«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
مادەنيەتتى جالعاستىرۋ، دامىتۋ اڭگىمە ماجىلىسىندە سويلەنگەن ءسوز
2023.09.01 16:00 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 31 - كۇنى، بەيجيڭ. 9 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 17 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى _ «مادەنيەتتى جالعاستىرۋ، دامىتۋ اڭگىمە ماجىلىسىندە سويلەنگەن ءسوز» جاريالانادى.
ماقالادا مىنالار دارىپتەلدى: جۇڭگو مادەنيەتى ارىدان جالعاسقان، جۇڭحۋا وركەنيەتى كەنىشتى دە شۇرايلى. جۇڭحۋا وركەنيەتىنىڭ تاريحىن جان - جاقتى، ىشكەرىلەي تۇسىنگەندە عانا، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى اناعۇرلىم ءونىمدى ىلگەرىلەتىپ، جۇڭگوشا سوتسياليستىك مادەنيەت قۇرىلىسىن اناعۇرلىم پارمەندى ىلگەرىلەتىپ، جۇڭحۋا ۇلتىنىڭ وسى زامانعى وركەنيەتىن كوركەيتۋگە بولادى.
ماقالادا مىنالار اتاپ كورسەتىلدى: جۇڭحۋا وركەنيەتىنىڭ كورنەكتى ەرەكشەلىگىن تەرەڭ يگەرۋ كەرەك. جۇڭحۋانىڭ تاڭداۋلى ءداستۇرلى مادەنيەتىندە كوپتەگەن ماڭىزدى فاكتور بار، بۇلار جۇڭحۋا وركەنيەتىنىڭ كورنەكتى ەرەكشەلىگىن بىرگە سومدادى. جۇڭحۋا وركەنيەتى كورنەكتى ۇلاسپالىلىققا يە. جۇڭحۋا وركەنيەتىنىڭ ۇلاسپالىلىققا يە بولۋى، تۇبىرىنەن العاندا، جۇڭحۋا ۇلتىنىڭ، ءسوزسىز، ءوز جولىمەن ءجۇرۋىن بەلگىلەگەن. ەگەر دە جۇڭگونى ارىدان جالعاسقان تاريحي ۇلاسپالىلىق تۇرعىسىنان تانىماساق، ەرتە زامانعى جۇڭگونى ءتۇسىنۋ مۇمكىن ەمەس، وسى زامانعى جۇڭگونى دا ءتۇسىنۋ مۇمكىن ەمەس، بولاشاق جۇڭگونى ءتۇسىنۋ ءتىپتى دە مۇمكىن ەمەس. جۇڭحۋا وركەنيەتى كورنەكتى جاڭالىق اشۋ سيپاتىنا. جۇڭحۋا وركەنيەتىنىڭ جاڭالىق اشۋ سيپاتى، تۇبىرىنەن العاندا، جۇڭحۋا ۇلتىنىڭ تۋراشىلدىقتان اينىمايتىن، ەسكىلىككە جارماسپايتىن، ەرتەدەگىگە قۇرمەت ەتەتىن، ەرتەدەگىنى قالپىنشا كوشىرمەيتىن تالپىنۋ رۋحىن بەلگىلەگەن، جۇڭحۋا ۇلتىنىڭ جاڭا سايىستان يمەنبەيتىن، جاڭا بولمىستاردى جۇرەكتىلىكپەن قابىلدايتىن تايسالماس قاسيەتىن بەلگىلەگەن. جۇڭحۋا وركەنيەتى كورنەكتى ءبىر تۇتاستىققا يە. جۇڭحۋا وركەنيەتىنىڭ ءبىر تۇتاستىققا يە بولۋى، تۇبىرىنەن العاندا، جۇڭحۋا ۇلتى ءار ۇلت مادەنيەتىنىڭ توعىسىپ، ءبىر تۇلعاعا اينالۋىن، اۋىر ساتسىزدىككە ۇشىراسا دا بەكەم ۇيىسۋىن بەلگىلەگەن، مەملەكەت تەرريتورياسى بولشەكتەنبەيتىن، مەملەكەت بىلىقپايتىن، ۇلت ىدىرامايتىن، وركەنيەت ۇزىلمەيتىن بولۋ سىندى ورتاق ۇستانىمدى بەلگىلەگەن، مەملەكەتتىڭ تۇتاستىعى ماڭگى جۇڭگونىڭ وزەكتى مۇددەسىنىڭ وزەگى ەكەىن بەلگىلەگەن، قۋاتتى دا ءبىر تۇتاس مەملەكەتتىڭ ءار ۇلت حالقىنىڭ تاعدىرىمەن بايلانىستى ەكەنىن بەلگىلەگەن. جۇڭحۋا وركەنيەتى كورنەكتى سيىسىمدىلىققا يە. جۇڭحۋا وركەنيەتىنىڭ سيىسىمدىلىققا يە بولۋى، تۇبىرىنەن العاندا، جۇڭحۋا ۇلتىنىڭ ارالاسۋى، ىشتەسۋى، توعىسۋى سىندى تاريحي بەتالىسىن بەلگىلەگەن، جۇڭگوداعى ءارقايسى ءدىني سەنىمنىڭ كوپ نەگىزدى قاتار ءومىر سۇرگەن جاراسىمدى جاعدايىن بەلگىلەگەن، جۇڭحۋا مادەنيەتىنىڭ دۇنيە ءجۇزى وركەنيەتىنە بىردەي قۇشاق اشاتىن اشىق پەيىلىن بەلگىلەگەن. جۇڭحۋا وركەنيەتى كورنەكتى بەيبىتشىلىك سيپاتقا يە. جۇڭحۋا وركەنيەتىنىڭ بەيبىتشىلىك سيپاتقا يە بولۋى، تۇبىرىنەن العاندا، جۇڭگونىڭ باستان - اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە جۇزىلىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولۋىن بەلگىلەگەن، جۇڭگونىڭ مادەنيەت زورەكەرى بولماي، قايتا وركەنيەتتەردىڭ اۋىس - كۇيىسىنە، ءوزارا ۇلگى الۋىنا ۇزدىكسىز تالپىناتىنىن بەلگىلەگەن، جۇڭگونىڭ ءوزىنىڭ قۇن كوزقاراسىن جانە ساياسي ءتۇزىلىسىن باسقالارعا زورلاپ تاڭبايتىنىن بەلگىلەگەن، جۇڭگونىڭ سەلبەسۋدە تاباندى بولاتىنىن، قارسىلاسپايتىنىن، ”جاقتاستارىن جيىپ، جاتتاردى قاقپايلايتىن“ شاعىن شەڭبەر قۇرۋمەن استە اينالىسپايتىنىن بەلگىلەگەن.
