جۇڭگونىڭ ۇشاقتارىنا اناعۇرلىم كۇشتى ”جۇڭگو جۇرەگىن“ پايدالانايىق
− باس شۋجي شي جينپيڭنىڭ جۇڭگو اۆياتسيالىق موتور توبى ليميڭ موتور قۇراستىرۋ زاۆودىنىڭ ”لي جىچياڭ بانىندەگى“ جۇمىسشى - قىزمەتكەرلەرگە جازعان جاۋاپ حاتى قالىڭ اۆياتسيا عىلىم - تەحنيكا قىزمەتكەرلەرىن جاڭالىق اشۋعا بەل بايلاۋعا، بيىك شىڭعا باتىلدىقپەن شىعۋعا شابىتتاندىردى
شينحۋا اگەنتتىگىنىڭ ءتىلشىسى
2023.09.04 16:12 كەلۋ قاينارى : حالىق تورابى
”اۆياتسيالىق موتور − مەملەكەتتىڭ ماڭىزدى جابدىعى، مەملەكەتتىڭ عىلىم - تەحنيكالىق ناقتى قۋاتى مەن جاڭالىق اشۋ قابىلەتىنىڭ ماڭىزدى بەينەسى“. 9 - ايدىڭ 1 - كۇنى باس شۋجي شي جينپيڭ جۇڭگو اۆياتسيالىق موتور توبى ليميڭ موتور قۇراستىرۋ زاۆودىنىڭ ”لي جىچياڭ بانىندەگى“ جۇمىسشى - قىزمەتكەرلەرگە جاۋاپ حات جازىپ، ولاردى شىن ىقىلاسپەن شابىتتاندىردى ءارى زور ءۇمىت ارتتى. قالىڭ اۆياتسيا عىلىم - تەحنيكا قىزمەتكەرلەرى مىنالاردى ءبىلدىردى: باس شۋجي شي جينپيڭنىڭ جاۋاپ حاتىنىڭ رۋحىن ۇدەرە العا تارتۋدىڭ كۇش قاينارى ەتىپ، بەلدى بەكەم بايلاپ جاڭالىق اشىپ، باتىلدىقپەن شىڭعا شىعىپ، اۆياتسيالىق موتوردى دەربەس زەرتتەپ جاساۋ اياق الىسىن جەدەلدەتىپ، جۇڭگو ۇشاقتارىنا اناعۇرلىم كۇشتى ”جۇڭگو جۇرەگىنەن“ پايدالانۋعا مۇمكىندىك جاساپ، اۆياتسيادا قۋاتتى ەل قۇرۋعا، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋعا بەلسەندى كۇش قوسامىز.
موتور − ۇشاقتىڭ ”جۇرەگى“، تاياۋ جىلداردان بەرى ەلىمىزدىڭ اۆياتسيالىق موتور زەرتتەۋ - جاساۋ شەبىندەگى قالىڭ كادرلار مەن جۇمىسشى - قىزمەتكەرلەر دەربەس جاڭالىق اشا دامۋدىڭ جاڭا جولىن العاشقى قادامدا تاپتى، كوپشىلىك بۇعان كوپ كۇش سالدى، ”لي جىچياڭ بانى“ سولاردىڭ ۋاكىلدەرىنىڭ ءبىرى.
”لي جىچياڭ بانى“ مەملەكەتتىك ەڭبەك ۇلگىسى، مەملەكەتتىك تەحنيكا شەبەرى لي جىچياڭنىڭ اتىمەن اتالعان، نەگىزىنەن اۆياتسيالىق موتور جانە گاز تۋربيناسىن قۇراستىرۋ قىزمەتىنە جاۋاپتى. 2013 - جىلى 8 - ايدا باس شۋجي شي جينپيڭ شىنياڭ ليميڭ سەرىكتەستىگىنە قىزمەت تەكسەرە بارعاندا، ”لي جىچياڭ بانىنىڭ“ جۇمىسشى - قىزمەتكەرلەرىمەن ىقىلاسپەن اڭگىمەلەسكەن بولاتىن.
9 - ايدىڭ 1 - كۇنى لياۋنيڭنىڭ شىنياڭ قالاسىنا ورنالاسقان جۇڭگو اۆياتسيالىق موتور توبى ليميڭ موتور قۇراستىرۋ زاۆودىنىڭ باس قۇراستىرۋ بولىگىندە ءبىرىنشى شەپتەگى 60 نەشە قىزمەتكەر باس شۋجي شي جينپيڭنىڭ جاۋاپ حاتىن دەن قويا تىڭدادى.
باس شۋجي شي جينپيڭگە حات جازۋدىڭ باستاماشىسى رەتىندە، لي جىچياڭ 10 جىلدىڭ الدىندا باس شۋجي شي جينپيڭنىڭ ”لي جىچياڭ بانىندەگى“ جۇمىسشى - قىزمەتكەرلەرمەن ىقىلاسپەن اڭگىمەلەسكەن كەزدەگى جاعدايدى ەسكە العاندا ءالى دە تەبىرەنىستى كۇيدە بولىپ: ”سول كەزدە باس شۋجيدىڭ ءبىزدى تۇراقتاندىرۋى مەن شابىتتاندىرۋى ءبىزدىڭ جۇرەگىمىزدەن تەرەڭ ورىن الىپ، ءبىزدىڭ قيىندىقتاردان قامال الىپ، ۇدەرە العا تارتۋىمىزدىڭ كۇش قاينارىنا اينالدى“ دەدى.
