ناۋقاس ادامداردىڭ دەنساۋلىعىن اناعۇرلىم ويداعىداي قورعاۋ ءۇشىن، ەلىمىز سيرەك كەزدەسەتىن اۋرۋلاردىڭ ەكىنشى توپتاعى تىزىمدىگىنە سيرەك كەزدەسەتىن 86 ءتۇرلى اۋرۋدى قوستى
2023.09.22 14:58 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لي حىڭ، تيانشياۋحاڭ 9 - ايدىڭ 20 - كۇنى بەيجيڭنەن حابارلايدى. ءتىلشىنىڭ 9 - ايدىڭ 20 - كۇنى مەملەكەتتىك دەنساۋلىق ساقتاۋ - سالاماتتىق كوميتەتىنەن ۇعىسۋىنشا، «سيرەك كەزدەسەتىن اۋرۋلار تىزىمدىگىن جاساۋ قىزمەتىنىڭ تارتىبىنە» ساي، مەملەكەتتىك دەنساۋلىق ساقتاۋ - سالاماتتىق كوميتەتى قاتارلى 6 تاراۋ «سيرەك كەزدەسەتىن اۋرۋلاردىڭ ەكىنشى توپتاعى تىزىمدىگىن» جاساپ، سيرەك كەزدەسەتىن 86 ءتۇرلى اۋرۋدى تىزىمدىككە ەنگىزدى. قازىر ەلىمىزدە سيرەك كەزدەسەتىن اۋرۋلاردان جيىنى 207 ءتۇرلى اۋرۋ تىزىمدىككە ەنگىزىلگەن.
ءتىلشىنىڭ ۇعىسۋىنشا، «سيرەك كەزدەسەتىن اۋرۋلار تىزىمدىگىنە» ەنگىزىلگەن سيرەك كەزدەسەتىن اۋرۋلار 17 بولىمگە سايادى، مۇندا قان ءبولىمى، تەرى ءبولىمى، جەل - قۇز جانە يممۋنيتەت ءبولىمى، بالالار ءبولىمى، نەرۆ ءبولىمى، ىشكى سەكرەتسيا ءبولىمى قاتارلى بولىمدەر قامتىلعان.
مەملەكەتتىك دەنساۋلىق ساقتاۋ - سالاماتتىق كوميتەتىنىڭ سيرەك كەزدەسەتىن اۋرۋلاردى ەمدەۋ جانە ناۋقاستاردى قامسىزداندىرۋ جاعىنداعى ماماندار كوميتەتىنىڭ مەڭگەرۋشى مۇشەسى، بەيجيڭ شيەحى ەمحاناسىنىڭ باستىعى جاڭ شۋياڭ بىلاي دەدى: «سيرەك كەزدەسەتىن اۋرۋلاردىڭ ەكىنشى توپتاعى تىزىمدىگىنىڭ» ورتاعا قويىلۋى ەلىمىزدىڭ سيرەك كەزدەسەتىن اۋرۋلاردى ەمدەۋ سالاسىن باسقارۋدى كۇشەيتۋ، سيرەك كەزدەسەتىن اۋرۋلاردى ەمدەۋ ورەسىن جوعارىلاتۋ، سيرەك كەزدەسەتىن اۋرۋلارعا شالدىققان ناۋقاستاردىڭ ۇقىق - مۇددەسىن قورعاۋ جاقتارىندا زاڭدىق نەگىزبەن قامدايدى. بولاشاقتا سيرەك كەزدەسەتىن اۋرۋلاردى ەمدەۋ جانە ناۋقاستاردى قامتاماسىزداندىرۋ ىستەرىن ىلگەرىلەتۋدە، سيرەك كەزدەسەتىن اۋرۋلاردى ەمدەۋ قۋاتىن جوعارىلاتۋدا، ءدارى - دارمەكتەردىڭ قولجەتىمدىلىگىن ىلگەرىلەتۋ، ناۋقاستاردى قامتاماسىزداندىرۋ جۇيەسىن كەمەلدەندىرۋ جاقتارىندا ماڭىزدى جەتەكشى ءمان الادى، سيرەك كەزدەسەتىن اۋرۋلارعا شالدىققان اناعۇرلىم كوپ ادامداردىڭ جۇرەگىنە ءۇمىت ۇشقىنىن ۇيالاتادى.
جۇڭگو سيرەك كەزدەسەتىن اۋرۋلاردى ەمدەۋ بىرلەستىگىنىڭ اتقارۋشى القالار باستىعى لي لينكاڭنىڭ تانىستىرۋىنشا، «سيرەك كەزدەسەتىن اۋرۋلاردىڭ ەكىنشى توپتاعى تىزىمدىگىنىڭ» ورتاعا قويىلۋى شيپاگەرلەردىڭ سيرەك كەزدەسەتىن اۋرۋلارعا بولعان تانىمىن اناعۇرلىم كۇشەيتەدى، الدا ەمدەۋ باعدارناماسى، كۋرس ساباعى ارقىلى كلينيكالىق سالاداعى شيپاگەرلەردىڭ سيرەك كەزدەسەتىن اۋرۋلاردى ەمدەۋ قابىلەتىن جوعارىلاتىپ، سيرەك كەزدەسەتىن اۋرۋلار تۋرالى عىلىمي زەرتتەۋ جۇرگىزۋ جانە وسى جاقتاعى دارىندىلاردى تاربيەلەۋ قىزمەتىنە كۇش سالىنىپ، سيرەك كەزدەسەتىن اۋرۋلارعا شالدىققان اناعۇرلىم كوپ ادامداردىڭ اۋرۋىن ەرتە بايقاۋعا، ەرتە دياگنوز قويۋعا، ولاردىڭ دەنساۋلىعىن اناعۇرلىم ويداعىداي قورعاۋعا شارت - جاعداي ازىرلەنەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
