شي جينپيڭ جاۋاپ حات جازىپ، انحۇي ولكەسىنىڭ چيانشان يەجاي ورتا مەكتەبىنەن جاڭادان اسكەري مەكتەپكە ەمتيحان بەرىپ قابىلدانعان وقۋشىلاردى
ادالدىق قاسيەتىن بەكەمدەپ، قاجىرلىلىقپەن ۇيرەنىپ جانە جاتتىعىپ، ىسىلعان ستيلدى شىڭداپ، ساپالى، ماماندانعان، جاڭاشا اسكەري ىستەر دارىندىلارى بولۋ ءۇشىن قۇلشىنۋعا شابىتتاندىردى
2023.09.01 16:01 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 31 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا انحۇي ولكەسىنىڭ چيانشان يەجاي ورتا مەكتەبىنەن جاڭادان اسكەري مەكتەپكە ەمتيحان بەرىپ قابىلدانعان 20 وقۋشىعا جاۋاپ حات قايتارىپ، ولاردى شىن ىقىلاسپەن شابىتتاندىردى.
شي جينپيڭ جاۋاپ حاتىندا مىنالاردى ءبىلدىردى: سەندەر اسكەري قوسىنعا كىرىپ، وتاننىڭ ءۇمىتىن اقتاۋدى ومىرلىك تالپىنىس ەتتىڭدەر، بيىل اسكەري مەكتەپكە ەمتيحان بەرىپ قابىلدانىپ، اسكەري ومىرلەرىڭدى باستادىڭدار، مەن سەندەردى قۇتتىقتايمىن. ارميانى قۇدىرەتتەندىرۋ ءىسىن ىلگەرىلەتۋ ءبىر توپ جالىندى جاستاردىڭ ۇزدىكسىز كۇرەس جۇرگىزۋىن قاجەت ەتەدى. سەندەردىڭ ادالدىق قاسيەتىن بەكەمدەپ، قاجىرلىلىقپەن ۇيرەنىپ جانە جاتتىعىپ، ىسىلعان ستيلدى شىڭداپ، ساپالى، ماماندانعان، جاڭاشا اسكەري ىستەر دارىندىلارى بولۋعا قۇلشىنىپ، مەملەكەت قورعانىسى مەن ارميانىڭ وسىزاماندانۋىنا ۇلەس قوسۋلارىڭدى ءۇمىت ەتەمىن.
انحۇي ولكەسى چيانشان يەجاي ورتا مەكتەبى دابيەشان توڭكەرىستىك بايىرعى رايونىنا ورنالاسقان، مەملەكەت قورعانىسى تاربيەسىنىڭ ەرەكشەلىگى ايقىن. بيىل بۇل مەكتەپتە 100 دەن استام وقۋشى اسكەري مەكتەپكە ەمتيحان بەردى، مۇنىڭ ىشىندە 20 وقۋشى 9 اسكەري مەكتەپكە قابىلداندى. تاياۋدا وسى 20 وقۋشى ءتوراعا شي جينپيڭگە حات جازىپ، مەملەكەت قورعانىسىنا ءوزىن ارناۋ، ارميانى قۇدىرەتتەندىرۋدى مۇرات ەتۋ سەنىمى مەن بەكىمىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
