىنىڭ پارمەندى باسشىلىعىندا، وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 10 - قۇرىلتايىنان بەرى جۇڭگو وتانعا ورالعان مۇھاجىرلار بىرلەستىگى مەن ءار دارەجەلى مۇھاجىر بىرلەستىگى ۇيىمدارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ مۇھاجىرلار ىستەرى جانە بۇقارالىق ۇيىمدار قىزمەتى جونىندەگى ماڭىزدى پايىمداۋىن مۇقيات دايەكتىلەندىرىپ، تياناقتاندىرىپ، وزەكتى ارقاۋ ەتۋدە، كەلەلى جاعدايعا قىزمەت ەتۋدە، مۇھاجىر باۋىرلاستارعا قىزمەت ەتۋدە تاباندى بولىپ، فۋنكتسيانى جاپپاي اتقارىپ، مۇھاجىرلار بىرلەستىگىنىڭ ساياسي، العاباسارلىق، بۇقارالىق سيپاتى ۇزدىكسىز كۇشەيىپ، ۇيىمدىق قۋاتى، ىقپالى ۇزدىكسىز جوعارىلادى. وتانعا ورالعان بارشا مۇھاجىرلار، مۇھاجىرلاردىڭ تۋىس - تۋعاندارى جانە شەتەلدەردەگى مۇھاجىر باۋىرلاستار باستان - اياق وتانمەن بىرگە ەكپىندەي ىلگەرىلەپ، حالىقپەن بىرگە كۇرەس جۇرگىزىپ، ەكونوميكانى دامىتۋ، كەدەيلىكتەن ارىلتۋدان قامال الۋ، ىندەتكە قارسى اتتانۋ كۇرەسى، سىرتقا ەسىك اشۋ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتاۋ جانە وتاننىڭ تۇتاستىعىن ىلگەرىلەتۋ سياقتى جاقتاردا وزگەشە ارتىقشىلىقتارىن ساۋلەلەندىرىپ، بەلسەندى ۇلەستەر قوستى.
لي شي مىنالاردى ءبىلدىردى: جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ _ پارتيانىڭ وزەكتى مىندەتى، سونداي - اق ەل ءىشى - سىرتىنداعى جۇڭحۋا ۇلاندارىنىڭ بىرگە قۇلشىنۋىن قاجەت ەتەدى. وتانعا ورالعان بارشا مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ جانە شەتەلدەردەگى مۇھاجىر باۋىرلاستاردىڭ پارتيا مەن حالىقتىڭ ۇندەۋىنە بەلسەنە ءۇن قوسىپ، جاڭا دامۋ ارناسىن قالىپتاستىرۋعا دەم بەرۋ، ساپالى دامۋدى ىلگەرىلەتۋ بارىسىندا اناعۇرلىم زور ىسكەرلىك كورسەتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا، وتاننىڭ بىرلىككە كەلۋىن ىلگەرىلەتۋگە اناعۇرلىم زور ۇلەس قوسىپ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋدا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە اناعۇرلىم زور رول اتقارىپ، وتاننىڭ (اتا تەك ەلى) جانە تۇرعىلىقتى ەلدىڭ دامۋىن جەبەۋ بارىسىندا ءوزىنىڭ اناعۇرلىم زور دامۋىن جۇزەگە اسىرىپ، ىنتىماقتاسا كۇرەس جۇرگىزۋدىڭ قۇدىرەتتى كۇش - قۋاتىن ۇيىستىرىپ، ۇلتتى گۇلدەندىرۋ كەلەلى مىندەتىن بىرگە ارقالاۋدا، ۇلتتى گۇلدەندىرۋ داڭقىنان بىرگە يگىلىكتەنۋدە جاڭا دا اناعۇرلىم زور ناتيجە جاراتۋىن ءۇمىت ەتەمىن.كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى ا دۇڭ جۇڭحۋا مەملەكەتتىك باس جۇمىسشى ۇيىمى، جۇڭگو كوممۋنيستىك جاستار وداعى ورتالىق كوميتەتى، جۇڭحۋا مەملەكەتتىك ايەلدەر بىرلەستىگى، جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى، جۇڭگو عىلىم - تەحنيكا قوعامى، جۇڭحۋا مەملەكەتتىك تايۋاندىق باۋىرلاستار دوستىق بىرلەستىگى، جۇڭگو مۇگەدەكتەر بىرلەستىگى اتىنان قۇرىلتايعا قۇتتىقتاۋ ءسوزىن سويلەدى. قۇتتىقتاۋ سوزىندە بىلاي دەپ اتاپ كورسەتىلدى: بۇقارالىق ۇيىمدار اۋەلگى ماقساتتى، بورىشتى ەستە بەرىك ساقتاپ، ءوزارا ۇيرەنىپ، تىعىز سەلبەسىپ، تاڭداۋلى ءداستۇردى ساۋلەلەندىرىپ، ءوز ارتىقشىلىقتارىن ساۋلەلەندىرىپ، جاڭا ءداۋىردىڭ جاڭا جورىعىنداعى پارتيانىڭ بۇقارالىق ۇيىمدار قىزمەتىنىڭ جاڭا جاعدايىن بىرگە اشۋى كەرەك.