ماقالادا مىنالار اتاپ كورسەتىلدى: ”ەكىنى ۇشتاستىرۋدىڭ“ كەلەلى ءمانىن تەرەڭ ءتۇسىنۋ كەرەك. 5 مىڭ جىلدان استام جۇڭحۋا وركەنيەتىنىڭ مىعىم نەگىزىندە جۇڭگوشا سوتسياليزمدى اشىپ جانە دامىتىپ، ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋ _ ءسوزسىز، باسىپ وتەتىن جول. بۇل _ ءبىزدىڭ جۇڭگوشا سوتسياليزم جولى جونىندە ىزدەنىس جاساۋ بارىسىندا قورىتىندىلاعان زاڭدىلىق سيپاتتى تانىمىمىز. ”ەكىنى ۇشتاستىرۋ“ _ ءبىزدىڭ تابىسقا قول جەتكىزۋىمىزدەگى ەڭ ۇلكەن اسىلىمىز. ءبىرىنشى، ”ۇشتاستىرۋدىڭ“ العى شارتى ءبىر - بىرىمەن سايكەسۋ. ماركسيزم مەن جۇڭحۋانىڭ تاڭداۋلى ءداستۇرلى مادەنيەتىنىڭ كەلۋ قاينارى ۇقسامايدى، الايدا ءوزارا وسكەلەڭ سايكەسىمدىلىك ساقتالعان. ءوزارا سايكەسكەندە عانا ورگانيكالى ۇشتاستىرۋعا بولادى. ەكىنشى، ”ۇشتاستىرۋدىڭ“ ناتيجەسى _ ءبىرىن - ءبىرى تابىسقا جەتكىزۋ. ”ەكىنشى ۇشتاستىرۋ“ ماركسيزمنىڭ جۇڭگونىكى بولۋىنا، جۇڭحۋانىڭ تاڭداۋلى ءداستۇرلى مادەنيەتىنىڭ وسى زاماندىكى بولۋىنا، ”ۇشتاستىرۋدان“ قالىپتاسقان جاڭا مادەنيەتتىڭ جۇڭگو ۇلگىسىندەگى وسىزاماندانعان مادەنيەت فورماتسياسىنا اينالۋىنا مۇمكىندىك جاسادى. ءۇشىنشى، ”ۇشتاستىرۋ“ جول نەگىزىن بەكەمدەدى. جۇڭگوشا ەرەكشەلىكتىڭ تەتىگى ”ەكىنى ۇشتاستىرۋدا“. ”ەكىنشى ۇشتاستىرۋ“ جۇڭگوشا سوتسياليزم جولىنىڭ اناعۇرلىم كەڭ دە كەلەلى تاريحي تەرەڭدىككە يە بولۋىنا مۇمكىندىك جاساپ، جۇڭگوشا سوتسياليزم جولىنىڭ مادەنيەت نەگىزىن كەڭەيتتى. جۇڭگو ۇلگىسىندەگى وسىزامانداندىرۋ _ جۇڭحۋا ۇلتىنىڭ تۇلەپ وتىرۋىنىڭ ارقاۋى، جۇڭحۋا وركەنيەتىنىڭ تىڭنان شۇعىلا شاشۋىن ىلگەرىلەتەدى. ءتورتىنشى، ”ۇشتاستىرۋ“ جاسامپازدىق كەڭىستىگىن اشتى. ”ەكىنشى ۇشتاستىرۋ“ ءبىزدىڭ يدەيا جانە مادەنيەت ىرىقتىلىعىن يگەرۋىمىزگە، سونىمەن بىرگە، جول، نازاريا جانە تۇزىمگە پارمەندى ىقپال جاساۋىمىزعا مۇمكىندىك بەردى. ونان دا ماڭىزدىسى، ”ەكىنشى ۇشتاستىرۋ“ تاعى ءبىر رەتكى يدەيانى ازات ەتۋ بولىپ، ءبىزدىڭ اناعۇرلىم كەڭ مادەنيەت كەڭىستىگىندە جۇڭحۋانىڭ تاڭداۋلى ءداستۇرلى مادەنيەتىنىڭ باعالى بايلىعىنان تولىق پايدالانىپ، بولاشاقتى بەتكە العان نازاريادا جانە تۇزىمدە جاڭالىق اشۋ جونىندە ىزدەنۋىمىزگە مۇمكىندىك جاسادى. بەسىنشى، ”ۇشتاستىرۋ“ مادەنيەتتىڭ نەگىزگى تۇلعالىق سيپاتىن بەكەمدەدى. مادەنيەت سەنىمى ءبىزدىڭ مادەنيەت نەگىزگى تۇلعالىق سيپاتىمىزدان كەلگەن. جاڭا داۋىردەگى جۇڭگوشا سوتسياليزم يدەياسىن جاراتۋ _ وسى ءبىر مادەنيەت نەگىزگى تۇلعالىق سيپاتىنىڭ ەڭ پارمەندى بەينەلەنۋى.
ماقالادا مىنالار اتاپ كورسەتىلدى: ەكىنشى ۇشتاستىرۋ“ _ پارتيامىزدىڭ ماركسيزمنىڭ جۇڭگوشالانۋىنىڭ، زامانالانۋىنىڭ تاريحي تاجىريبەسىن تەرەڭ قورىتىندىلاۋى، جۇڭحۋا وركەنيەتىنىڭ دامۋ زاڭدىلىعىن تەرەڭ يگەرۋى، ول پارتيامىزدىڭ جۇڭگو جولى، نازارياسى، ءتۇزىمى جونىندەگى تانىمىنىڭ جاڭا بيىك دەڭگەيگە جەتكەنىن كورسەتەدى، پارتيامىزدىڭ تاريح سەنىمىنىڭ، مادەنيەت سەنىمىنىڭ جاڭا بيىك دەڭگەيگە جەتكەنىن كورسەتەدى، پارتيامىزدىڭ جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ بارىسىندا مادەنيەتتە جاڭالىق اشۋدى ىلگەرىلەتۋ سانالىلىعىنىڭ جاڭا بيىك دەڭگەيگە جەتكەنىن كورسەتەدى.
ماقالادا مىنالار اتاپ كورسەتىلدى: جاڭا مادەنيەت بورىشىن اناعۇرلىم ويداعىداي ارقالاۋ كەرەك. جاڭا باستامادا مادەنيەتتىڭ گۇلدەنۋىن ۇزدىكسىز ىلگەرىلەتىپ، مادەنيەتتە قۇدىرەتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن كوركەيتۋ _ ءبىزدىڭ جاڭا داۋىردەگى جاڭا مادەنيەت بورىشىمىز. ءبىرىنشى، مادەنيەت سەنىمىن بەكەمدەۋ كەرەك. جۇڭحۋا وركەنيەتى نەشە مىڭ جىلدى باستان كەشىرسە دە ۇزىلمەدى، ازاپتى تاۋقىمەتكە ۇشىراسا دا قۇرىپ كەتكەن جوق، بۇل _ ادامزات وركەنيەتىنىڭ كەرەمەتى ءارى ءبىزدىڭ سەنىمىمىزدىڭ نەگىزى. مادەنيەت سەنىمىن بەكەمدەۋ دەگەنىمىز ءوز جولىمىزبەن جۇرۋدە تاباندى بولۋ دەگەن ءسوز. ەكىنشى، اشىق، سيىسىمدى بولۋ كەرەك. جۇڭحۋا وركەنيەتىنىڭ كەڭ تىنىسى _ جۇڭحۋا مادەنيەتىنىڭ ەجەلدەن اشىق بولۋ بەينەسىنىڭ، دارقاندىعىنىڭ ارقاسى. اشىق، سيىسىمدى بولۋدا ادامزات جاراتقان بارلىق تاڭداۋلى وركەنيەت جەتىستىكتەرىن اناعۇرلىم بەلسەندى، ىرىقتى تۇردە ۇيرەنۋ، اينا ەتۋ كەرەك. ءۇشىنشى، دۇرىس جولدان تايماي، جاڭالىق اشۋدا تاباندى بولۋ كەرەك. ءسوز جوق، دۇرىس جولدان تايماي، جاڭالىق اشۋدىڭ دۇرىس سالتىمەن جانە ارىنىمەن تاريحتىڭ مادەنيەت جۇلگەسىن جالعاستىرىپ، زامانا داستانىن جازۋ كەرەك.
ماقالادا مىنالار دارىپتەلدى: تاريحقا ەڭ جاقسى مۇراگەرلىك ەتۋ − جاڭا تاريح جاراتۋ، ادامزات وركەنيەتىنە ەڭ ۇلكەن قۇرمەت − ادامزات وركەنيەتىنىڭ جاڭا فورماتسياسىن جاراتۋ. زامانىمىزعا ءتان جاڭا مادەنيەتتى ورتاق قۇلشىنىپ جاراتىپ، جۇڭحۋا ۇلتىنىڭ وسى زامانعى مادەنيەتىن كوركەيتۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
