شي جينپيڭ سديۆي گەنەرالدىڭ ۇرپاقتارىنا جاۋاپ حات جازدى
2023.09.01 16:03 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 31 - كۇنى، بەيجيڭ. 8 - ايدىڭ 29 - كۇنى مەملەكەت ءتوراعاسى شي جينپيڭ امەريكاداعى سديۆي گەنەرالدىڭ جيەنى جون يستبۋرككە جاۋاپ حات جازدى.
شي جينپيڭ بىلاي دەپ اتاپ كورسەتتى: يستبۋركتىڭ حاتىندا سديۆي گەنەرالدىڭ جانە سديۆي اۋلەتىنىڭ نەشە ۇرپاق ادامدارىنىڭ جۇڭگومەن دوستىق بارىس – كەلىس جاساۋ حيكايالارىمەن بولىسكەنىنە العىس ايتامىن، سديۆي اۋلەتىنەن امەريكا حالقىنىڭ جۇڭگو حالقىنا دەگەن دوستىق سۇيىسپەنشىلىگىن سەزىندىم. سديۆي گەنەرال − جۇڭگو حالقىنىڭ كونە كوز دوسى، جۇڭگونىڭ ازاتتىعى مەن العا باسۋ ىستەرىنە بەلسەندى قولداۋ كورسەتىپ، جۇڭگو - امەريكا حالىقتارىنىڭ دوستىعىنا بەلسەندى ۇلەس قوستى. جۇڭگو حالقى مۇنى ۇمىتپايدى. تاياۋدا چۇڭچيڭ قالاسى سديۆي گەنەرال دۇنيەگە كەلگەنىنىڭ 140 جىلدىعىن ەسكە ءتۇسىرۋ قيمىلىن وتكىزدى، ءسىز بەينە ەكران ارقىلى ءسوز سويلەدىڭىز، قىزدارىڭىز، كۇيەۋ بالالارىڭىز جانە نەمەرەلەرىڭىز دە ناق مايدانعا كەلدى. سديۆي گەنەرال شۇعىلدانىپ كەلگەن جۇڭگو - امەريكا دوستىق ىستەرىنىڭ وسى اۋلەتتىڭ 5 - ۇرپاق ادامدارىنا جالعاسقانىن كورىپ قاتتى قۋاندىم.
شي جينپيڭ بىلاي دەپ دارىپتەدى: وتكەنگە قايىرىلا قاراساق، جۇڭگو مەن امەريكا ەكى ەل جاپون فاشيستەرىنە قارسى سوققى بەرىپ، دۇنيە ءجۇزىنىڭ بەيبىتشىلىگىنە قول جەتكىزۋ جولىندا تىزە قوسا شايقاس جاسادى؛ بولاشاققا كوز جىبەرسەك، جۇڭگو مەن امەريكا ەكى ەلدىڭ ءبىر - بىرىنەن تابىسقا جەتىپ، بىرگە گۇلدەنىپ - كوركەيۋىنە ابدەن بولادى. جۇڭگو - امەريكا قارىم - قاتىناسىنىڭ نەگىزى حالىق اراسىندا، كۇش قاينارى حالىق دوستىعىندا. ەكى ەل حالىقتارى اۋىس - كۇيىستى كۇشەيتىپ، تۇسىنىستىكتى ارتتىرىپ، سەلبەستىكتى كەڭەيتىپ، ەكى ەل قارىم - قاتىناسىنىڭ دامۋىنا ۇزدىكسىز تىڭ قوزعاۋشى كۇش قوسۋى كەرەك. مەن ءسىزدىڭ جانە سديۆي اۋلەتىندەگى باسقا مۇشەلەردىڭ جۇڭگو، امەريكا ەكى ەل حالىقتارىنىڭ دوستىعىن جەبەۋگە ۇزدىكسىز ۇلەس قوسۋىن ءۇمىت ەتەمىن ءارى بۇعان سەنەمىن. سىزدەردىڭ جۇڭگوعا ۇنەمى كەلىپ تۇرۋلارىڭىزدى قارسى الامىز.
تاياۋدا جون يستبۋرك ءتوراعا شي جينپيڭگە حات جولداپ، سديۆيدىڭ جۇڭگومەن جانە جۇڭگو حالقىمەن بارىس - كەلىس جاساۋ كەشىرمەلەرىن ەسكە الىپ، ءوز اۋلەتىندەگى كەيىنگى ۇرپاقتاردىڭ امەريكا مەن جۇڭگونىڭ گۋمانيتارلىق اۋىس - كۇيىسىن نىعايتۋ ءۇشىن جاساعان قۇلشىنىستارىن تانىستىرىپ، ءتوراعا شي جينپيڭنىڭ ۇزاق ۋاقىتتان بەرى امەريكا مەن جۇڭگونىڭ گۋمانيتارلىق اۋىس - كۇيىسىن قولداپ كەلگەنىنە قۇرمەت ءبىلدىرىپ، جۇڭگو ۇكىمەتى مەن حالقىنىڭ كونە دوسىن ۇمىتپاعانىنا العىس ايتقان ءارى سديۆي اۋلەتىنىڭ امەريكا مەن جۇڭگونىڭ گۋمانيتارلىق اۋىس - كۇيىسىن كۇشەيتۋگە كۇش سالۋ تىلەگى مەن بەكىمىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
