جۇڭگو تۇز كاسىبى بىرلەستىگى: قازىر تەڭىز تۇزىنىڭ شيكىزاتىنان وندىرىلگەن اس تۇزى حاۋىپسىز
2023.09.01 16:05 كەلۋ قاينارى : حالىق تورابى
جۇڭگو تۇز كاسىبى بىرلەستىگىنىڭ حابارلاۋىنشا، 8 - ايدىڭ 29 - كۇنى جۇڭگو تۇز كاسىبى بىرلەستىگى بەيجيڭدە مەملەكەتتىك تەڭىز تۇزىنان اس تۇزىن ءوندىرۋ سالاسىنداعى بەلگىلەنگەن سەرىكتەستىكتەردىڭ اڭگىمە ءماجىلىسىن ۇيىمداستىرىپ اشىپ، جاپونيانىڭ يادرولىق لاس سۋدى تەڭىزگە ىعىستىرۋى سەبەپتى ەل ىشىندەگى ءىشىنارا وڭىرلەردەگى تۇرعىندار اس تۇزىن تالاسا - تارماسا ساتىپ الۋ جايتى تۋىلعانى، سونداي - اق، تەڭىز تۇزىن وندىرەتىن كاسىپورىنداردىڭ ءوندىرۋ جانە ساتۋ ىسىنە قاتىستى ماسەلەلەر جونىندە اۋىس - كۇيىس جاساپ، پىكىر - ۇسىنىستاردى ورتاعا قويدى.
وسىنىڭ الدىندا، ەكولوگيالىق ورتا مينيسترلىگى (مەملەكەتتىك يادرولىق حاۋىپسىزدىك مەكەمەسى) ەلىمىزدىڭ باسقارۋىنداعى تەڭىز - مۇحيتتاعى 2021 -، 2022 - جىلدارداعى رادياتسيا ورتاسىنا باقىلاۋ جۇرگىزۋ ناتيجەسىن جاريالاعان بولاتىن، قازىرگى كەزدە 2023 - جىلعى باقىلاۋ قىزمەتىن ورىستەتۋدە. جاريالانعان دەرەكتەرگە قاراعاندا، قازىرگى كەزەڭدە ەلىمىزدىڭ باسقارۋىنداعى تەڭىز الابىنداعى تەڭىز سۋى مەن تەڭىز - مۇحيتتاعى ورگانيزمدەردەگى جاساندى راديواكتيۆتىك نۋكلەيننىڭ جاندىلىعى مەن قويۋلىعىندا قالىپسىزدىق بايقالماعان، جالپى جاقتان بۇرىنعى جىلدارداعى ورلەۋ - تومەندەۋ كولەمى ىشىندە. سوندىقتان، ماجىلىسكە قاتىناسقان ۋاكىلدەر ءبىر اۋىزدان بىلاي دەپ قاراعان: قازىر تەڭىز تۇزىنىڭ ماتەريالىنان وندىرىلگەن تۇز حاۋىپسىز، بازارداعى زاڭدى ارنالار ارقىلى ساتىپ العان اس تۇزى دا حاۋىپسىز.
جۇڭگو تۇز كاسىبى بىرلەستىگى تۇز كاسىبى سالاسىنداعى بارشا كاسىپورىنداردى ەلىمىزدىڭ تۇز كاسىبى بازارىنىڭ ءتارتىبىن بىرگە قورعاۋعا، اس تۇزىن ارناۋلى تيجارات ەتۋ ءتۇزىمى سيلاعان قوعامدىق جاۋاپكەرشىلىكتى ويداعىداي اتقارۋعا، اس تۇزىنىڭ ساپالىق حاۋىپسىزدىگى مەن قامداۋ جاعىنداعى حاۋىپسىزدىگىنە كەپىلدىك ەتىپ، ازاماتتاردىڭ دەنساۋلىق اقاۋسىزدىعىن قورعاۋعا ۇندەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
