وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 11 - قۇرىلتايى جابىلدى
ساي چي قاتىناستى
2023.09.04 16:15 كەلۋ قاينارى : حالىق تورابى
«حالىق گازەتى»، 9 - ايدىڭ 3 – كۇنى، بەيجيڭنەن (ءتىلشى جاڭ شو). وتانعا ورالعان مۇھاجىرلاردىڭ، مۇھاجىرلاردىڭ تۋىس - تۋعاندارىنىڭ مەملەكەتتىك 11 - قۇرىلتايى ءتۇرلى كۇن تارتىپتەرىن تولىق ورىنداپ، 9 - ايدىڭ 3 – كۇنى تۇستەن بۇرىن بەيجيڭدەگى حالىق سارايىندا جابىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى، سونداي - اق ماجىلىسكە قاتىناسۋدان بۇرىن شەتەلدەگى سيلى قوناقتارمەن، شياڭگاڭ، اۋمىن ۋاكىلدەرىمەن جانە جۇڭگو مۇھاجىرلار بىرلەستىگىنىڭ جاڭا، كونە باسشىلىق القاسىنىڭ مۇشەلەرىمەن كەزدەستى.
ءماجىلىس جۇڭگو مۇھاجىرلار بىرلەستىگى 11 - كەزەكتى كوميتەتىنىڭ ءتوراعالىعىنا، ورىنباسار ءتوراعالىعىنا، باس حاتشىلىعىنا، تۇراقتى مۇشەلىگىنە سايلانعانداردىڭ ەسىمدىگىن جاريالادى، جۇڭگو مۇھاجىرلار بىرلەستىگى 10 - كەزەكتى كوميتەتىنىڭ قىزمەت بايانداماسى جونىندەگى قاۋلىنى، «جۇڭحۋا مەملەكەتتىك وتانعا ورالعان مۇھاجىرلار بىرلەستىگىنىڭ ۋستاۆى (وزگەرىس ەنگىزىلگەن نۇسقاسى)» جونىندەگى قاۋلىنى، جۇڭگو مۇھاجىرلار بىرلەستىگى 11 - كەزەكتى كوميتەتىنىڭ اقىلشىسىن، شەتەلدىك مۇشەلەرىن، قۇرمەتتى مۇشەلەرىن ۇسىنىس ەتۋ جونىندەگى قاۋلىنى ماقۇلدادى.
ءماجىلىس ءار دارەجەلى وتانعا ورالعان مۇھاجىرلار بىرلەستىگى ۇيىمدارىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، وتانعا ورالعان قالىڭ مۇھاجىرلاردى، مۇھاجىرلاردىڭ تۋىس - تۋعاندارىن جانە شەتەلدەردەگى مۇھاجىر باۋىرلاستاردى ىنتىماقتاستىرىپ، ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ۇردىسىندە جاڭا، داڭقتى داستاندار جازۋ ءۇشىن قۇلشىنۋعا ۇندەدى!
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لوساڭ جياڭسۇن، مەملەكەتتىك ساياسي كەڭەس ءتوراعاسىنىڭ ورىنباسارى شيان حۇي ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
