اتا - انالاردىڭ الىستاعىنى كورە الماۋى تۇقىم قۋالاي ما؟ الىستاعىنى كورە الماۋ گرادۋس سانىنىڭ ارتۋىن قالاي باسەڭدەتۋگە بولادى؟ جاۋابى مىناداي
2023.09.04 16:29 كەلۋ قاينارى : حالىق تورابى
ۇعىسۋعا قاراعاندا، قازىر ەلىمىزدە بالالاردىڭ، جاستار مەن ورەندەردىڭ الىستاعىنى كورە الماۋ مولشەرى جالپى تۇلعالىق جاقتان ايتقاندا ەلۋ پايىزدان اسقان، وتە - موتە، باستاۋىش مەكتەپ كەزەڭىندەگى بالالاردىڭ الىستاعىنى كورە الماۋ مولشەرى ءبىرشاما تەز ارتقان. بالالاردىڭ الىستاعىنى كورە الماۋىنان قالاي ساقتانۋعا بولادى؟ شيپاگەردىڭ تانىستىرۋىنشا، بالالاردىڭ ەلەكتروندى بۇيىمداردى ۇيرەنۋدەن باسقا ماقساتتا پايدالانۋىنان ساقتانۋ ءۇشىن، بالالار ينتەرنەت ارقىلى ساباق وقىعاندا ۇيرەنۋ مازمۇنىن ۇلكەن ەكرانعا ءتۇسىرىپ كورسەتۋگە بولادى. ەگەر بالا ۇنەمى كوزىن سىعىرايتىپ جۇرسە، كوزىن ۋقالاسا الىستاعىنى كورە الماۋدىڭ باستاپقى مەزگىلىندەگى بەينەسى بولۋى مۇمكىن، سوندىقتان مۇنداي جاعدايدا كوڭىل ءبولۋ كەرەك. اتا - انالار الىستاعىنى كورە المايتىن بولسا، بۇل جاعداي تۇقىم قۋالاي ما؟ الىستاعىنى كورە الماۋ گرادۋس سانىنىڭ ارتۋىنان قالاي ساقتانۋعا بولادى؟
ءتۇيىندى مازمۇندار:
①بالالاردىڭ ەلەكتروندى بۇيىمداردى ۇيرەنۋدەن باسقا ماقساتتا پايدالانۋىنان بارىنشا ساقتانعان ابزال.
②ەگەر بالا ۇنەمى كوزىن سىعىرايتىپ جۇرسە، كوزىن جىپىلىقتاتسا، مۇنداي جاعدايعا ءمان بەرگەن ءجون.
③الىستاعىنى كورە الماۋ گرادۋسى ادەتتە باستاۋىش مەكتەپ كەزەڭىندە ەڭ تەز ارتادى، ون ءۇش، ون ءتورت جاستان كەيىن ارتۋ قارقىنى باسەڭدەيدى.
④الىستاعىنى كورە الماۋ دارەجەسى وتە جوعارى بولسا، بەلگىلى دەڭگەيدە تۇقىم قۋالاۋ نىسايى بولادى. مۇنداي تۇقىم قۋالاۋ جاعدايى بار وتباسىلار بالا ءۇش جاسقا كەلگەننەن باستاپ كوزىن تەكسەرتۋى، ساۋلە سىندىرعىشتىڭ جەتىلۋ جاعدايى جونىندەگى ارحيۆتى تۇرعىزۋى، مەرزىم سايىن تەكسەرتىپ جاعدايىن ءبىلىپ وتىرۋى، دەر كەزىندە شارا قولدانۋى كەرەك.
⑤ادەتتە ەسەيگەن سوڭ قاراپايىم تيپتەگى الىستاعىنى كورە الماۋ ونان ارى اۋىرلاسپايدى؛ ەگەر اۋرۋ سەبەبىنەن بولعان الىستاعىنى كورە الماۋ جاعدايى تۋىلسا، ەسەيگەن سوڭ دا جالعاستى اۋىرلاسا تۇسەدى.
⑥الىستاعىنى كورە الماۋدى تۇبەگەيلى ەمدەپ جازۋعا كەلمەيدى. الايدا، ارەكەتتى تەجەۋ، ەمدەۋ تاسىلدەرى ارقىلى الىستاعىنى كورە الماۋ گرادۋسىنىڭ ارتۋ قارقىنىن باسەڭدەتۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
