حىنان عىلىم - تەحنيكا جەتىستىكتەرىن كادەگە جاراتۋدى جانە كاسىپ سالالاندىرۋدى كۇش سالا ىلگەرىلەتتى
«حالىق گازەتىنىڭ» تىلشىلەرى ۋاڭ لى - ۋىن، جۋ پەيشيان
2023.09.04 16:10 كەلۋ قاينارى : حالىق تورابى
ءبىر ءتۇرلى ۇنتاق توپىراققا شاشىلاتىن بولسا، سۋعا تيگەننەن كەيىن قورعاسىن، كادمي سياقتى اۋىر مەتالداردى ”قۇلىپتاپ“، ورتاشا جانە اۋىر دارەجەدە لاستانعان توپىراقتى قالپىنا كەلتىرەدى؛ ەندى ءبىر ءتۇرلى ۇنتاق تەحنولوگيالىق بارىسقا قوسىلسا، جاسالعان اينەك %90 تەن استام ينفرا قىزىل ساۋلەنى توسا الادى، ىستىقتى بارىنشا توسادى ءارى جارىق وتكىزۋگە ىقپال جاسامايدى... حىنان ولكەسى نانومەترلىك ماتەريالدار سىناق بازاسىندا كوپتەگەن جاڭا ماتەريالداردىڭ ارالىق سىناعى ورىستەتىلۋدە.
سىناق بازاسىن قۇرۋ _ حىناننىڭ عىلىم - تەحنيكا جەتىستىكتەرىن وندىرگىش كۇشكە اينالدىرۋدى ىلگەرىلەتىپ، كاسىپ سالالاندىرۋ دەڭگەيىن جوعارىلاتۋداعى شارالارىنىڭ ءبىرى. حىنان ولكەسى نانومەترلىك ماتەريالدار سىناق بازاسىنىڭ مەڭگەرۋشىسى لي شياۋحۇڭ تانىستىرىپ بىلاي دەدى: بۇل بازا 2021 – جىلى 10 – ايدا ماڭدايشالىعىن اشتى، بيىل 7 – ايدىڭ سوڭىنا دەيىن 3 عىلىم – تەحنيكا جەتىستىگى كاسىپ سالالاندىرۋ جولىنا ءتۇسىپ، جالپى 5 كاسىپورىن جەتىلىپ شىقتى.
باس شۋجي شي جينپيڭ بىلاي دەپ دارىپتەدى: ”شەشۋشى سالالارداعى دەربەس جاڭالىق اشۋ قابىلەتىن جوعارىلاتىپ، قولداۋ ساياساتىندا جاڭالىق اشىپ، عىلىم - تەحنيكا جەتىستىكتەرىن كادەگە جاراتۋدى جانە كاسىپ سالالاندىرۋدى ىلگەرىلەتىپ، دەربەس ءبىلىم مەنشىك ۇقىعىنا يە وزەكتى تەحنيكالاردى جەدەل زەرتتەپ اشىپ، ءتول جاسامپازدىق تەحنيكالاردا جاڭالىق اشۋعا اناعۇرلىم كوپ شابىت بەرۋ كەرەك“. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرعان حىنان جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارىپ، ساياساتتىق ورتا، نەگىزدىك قۇرىلىم، كوشىرۋ ارناسى، تىرەكتىك قامتاماسىزداندىرۋ سياقتى جاقتاردا جۇيەلى ورنالاستىرۋ جاساپ، كاسىپورىندى نەگىزگى تۇلعا، بازاردى جەتەكشى ەتكەن، ءوندىرۋ، وقىتۋ، زەرتتەۋ ىشكەرىلەي توعىسقان عىلىم - تەحنيكا جەتىستىكتەرىن وندىرگىش كۇشكە اينالدىرۋ جانە تەحنيكا اۋىستىرۋ جۇيەسىن جەدەل ورناتتى، كەمەلدەندىردى.
