شي جينپيڭ حاڭجوۋداعى 19 ـ كەزەكتى ازيا سپورت جارىسىنىڭ اشىلۋ سالتىنا قاتىناسادى ءارى جەلىلەس سىرتقى ىستەر قيمىلىن وتكىزەدى
2023.09.22 16:18 كەلۋ قاينارى : حالىق تورابى
شينحۋا اگەنتتىگى، 9 ـ ايدىڭ 21 ـ كۇنى، بەيجيڭ. سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 9 ـ ايدىڭ 21 ـ كۇنى مىنانى جاريالادى: مەملەكەت ءتوراعاسى شي جينپيڭ 9 ـ ايدىڭ 22 ـ كۇنىنەن 23 ـ كۇنىنە دەيىن حاڭجوۋداعى 19 ـ كەزەكتى ازيا سپورت جارىسىنىڭ اشىلۋ سالتىنا قاتىناسادى ءارى جۇڭگوعا كەلىپ اشىلۋ سالتىنا قاتىناساتىن شەتەل باسشىلارىنا قارسى الۋ قوناعاسىن بەرەدى جانە ەكى جاقتى قيمىل وتكىزەدى.
اشىلۋ سالتىنا قاتىناسۋعا كەلەتىن شەتەل باسشىلارىنان كامبودجانىڭ پاتشاسى سيحاموني، سيريانىڭ زۇڭتۇڭى باشار، كۆەيتتىڭ پاتشا مۇراگەرى ميسال، نەپالدىڭ زۇڭليى پراچاندا، شىعىس تيموردىڭ زۇڭليى شانانا، كورەيانىڭ زۇڭليى حان دىجۋ، مالايزيا پارلامەنتى تومەنگى پالاتاسىنىڭ باستىعى زوحاري بار.
بۇدان سىرت، برۋنەي سۇلتانى سۋفري حانزادا، كاتار ءامىرىنىڭ ۋاكىلى جاۋان حانزادا، يوردانيانىڭ حانزاداسى فيسار، تايلاندتىڭ حانىشاسى شيرۋانۋالي، قىرعىزستان زۇڭليىنىڭ ورىنباسارى بايسالوۆ قاتارلىلار دا قاتىستى قيمىلدارعا قاتىناسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved