تاعى 14 باقشا كانديداتتىققا تاڭدالدى، ەلىمىز مەملەكەتتىك وسىمدىكتەر باقشاسى جۇيەسىن كەڭەيتەدى
2023.09.22 15:06 كەلۋ قاينارى : حالىق تورابى
مەملەكەتتىك ورمان شارۋاشىلىعى جانە جايىلىم مەكەمەسىنىڭ 9 - ايدىڭ 21 - كۇنى جاريالاعان مالىمەتىنە قاراعاندا، جۋىردا مەملەكەتتىك ورمان شارۋاشىلىعى جانە جايىلىم مەكەمەسى، تۇرعىن ءۇي جانە قالا - اۋىل قۇرىلىسى مينيسترلىگى، مەملەكەتتىك دامۋ - رەفورما كوميتەتى، جاراتىلىستىق بايلىق مينيسترلىگى، جۇڭگو عىلىم اكادەمياسى «مەملەكەتتىك وسىمدىكتەر باقشاسى جۇيەسىن ورنالاستىرۋ جوباسىن» جاريالاپ، مەملەكەتتىك وسىمدىكتەر باقشاسىنان وسىدان بۇرىن قۇرىلعان 2 وسىمدىك باقشاسى نەگىزىندە، وسىمدىكتەر باقشاسىنان تاعى دا 14 باقشانى كانديداتتىققا تاڭداپ، مەملەكەتتىك وسىمدىكتەر باقشاسى جۇيەسىنىڭ قاتارىنا قوسىپ، جۇڭگوشا ەرەكشەلىككە يە، دۇنيە ءجۇزى بويىنشا ماڭداي الدى، بار الەم جاراسىمدىلىق تاپقان مەملەكەتتىك وسىمدىكتەر باقشاسى جۇيەسىن بىرتىندەپ قالىپتاستىرۋدى ءارى مەملەكەتتىك باقشا جۇيەسىن ءبىرتۇتاس سايكەستىرە دامىتۋدى كۇشەيتىپ، ورگانيزمدەردىڭ الۋان تۇرلىلىگىن قورعاۋدىڭ جاڭا اۋقىمىن قالىپتاستىرۋدى تۇراقتاندىرعان.
مەملەكەتتىك وسىمدىكتەر باقشاسى جۇيەسىنىڭ قۇرىلىس نىساناسىنا ساي، 2025 - جىلعا بارعاندا ەلىمىزدە مەملەكەتتىك وسىمدىكتەر باقشاسىنان 5 تەي باقشا قۇرىلىپ بولادى، مەملەكەتتىك ءتۇيىندى قورعالاتىن جابايى وسىمدىكتەردىڭ %70 تەن استامى، باعالى، تۇقىمى قۇرۋعا اينالعان جابايى وسىمدىكتەردىڭ %55 تەن استامى مەكەن جاڭالاپ قورعاۋعا الىنادى، سايكەستىرىلگەن، جوعارى ونىمدىلىككە يە مەملەكەتتىك وسىمدىكتەر باقشاسىن باسقارۋ جۇيەسى العاشقى قادامدا ورناتىلادى؛ 2035 - جىلعا بارعاندا، مەملەكەتتىك وسىمدىكتەر باقشاسىنان 10 داي باقشانى سالىپ بولۋعا، مەملەكەتتىك ءتۇيىندى قورعالاتىن جابايى وسىمدىكتەردىڭ %80 تەن استامىن، باعالى، تۇقىمى قۇرۋعا اينالعان جابايى وسىمدىكتەردىڭ %70 تەن استامىن ءونىمدى تۇردە كوشىرىپ قورعاۋعا الۋعا مۇمكىندىك جاسالىپ، ەلىمىزدەگى وسىمدىكتەردىڭ الۋان تۇرلىلىگى الدىمەن قورعالاتىن وڭىرلەردى نەگىزىنەن قامتىپ، مەملەكەتتىك وسىمدىكتەر باقشاسىنىڭ ءبىرشاما كەمەلدى جۇيەسىن نەگىزىنەن ورناتۋعا كۇش سالىنادى.
ەلىمىز دۇنيە ءجۇزى بويىنشا وسىمدىكتەردىڭ ءتۇرى ەڭ مول ەلدەردىڭ ءبىرى، بىلتىر ەلىمىز بەيجيڭ مەن گۋاڭجوۋدا مەملەكەتتىك وسىمدىكتەر باقشاسىنان 2 باقشاعا ماڭدايشالىق ءىلىپ، ىسكە قوسۋدى ورىنداپ، مەملەكەتتىك وسىمدىكتەر باقشاسى جۇيەسىنىڭ قۇرىلىسىن ىلگەرىلەتۋگە نىق قادام تاستاعان بولاتىن. (باس ستانسيا ءتىلشىسى شى شاۋيۇي فوتوسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