حىنان عىلمي زەرتتەۋ قىزمەتكەرلەرىنە مىندەتتىك عىلىم - تەحنيكا جەتىستىكتەرىن مەنشىكتەنۋ ۇقىعىن نەمەسە ۇزاق ۋاقىت پايدالانۋ ۇقىعىن بەرۋ رەفورماسىن تۇيىندە سىناق ەتۋدى اتقارۋ جوباسى، ولكە دارەجەلى قازىنانىڭ عىلمي زەرتتەۋ قاراجاتىن باسقارۋ رەفورماسىن تەرەڭدەتىپ، عىلمي زەرتتەۋدىڭ ەكولوگيالىق ورتاسىن ساپالىلاندىرۋ جونىندەگى ءبىرقانشا پىكىر سياقتى قۇجاتتاردى ىركەس - تىركەس شىعارىپ، عىلمي زەرتتەۋ قىزمەتكەرلەرىنىڭ اۋىرتپالىعىن جەڭىلدەتىپ، جاڭالىق جاراتۋ ومىرشەڭدىگىنە دەم بەرۋ ارناۋلى قيمىلىن ۇزدىكسىز ورىستەتىپ، جوعارى مەكتەپتەر مەن عىلمي زەرتتەۋ قۇرىلىمدارىنىڭ مىندەتتىك عىلىم - تەحنيكا جەتىستىكتەرىن ءونىمدى كادەگە جاراتۋدى كۇش سالا ىلگەرىلەتىپ، عىلىم - تەحنيكا جەتىستىكتەرىنىڭ تاجىريبەحانادان شىعىپ، كاسىپورىن مەن بازارعا كىرۋىن جەبەدى.
”مەكتەپ عىلىم - تەحنيكا جەتىستىكتەرىن كادەگە جاراتۋدان تۇسكەن تازا كىرىستىڭ %80 ىن عىلمي زەرتتەۋ ۇجىمدارىنا ءبولىپ بەرىپ، ءبىزدىڭ عىلمي زەرتتەۋ قىزمەتىنىڭ ءتۇيىنىن مەملەكەتتىڭ سۇرانىسىنا، بازارداعى اق تاڭداققا جانە كاسىپ سالاسىنداعى تالماۋ تۇيىندەرگە شوعىرلاندىرۋىمىزعا ىشكەرىلەي جەتەكشىلىك ەتىپ، ىنتالاندىردى“ دەدى حىنان ولكەسى حيميالىق ءدارى جاساۋ زەرتتەۋ ورنىنىڭ دوتسەنتى شۇي گۇيچيڭ.
ءبىر رەتكى مەكتەپ پەن كاسىپورىننىڭ اۋىس - كۇيىس قيمىلىندا حىنان جىۋەي بيولوگيا شەكتى سەرىكتەستىگى حىنانعا ءدارى - دارمەك ءوندىرۋ تەحنولوگياسىن زەرتتەۋ - اشۋ قاجەتىن ساپالىلاندىرۋدى العا قويدى. ”مۇنداي ءدارى - دارمەككە سۇرانىس مولشەرى زور، ءوندىرىس تەحنولوگيا بارىسىن ساپالىلاندىرىپ، ناۋقاستاردىڭ اۋىرتپالىعىن جەڭىلدەتۋمەن بىرگە، ەكولوگيالىق ورتانى دا قورعايدى“. شۇي گۇيچيڭ ۇجىم باستاپ ءبىر جىلدان استام ۋاقىت جۇمساپ، تەحنيكالىق قيىن وتكەلدەن ءساتتى ءوتىپ، كاسىپورىنمەن پاتەنت ۇقىعىن وتكەرمەلەۋ توقتامىن جاساستى.
تاياۋ جىلداردان بەرى حىنان ولكەسى ولكەلىك عىلىم اكادەمياسىن، ولكەلىك مەديتسينا عىلىم اكادەمياسىن قايتا قۇرىپ، ولكە دارەجەلى 14 تاجىريبەحانا، ولكە دارەجەلى 36 ارالىق سىناق بازاسى، ولكە دارەجەلى 7 كاسىپ تەحنيكاسىن زەرتتەۋ ورنى سياقتىلاردى قۇرىپ، عىلمي زەرتتەۋ جەتىستىكتەرىن رەال وندىرگىش كۇشكە اينالدىرۋدى ىلگەرىلەتتى.