”10 جىل وتە شىقتى، باس شۋجيگە حات جازۋى جاۋاپكەرلىگىمىز بەن بورىشىمىزدىڭ بار ەكەنىن سەزىندىم، بۇل ءارى باس شۋجيدىڭ ءجىتى قاداعالاپ وتىرعان ىستەرىنە جاۋاپ بەرۋ، ءارى باس شۋجيگە تەحنيكادا جاڭالىق اشۋدى كۇشەيتۋ، اۆياتسيالىق موتور زەرتتەپ جاساۋدى ىلگەرىلەتۋ جاعىندا قول جەتكىزگەن تابىستارىمىزدى مالىمدەۋ، اۆياتسيادا قۇدىرەتتى ەل قۇرۋعا كۇش قوسۋ بەكىمىمىزدى ءبىلدىرۋ ءۇشىن بولىپ تابىلادى“ دەدى لي جىچياڭ.
”لي جىچياڭ بانىنىڭ“ قۇراستىرۋ - جوندەۋ جۇمىسشىسى جاڭ پىڭفەي − باس شۋجي شي جينپيڭگە حات جازعان جۇمىسشى - قىزمەتكەرلەردىڭ 8 ۋاكىلىنىڭ ءبىرى. باس شۋجي شي جينپيڭنىڭ جاۋاپ حاتىن ۇيرەنگەننەن كەيىن ول ارقالاعان جاۋاپكەرلىگىنىڭ اۋىر ەكەنىن تەرەڭ سەزىنىپ بىلاي دەدى: ”مەملەكەت بىزگە مەملەكەتتىڭ ماڭىزدى قارۋىن سومداۋ سىندى اۋىر مىندەتتى جۇكتەدى، ءبىز، ءسوز جوق، بورىشتى، جاۋاپكەرلىكتى ەستە بەرىك ساقتاپ، اناعۇرلىم كۇشتى ’جۇڭگو جۇرەگىن‘ سومداۋدى الاڭسىز تىرشىلىك ەتۋدىڭ نەگىزى ەتىپ، مەملەكەتتىڭ بىزگە تاپسىرعان ىستەرىن باتىلدىقپەن جاقسى ىستەۋىمىز كەرەك“.
تاياۋ جىلداردان بەرى مەملەكەتتىك قورعانىس عىلىم - تەحنيكا ونەركاسىبى مەكەمەسى باس شۋجي شي جينپيڭنىڭ مەملەكەت قورعانىسى عىلىم - تەحنيكا ونەركاسىبى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆياتسيالىق موتور مەن گاز تۋربيناسىن دەربەس جاڭالىق اشا دامىتۋدى ماڭىزدى ورىنعا قويىپ، ەلىمىزدىڭ اۆياتسيالىق موتور جانە گاز تۋربيناسى كاسىبىندە ءبىرقىدىرۋ ماڭىزدى تابىسقا قول جەتكىزىپ، اۆياتسيادا قۇدىرەتتى ەل قۇرۋعا بەرىك نەگىز قالادى.
”ءبىز باس شۋجي شي جينپيڭنىڭ جاۋاپ حاتىنىڭ رۋحىن باتىل دايەكتىلەندىرىپ، تياناقتاندىرىپ، ەلىمىزدىڭ اۆياتسيالىق موتور ونەركاسىپ جۇيەسى مەن ورنالاستىرۋىن ساپالىلاندىرىپ، وزەكتى قابىلەت قۇرىلىسىن كۇشەيتىپ، عىلىم - تەحنيكادا جاڭالىق اشۋ تۇعىرىن كەمەلدەندىرىپ، شەشۋشى، وزەكتى تەحنيكالاردان قامال الىپ، كوشباسى دارىندىلاردى باۋلۋ تەبىنىن ارتتىرىپ، ماتەريال، جۇمساق بولشەك سياقتى ونەركاسىپ نەگىزىن ونان ارى بەكەمدەپ، ەلىمىزدىڭ اۆياتسيالىق موتورىنىڭ ساپالى دامۋىن بار كۇشپەن ىلگەرىلەتەمىز“ دەدى مەملەكەتتىك قورعانىس عىلىم - تەحنيكا ونەركاسىبى مەكەمەسى جۇيە تارماق مەكەمەسىنىڭ باستىعى ۋاڭ ميڭ.
اۆياتسيالىق موتوردىڭ جوعارى دەڭگەيلى ەرەكشە سەنزورعا بولعان قاجەتىن قاناعاتتاندىرۋ ءۇشىن، جۇڭگو ەلەكتر ءبولىمى 49 اۆياتسيا موتورىنىڭ تەمپەراتۋرا سەنزورىنان قامال الۋ توبى تاياۋ جىلداردان بەرى دەربەس جاڭالىق اشۋدا، اقىل - پاراسات توپتاپ قامال الۋدا تاباندى بولىپ، اۆياتسيا موتورىنىڭ شەشۋشى بولشەكتەرىن ەلىمىزدە ءوندىرىپ قامداۋعا كەپىلدىك ەتتى.
