وقۋ - اعارتۋ مينيسترلىگى: ورتا، باستاۋىش مەكتەپ وقۋشىلارىنىڭ ءار كۇنى مەكتەپ ىشىندە ءبىر ساعات، مەكتەپ سىرتىندا ءبىر ساعات دەنە تاربيە قيمىلىنا قاتىناسۋىنا كەپىلدىك ەتۋ كەرەك
2023.09.04 16:21 كەلۋ قاينارى : حالىق تورابى
ءتىلشىنىڭ 9 - ايدىڭ 1 - كۇنى وقۋ - اعارتۋ مينيسترلىگىنەن ۇعىسۋىنشا، وقۋ - اعارتۋ مينيسترلىگىنىڭ كەڭسە مەڭگەرمەسى جۋىردا مەملەكەت بويىنشا كورۋ قۋاتىنىڭ السىرەۋىنەن ساقتانۋ جانە ونى تىزگىندەۋ جونىندەگى 7 - رەتكى ۇگىت - تاربيە ايى قيمىلىن ورىستەتۋ جونىندە ۇقتىرۋ جاريالاپ، 2023 - جىلى 9 - ايدا مەملەكەت بويىنشا كورۋ قۋاتىنىڭ السىرەۋىنەن ساقتانۋ جانە ونى تىزگىندەۋ جونىندەگى 7 - رەتكى ۇگىت - تاربيە قيمىلى ايىن ورىستەتۋدى ماقۇلداعان. ۇقتىرۋدا مىنالار تالاپ ەتىلگەن: جەر - جەردەگى ورتا، باستاۋىش مەكتەپتەر وقۋشىلاردىڭ ءار كۇنى مەكتەپ ىشىندە ءبىر ساعات، مەكتەپ سىرتىندا ءبىر ساعات دەنە تاربيە قيمىلىنا قاتىناسۋىنا كەپىلدىك ەتۋ كەرەك، شارت - جاعدايى بار مەكتەپتەردى مەكتەپ ىشىندە دالادا وتكىزىلەتىن قيمىل ۋاقىتىن 2 ساعاتقا جەتكىزۋگە شابىتتاندىرۋ كەرەك.
ۇقتىرۋعا نەگىزدەلگەندە، ورتا، باستاۋىش مەكتەپتەر ەلەكتروندى بۇيىمداردان پايدالانۋ ارقىلى وقىتۋدا ۋاقىتتى عىلىمي، ۇيلەسىمدى ورنالاستىرۋى، جازباشا تاپسىرمانىڭ جالپى مولشەرىن قاتاڭ تەجەۋى، ورتا، باستاۋىش مەكتەپ وقۋشىلارىنىڭ ءار كۇنى ۇيىقتايتىن ۋاقىتىنا كەپىلدىك ەتىپ، وقۋشىلاردى ساباق ارالىعىندا كلاستان شىعىپ ارەكەتتەنۋگە، الىسقا كوز سالۋعا جەتەلەۋى كەرەك. بالالار باقشالارى بالالاردىڭ ءار كۇنى 2 ساعاتتان استام ۋاقىت دالادا ارەكەتتەنۋىنە كەپىلدىك ەتۋى، جاتاقتى بالالار باقشالارىندا بالالاردىڭ دالادا ارەكەتتەنەتىن ۋاقىتى 3 ساعاتتان كەم بولماۋى كەرەك، مۇندا دەنە تاربيە ارەكەتىنىڭ ۋاقىتى ءبىر ساعاتتان كەم بولماۋى كەرەك.
ۇقتىرۋدا مىنالار تالاپ ەتىلگەن: بالالار باقشالارىن كورۋ قۋاتىنىڭ السىرەۋىنەن ساقتانۋ جانە ونى تىزگىندەۋدەگى ”ءبىرىنشى كەزەڭ“ رەتىندە قاراپ، سابيلەر مەن باستاۋىش مەكتەپتىڭ تومەن جىلدىعىنداعى وقۋشىلاردىڭ اراسىندا كورۋ قۋاتىنىڭ السىرەۋىنىڭ تۋىلۋ مولشەرىن تەجەۋ كەرەك. اتا - انالاردى كورۋ قۋاتىنىڭ السىرەۋىنەن ساقتانۋ جانە ونى تەجەۋ جاعىنداعى جاۋاپكەرشىلىگىن اتقارۋعا، ءوزى ۇلگى كورسەتۋگە، ”ەكرانعا قارايتىن ۋاقىتتى“ بىرگە تەجەپ، دالادا ارەكەتتەنۋدى ارتتىرۋعا، وتباسىندا كوزدى قورعايتىن راي قالىپتاستىرۋعا قۋزاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