”ەگەر ءدارى - دارمەك كاسىپورىندارى ارالىق سىناق ءوندىرىس جەلىسىن ءوزى قۇراتىن بولسا، تەك نەگىزگى قۇرىلىس، جابدىق سياقتى جاقتارعا كەمىندە 200 ميلليون يۋان قارجى قوسىپ، ءار جىلى ماتەريال، قورعاۋ سياقتىلارعا دا 100 ميلليون يۋاننان استام قارجى جۇمسايدى. ارالىق سىناق بازاسى تۇعىرىندا ماڭداي الدى تەحنيكالىق ۇجىم، قۇرىلعى جانە ارناۋلى قوسىمشا قاراجات ساياساتى بار، ءبىر نىسانعا ورتا ەسەپپەن 50 - 60 ميلليون يۋان عانا جۇمساپ، كاسىپتىك - تەحنيكالىق قىزمەت وتەۋدەن يگىلىكتەنۋگە بولادى“. جىڭجوۋ چۋاڭتاي بيولوگيالىق تەحنيكا قىزمەت وتەۋ شەكتى سەرىكتەستىگىنىڭ اعا عالىمى چىن گاڭ بىلاي دەدى: چۋاڭتاي بيولوگيالىق سەرىكتەستىگى − حىنان ولكەسىنىڭ ءدارى - دارمەك CXO جۇيەسىندەگى ءبىر تۇلعالانعان ارالىق سىناق بازاسى اينالىم سەرىكتەستىگى، باستىسى، ۆاكسينا، ءىرى مولەكۋلالى ءدارى - دارمەك، ۇساق مولەكۋلالى ءدارى - دارمەك جانە گەندىك ەمدەۋ سياقتى سالالارداعى جاڭا دارىلەردى زەرتتەپ اشۋدى ارالىق سىناق قىزمەت وتەۋىمەن قامدايدى.
ارالىق سىناق بازاسىنا سۇيەنگەن جىڭجوۋ اۆياتسيا پورت رايونى حۇڭيۇن - حۋانيڭ، جىڭجوۋ شىڭسى، تايجي - حۇڭنو سياقتى ءدارى - دارمەك كاسىپورىندارىن ەنگىزىپ، وكپە ارتەرياسىنىڭ جوعارى قىسىمى، گەموفيليا، قانتتى نەسەپ اۋرۋى سياقتى اۋرۋلاردى ەمدەيتىن ءبىر توپ جاڭا ءدارى - دارمەكتى كلينيكالىق زەرتتەۋگە ءوتتى، الداعى 3 - 5 جىلدا ىركەس - تىركەس بازارعا شىعارىلۋىنان ءۇمىت بار.
”ارالىق سىناۋ بازاسىن قۇرۋ عىلىم - تەحنيكا جەتىستىكتەرىن كادەگە جاراتۋدىڭ بوگەتتەرىن اشۋعا ءتيىمدى“. عىلىم – تەحنيكا مەڭگەرمەسىنىڭ باس ينجەنەرى گاۋ تو تانىستىرىپ بىلاي دەدى: 2021 – جىلى 10 - ايدان بەرى بۇكىل ولكە بويىنشا 3 توپتاعى ولكە دارەجەلى سىناق بازالارىنىڭ ماڭدايشالىعى اشىلدى، 2022 – جىلدىڭ سوڭىنا دەيىن 562 نىساندا ارالىق سىناق قىزمەت وتۋى ورىستەتىلدى.
يۇيتۇڭ توبىنىڭ ”ساۋدالىق اۆتوموبيلدى ەلەكترمەن قوزعالتۋ جۇيەسى“ نىسانىندا جوعارى ءونىمدى، جوعارى تىعىزدىقتاعى ەلەكتروموتور جۇيەسى سياقتى 5 ءتۇرلى شەشۋشى تەحنيكالىق قيىن تاقىرىپتان قامال الىنىپ، ەلەكترلى ساۋدالىق اۆتوموبيلدەردى مولىنان جالپىلاستىرۋ پارمەندى قامتاماسىز ەتىلدى؛ حىنان داشۋەسى اۋىر مەتالمەن لاستانعان توپىراقتى نانومەترلىك جوعارى ءونىمدى قالپىنا كەلتىرۋگە قاتىستى تەحنيكالاردى زەرتتەپ اشىپ، 10 مىڭ توننا دارەجەسىندەگى كولەمدى ءوندىرىس تەحنولوگياسىن قالىپتاستىردى... بيىل الدىڭعى جارتى جىلدا حىنان ولكەسىنىڭ تەحنيكالىق توقتامداعى ساۋدا سوماسى سايكەس مەزگىلدەگىدەن % 12.8 ارتتى، مۇنىڭ ىشىندە جوعارى جاڭا تەحنيكا توقتامىنداعى ساۋدا سوماسى % 57.3 بولىپ، سايكەس مەزگىلدەگىدەن % 18.5 ارتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