ماجىلىستە «جۇڭگو وتانعا ورالعان مۇھاجىرلار بىرلەستىگىنىڭ، مەملەكەتتىك كەڭەس مۇھاجىرلار ىستەرى كەڭسەسىنىڭ جۇڭگو مۇھاجىر سالاسىنداعى كورنەكتى تۇلعالار مەن مەملەكەت بويىنشا وتانعا ورالعان مۇھاجىرلار، مۇھاجىرلاردىڭ تۋىس - تۋعاندارى اراسىنداعى وزات جەكەلەردى ماداقتاۋ - سيلاۋ جونىندەگى قارارى»، «ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، جۇڭگو وتانعا ورالعان مۇھاجىرلار بىرلەستىگىنىڭ وتانعا ورالعان مۇھاجىرلار بىرلەستىگى جۇيەسىندەگى مەملەكەت بويىنشا وزات كوللەكتيۆتەر مەن وزات قىزمەتكەرلەردى ماداقتاۋ - سيلاۋ جونىندەگى قارارى»، «جۇڭگو مۇھاجىرلار بىرلەستىگىنىڭ مەملەكەت بويىنشا مۇھاجىرلار بىرلەستىگى جۇيەسىندەگى وزات ۇيىمدار مەن وزات جەكەلەردى ماداقتاۋ جونىندەگى قارارى» وقىلدى ءارى سيلانعان ورىندار مەن جەكەلەرگە سيلىق تاراتىلدى.
قۇرىلتاي ءتوراعالار القاسىنىڭ تۇراقتى ءتوراعاسى ۋان ليجۇن جۇڭگو وتانعا ورالعان مۇھاجىرلار بىرلەستىگى 10 - كەزەكتى كوميتەتى اتىنان قۇرىلتايعا «شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وتانعا ورالعان بارشا مۇھاجىرلاردى، مۇھاجىرلاردىڭ تۋىس - تۋعاندارىن جانە شەتەلدەردەگى مۇھاجىر باۋىرلاستاردى جاپپاي سوتسياليستىك وسىزاماندانعان مەملەكەت قۇرۋ جولىندا كۇرەسۋگە ىنتىماقتاستىرايىق، ۇيىستىرايىق» دەگەن تاقىرىپتا قىزمەت بايانداماسىن جاسادى.
ۋاڭ ي، شى تايفىڭ، لي گانجيە، لي شۋلەي، چىن ۋىنچيڭ، ۋاڭ شياۋحۇڭ، لوساڭ جياڭسۇن، شيان حۇي ماجىلىسكە قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، حالىقتىق ۇيىمدارداعى، ارميانىڭ قاتىستى ورىندارىنداعى جانە بەيجيڭ قالاسىنداعى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ جانە مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى، سونداي - اق استاناداعى مۇھاجىرلار سالاسىنداعى بۇقارانىڭ ۋاكىلدەرى قاتارلىلار ءماجىلىستىڭ اشىلۋ سالتىنا قاتىناستى.
كەلۋ قاينارى: حالىق تورابى
 |
وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 11 - قۇرىلتايى 8 - ايدىڭ 31 - كۇنى بەيجيڭدەگى حالىق سارايىندا اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعانىن قۇتتىقتادى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