”باس شۋجي شي جينپيڭنىڭ شابىتتاندىرۋى − ءبىزدىڭ اسقار شىڭعا ەرلىكپەن شىعۋىمىزدىڭ قوزعاۋشى كۇشى“. ۇجىمنىڭ جاۋاپتىسى ياڭ يۇڭچاۋ بىلاي دەدى: ءبىز شەشۋشى، وزەكتى تەحنيكالاردا دەربەس مەڭگەرۋ قابىلەتىن ۇزدىكسىز كۇشەيتىپ، جوعارى ورنىقتى، جوعارى سەنىمدى، ينتەگرالدانعان، توراپتانعان، زەردەلىلەنگەن سەنزورلار ونىمدەرىن زەرتتەپ - جاساپ، مەملەكەتتىڭ اناعۇرلىم كوپ ماڭىزدى جابدىقتارىن قالىپتاستىرۋعا دەم بەرىپ، ەلىمىزدىڭ اۆياتسيا ىستەرىنىڭ دامۋىنا ۇلەس قوسامىز.
نەگىزدىك عىلمي زەرتتەۋ مەن نازاريالىق زەرتتەۋ − اۆياتسيالىق موتوردى زەرتتەپ جاساۋدىڭ تەتىگى. وقىتۋشىلىقپەن شۇعىلدانعان 20 نەشە جىلدان بەرى نانجيڭ اۆياتسيا - عارىش داشۋەسى ەنەرگيا جانە قوزعاۋشى كۇش شۋەيۋانىنىڭ پروفەسسورى شۇي جيڭلەي مەملەكەت شۇعىل قاجەت ەتىپ وتىرعان اۆياتسيا - عارىش موتورىنىڭ گاز ىعىستىرۋ جۇيەسىن زەرتتەۋگە باستان - اياق ات سالىستى.
”باس شۋجي شي جينپيڭ جاۋاپ حاتىندا ’ءتىپتى دە كوپ شەشۋشى، وزەكتى تەحنيكالاردان قۇلشىنا قامال الۋدى‘ دارىپتەدى، بۇل ءبىزدىڭ اۆياتسيالىق موتور جونىندەگى عىلمي زەرتتەۋدى جانە وقىتۋدى اناعۇرلىم جاقسى ىستەۋىمىزگە ايقىن بەتالىس كورسەتىپ بەردى. ءبىز وسى تاپسىرمانى، تىلەكتى اۆياتسيالىق موتوردى دەربەس زەرتتەپ جاساۋ اياق الىسىن جەدەلدەتۋدىڭ سارقىلماس قوزعاۋشى كۇشىنە اينالدىرىپ، شەشۋشى، وزەكتى تەحنيكالاردا اناعۇرلىم كوپ تابىسقا قول جەتكىزۋگە قۇلشىنىپ، وتباسى، وتان سۇيىسپەنشىلىگىنە يە، ۇلتتىڭ گۇلدەنۋى سىندى ۇلى مىندەت ارقالاي الاتىن اناعۇرلىم كوپ تاڭداۋلى دارىندىلاردى باۋلىپ جەتىلدىرۋىمىز كەرەك“ دەدى شۇي جيڭلەي.
اۆياتسيالىق جاساۋ ماتەريالى كۇردەلى، ۇساق بولشەكتەرى كوپ بولعاندىقتان، تەحنيكالىق قىزمەتكەرلەرگە وتە جوعارى تالاپ قويادى. اۆياتسيا ونەركاسىبى شىنياڭ ۇشاق ونەركاسىبى (توبى) شەكتى سەرىكتەستىگىنىڭ 80 - جىلداردىڭ تۇلەگى سانالاتىن باس تەحنيكالىق مامانى فاڭ ۋىنمو ۇجىم باستاپ ەلىمىزدە وندىرىلگەن ۇشاقتاردىڭ ۇساق بولشەكتەرىن مانەرلەۋ دەڭگەيىن ۇزدىكسىز جوعارىلاتتى.
”باس شۋجي شي جينپيڭنىڭ جاۋاپ حاتى بارشا اۆياتسيا قىزمەتكەرلەرىنە دەگەن شىنايى ءۇمىتىن بەينەلەدى“. فاڭ ۋىنمو بىلاي دەدى: ”جاڭا ساپاردا ءبىز باس شۋجي شي جينپيڭنىڭ ماڭىزدى تاپسىرماسىن باستان - اياق ەستە بەرىك ساقتاپ، ەڭبەك وزاتتارى رۋحىن، شەبەرلەر رۋحىن بارىنشا اسقاقتاتىپ، شەبەرلىك قابىلەتىن قاجىرلىلىقپەن جەتىلدىرىپ، شەبەرلىك ارقىلى مەملەكەتتىڭ ماڭىزدى قارۋىن سومدايمىز“.
(شينحۋا اگەنتتىگى، 9 - ايدىڭ 3 – كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
