گۋاڭدۇڭ ءتۇرلى شارالاردى بەلسەنە قولداندى __
تايفىڭ داۋىلىنا پارمەندى توتەپ بەرىپ، ءوندىرىس، تۇرمىس ءتارتىبىن قالپىنا كەلتىردى
2023.09.04 16:16 كەلۋ قاينارى : حالىق تورابى
«حالىق گازەتى»، 9 - ايدىڭ 3 – كۇنى، گۋاڭجوۋ. 9 - ايدىڭ 2 - كۇنى بيىلعى 9 - ءنومىرلى تايفىڭ داۋىلى ”سۋلا“ ەكى رەت گۋاڭدۇڭعا شىعىپ، تەڭىز جاعالاۋىنداعى كوپتەگەن جەرلەردە نوسەر، سۇراپىل نوسەر جاۋدى. گۋاڭدۇڭ بەلسەندىلىكپەن ءتۇرلى شارا قولدانىپ، قالىڭ كادرلار مەن بۇقارا ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزىپ، ”سۋلانىڭ“ شابۋىلىنا پارمەندى توتەپ بەردى. 6 - ايدىڭ 2 - كۇنى تۇستەن بۇرىننان باستاپ، ”سۋلانىڭ“ كۇشەمەلىلىگىنىڭ بىرتىندەپ السىرەۋىنە ىلەسە، گۋاڭدۇڭنىڭ ءارقايسى ايماق، قالالارى شىعىستان باتىسقا قاراي تەمىر جول، تاس جول، تەڭىز تاسىمالىن باسقارۋ - مەڭگەرۋ شارالارىن ىركەس - تىركەس كۇشىنەن قالدىردى. ءتىلشى تەڭىز جاعالاۋىنداعى جەرلەردى ارالاپ، بۇقارانىڭ ءوندىرىس، تۇرمىس ءتارتىبىنىڭ تارتىپپەن قالپىنا كەلىپ جاتقانىن بايقادى.
9 - ايدىڭ 2 - كۇنى تۇستەن بۇرىن شانۋەي، حۇيجوۋ، شىنجىن، جۋحاي سياقتى قالالاردىڭ ورتالىق قالا رايونىنداعى جول اۆتوموبيلدەرى مەن سىرتقا شىققان قالا تۇرعىندارى كورنەكتى كوبەيدى، ساۋدا سارايى، قوناق ءۇي سياقتىلار دا ىركەس - تىركەس تيجاراتىن قالپىنا كەلتىردى. 9 - ايدىڭ 2 - كۇنى تۇستە شىنجىننىڭ كوشەسىندەگى ءبىر اسحانانىڭ قىزمەتكەرى ەسىك الدىندا الارماندارمەن سالەمدەستى، دۇكەندە الارماندار اسحانادا تاماقتانىپ وتىر، كەيبىر الارماندار بۇيىرتقان تاماقتارىن الىپ كەتىپ جاتىر.
9 - ايدىڭ 2 - كۇنى تۇستەن كەيىن حۇيجوۋ قالاسىنداعى ءبىر قوناقجايدىڭ ۇلكەن زالى ادامعا لىق تولدى، كۇنى بۇرىن وسىندا ورنالاستىرىلعان داياۋان شىعاناعى رايونى اۋتوۋ ءمالىسى دۇڭشىڭ قىستاعىنداعى قىستاق تۇرعىندارى جۇكتەرىن كوتەرىپ ۇيلەرىنە قايتۋعا دايىندالدى. ”بىرنەشە كۇننەن بەرى ۇكىمەت ورنالاستىرىپ، اس - سۋ، جاتىن ورىندى كوتەردى، وتە الاڭسىز بولدىق“ دەدى قىستاق تۇرعىنى شۇي ۋىنديە. ۇعىسۋعا قاراعاندا، گۋاڭدۇڭ بويىنشا 925 مىڭ ادام الدىن الا جوتكەلگەن.
9 - ايدىڭ 2 - كۇنى تۇستەن كەيىن جۋحاي قالاسىنداعى ءارقايسى جۇپ پورتتاردىڭ اۋمىنمەن شەكارالاساتىن وتكەلدەرى ىركەس - تىركەس قالپىنا كەلىپ، جولاۋشىلاردىڭ، جولاۋشىلار كەمەسىنىڭ شاعىن قاۋىرت ورلەۋىن قارسى الدى. مۇنىڭ ىشىندە شياڭگاڭ - جۋحاي - اۋمىن ۇلكەن كوپىرى جۋحاي تاس جول وتكەلى قالپىنا كەلتىرىلىپ، جارتى ساعات ىشىندە شەكارادان كىرىپ - شىققاندار 2 مىڭ ادام – رەتكە جەتتى؛ حىڭچين وتكەلى قالپىنا كەلتىرىلىپ، 90 مينۋتتان كەيىن جولاۋشىلار اعىنى 2 مىڭ 200 ادام - رەتكە جەتتى؛ گۇڭبەي وتكەلى قالپىنا كەلتىرىلىپ، 3 ساعاتتان كەيىن جولاۋشىلار اعىنى 6 مىڭ ادام – رەتتەن استى.
شىنجىن سولتۇستىك ۆوكزالى 9 - ايدىڭ 2 - كۇنى تۇستە قالپىنا كەلگەننەن كەيىنگى تۇڭعىش پويەز −G1008 كەزەكتى پويەز جولعا شىعىپ، كوزدەگەن جەرى ۋحانعا قاراي ءجۇردى. شىنجىن تەمىر جولى گۋاڭجوۋ - شىنجىن - شياڭگاڭ لەنياسى، حاڭجوۋ - شىنجىن لەنياسى، بەيجيڭ - شياڭگاڭ جوعارى قارقىندىق تەمىر جولى، گۋاڭجوۋ - شنجىن - قالا ارالىق پويەزى سياقتىلاردى بىرتىندەپ قالپىنا كەلتىردى، 2 - ايدىڭ 2 - كۇنى جيىنى 169 پويەز قاتىنادى، 9 – ايدىڭ 3 – كۇنى ءارقايسى لەنيا نەگىزىنەن قالپىنا كەلتىرىلدى. شىنجىن اۋەجايىنىڭ قاتىستى جاۋاپتىسى تانىستىرىپ بىلاي دەدى: 9 - ايدىڭ 2 - كۇنى اۋەجاي 200 رەتكە جۋىق كەزەكشى ۇشاق ۇشىردى، 9 - ايدىڭ 3 – كۇنى اۋەجايدىڭ كەزەكشى ۇشاعىنىڭ قاتىناۋى جاپپاي قالپىنا كەلەدى.
”10 كيلوۆولتتىق حۇڭشيڭ جەلىسىندەگى ماي قۇيۋ پۋنكتىنىڭ تارماق جەلىسىنىڭ ەلەكتر جەتكىزۋى ءساتتى بولىپ، 70 تەن استام تۇتىنۋشىنىڭ ەلەكترمەن قامدالۋى تولىق قالپىنا كەلدى“. 9 – ايدىڭ 2 - كۇنى ساعات 14 مولشەرىندە بوران - شاشىنعا قاراماي ءبىر ساعاتتان استام ۋاقىت شايقاس جاساعاننان كەيىن، وڭتۇستىك ەلەكتر تورابى شياڭجوۋ ەلەكترمەن قامداۋ مەكەمەسى نانپيڭ ەلەكترمەن قامداۋ ورنى باستىعىنىڭ ورىنباسارى بو لين تاعى دا اترەت باستاپ كەلەسى بارلاۋ وڭىرىنە باردى. 93 - ايدىڭ 3 - كۇنى ساعات 18 گە دەيىن بۇكىل ولكەدەگى تايفىڭ داۋىلىنىڭ ىقپالىنا ۇشىراعان تۇتىنۋشىلاردىڭ %97 تەن استامىنىڭ ەلەكترمەن قامداۋى قالپىنا كەلتىرىلدى.
”وسى رەتكى تايفىڭ داۋىلىندا كەيبىر اعاشتار قۇلاپ، جارناما تاقتالارى ءبۇلىندى، جاڭا رايوندا اۋىر قاتەر تۋىلمادى“ .شىنجىن قالاسى داپىڭ جاڭا رايونىنىڭ قاتىستى جاۋاپتىسى مىنانى ءبىلدىردى: ءتۇرلى ساقتىق قىزمەتى دەر كەزىندە تولىق جۇرگىزىلگەندىكتەن، ”سۋلا“ اتتى تايفىڭ داۋىلى قاراستى رايونىمىزعا از زيان سالدى. قازىر شىنجىن كاسىپورىندارىنىڭ ءوندىرىس - تيجارات قيمىلى تارتىپپەن قالپىنا كەلۋدە.
(«حالىق گازەتىنىڭ» تىلشىلەرى حۋ جيان، حى لينپيڭ، چىڭ يۋانجوۋ، لۇي شاۋگاڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
