لي چياڭ بەيجيڭ قالاسىندا ارنايىلانعان، سارالانعان، ەرەكشە، جاڭا كاسىپورىندارعا تەكسەرۋ ـ زەرتتەۋ جۇرگىزگەندە بىلاي دەپ دارىپتەدى
عىلىم ـ تەحنيكادا جاڭالىق اشۋعا كۇش سالىپ، تارماق سالالاردا جۇمىستى تىڭعىلىقتى ىستەپ، عىلىم ـ تەحنيكادا ءوز كۇشىنە سۇيەنىپ ءوزىن الۋەتتەندىرۋدى، كاسىپ تىزبەگىن، قامداۋ تىزبەگىن ورنىقتىرۋدى ىلگەرىلەتۋ ءۇشىن اناعۇرلىم زور رول اتقارۋ كەرەك
2023.09.22 16:20 كەلۋ قاينارى : حالىق تورابى
شينحۋا اگەنتتىگى، 9 ـ ايدىڭ 21 ـ كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 9 ـ ايدىڭ 21 ـ كۇنى بەيجيڭ قالاسىندا ارنايىلانعان، سارالانعان، ەرەكشە، جاڭا كاسىپورىنداردىڭ دامۋ جاعدايىنا تەكسەرۋ ـ زەرتتەۋ جۇرگىزدى. ول بىلاي دەپ دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، سەنىمدى اناعۇرلىم بەكەمدەپ، تۇراقتىلىقتى ساقتاپ، قالىڭ ارنايىلانعان، سارالانعان، ەرەكشە، جاڭا كاسىپورىنداردىڭ عىلىم ـ تەحنيكادا جاڭالىق اشۋعا كۇش سالىپ، تارماق سالالاردا جۇمىستى تىڭعىلىقتى ىستەپ، عىلىم ـ تەحنيكادا ءوز كۇشىنە سۇيەنىپ ءوزىن الۋەتتەندىرۋدى، كاسىپ تىزبەگىن، قامداۋ تىزبەگىن ورنىقتىرۋدى ىلگەرىلەتۋ ءۇشىن اناعۇرلىم زور رول اتقارۋىن قولداۋ كەرەك.
لي چياڭ الدىمەن بەيجيڭ چاڭمۋگۋ ەمدەۋ عىلىم ـ تەحنيكا شەكتى جارنا سەرىكتەستىگىنە كەلىپ، سۇيەك ءبولىمىنىڭ جاساندى زەردە جانە وپەراتسيا قۇلتەمىرىندە جاڭالىق اشۋ ەمدەۋ جابدىقتارى كاسىبىنىڭ دامۋ جاعدايى جونىندەگى تانىستىرۋدى تىڭداپ، ەلىكتەمەلى سيفىرلى وپەراتسيا بولمەسىنە كىرىپ قاتىستى كورىنىستەردى كورىپ، ولاردىڭ قول جەتكىزگەن تەحنيكالىق جاڭالىق اشۋ جەتىستىكتەرىن القادى، ولاردىڭ جاساندى زەردە قوسالقى ەمدەۋ تەحنيكاسىن زەرتتەپ اشۋدى ونان ارى كۇشەيتىپ، اناعۇرلىم كوپ ساپالى ونىمدەر مەن قىزمەت وتەۋدى جارىققا شىعارىپ، عىلىم ـ تەحنيكانىڭ حالىققا اناعۇرلىم زور باقىت جاراتۋىنا مۇمكىندىك جاساۋدى ءۇمىت ەتتى.
بەيجيڭ گوكى - تيانشۇن عىلىم ـ تەحنيكا شەكتى جارنا سەرىكتەستىگىندە لي چياڭ سەرىكتەستىكتىڭ زەرتتەۋ ـ اشۋ جاعدايى جونىندەگى مالىمەتتى تىڭداپ، سەرىكتەستىك ونىمدەرىنىڭ كەلەلى جابدىقتار، جاڭا ەنەرگيالى اۆتوكولىك سياقتى سالالارداعى قولدانىلۋ جاعدايىن ۇعىسىپ، ولاردىڭ كوپ جىلدان بەرى دەربەس زەرتتەۋ ـ اشۋدا تاباندى بولعانىن تولىق تۇراقتاندىرىپ، كاسىپورىندى مەملەكەتتىڭ كەلەلى قاجەتىن ارقاۋ ەتىپ، الدىڭعى لەكتەگى عىلىم ـ تەحنيكادا قامال الۋدا اناعۇرلىم زور تابىستارعا قول جەتكىزۋگە شابىتتاندىردى. لي چياڭ قاتىستى جاقتاردان جاڭا ءونىم، جاڭا تەحنيكانى قولدانۋ، جالپىلاستىرۋ جاعىندا قولداۋ تەبىنىن ارتتىرىپ، قاتىستى كاسىپتەردىڭ دامۋىن اناعۇرلىم ويداعىداي جەبەۋدى تالاپ ەتتى.
بەيجيڭ حۋاجوجيڭ عىلىم ـ تەحنيكا شەكتى جارنا سەرىكتەستىگىندە لي چياڭ شەشۋشى قامال الۋ مەن كاسىپ سالالاندىرۋدىڭ اياق الىسىن ەگجەي ـ تەگجەيلى ۇعىستى ءارى سەحقا كىرىپ، ءونىمنىڭ وزەكتى بولشەكتەرى مەن جابدىقتاردى شوعىرلى رەتتەۋ ـ سىناۋ جاعدايىن ەگجەي ـ تەگجەيلى كوزدەن كەشىرىپ، كاسىپورىن جاۋاپتىسىمەن ينتەگرالدى تىزبەك كاسىبىن جاڭالىق اشا دامىتۋ جونىندە ىشكەرىلەي پىكىر اۋىستىردى. ول مىنانى دارىپتەدى: كەيبىر شەشۋشى تەحنيكالاردى، شەشۋشى بۋىنداردى دەربەس، ءوز - وزىنە قوجا بولۋ نەگىزىندە قۇرۋدان اۋىتقىماي، دامۋدىڭ ىرىقتىلىق ۇقىعىن ءوز قولىمىزدا بەرىك ۇستاۋىمىز كەرەك.
اڭگىمە وتكىزىپ، پىكىر الماستىرعاندا لي چياڭ بىلاي دەپ اتاپ كورسەتتى: ەلىمىز ەكونوميكاسى ساپالى دامۋدىڭ قيىن وتكەلىنەن ءوتۋدىڭ ماڭىزدى ساتىندە تۇر، دامۋ سەنىمىن ونان ارى كۇشەيتىپ، تيبىن وزگەرتىپ، دارەجەسىن جوعارىلاتۋ تاباندىلىعىن ساقتاۋ كەرەك. ماماندانعان، سارالانعان، ەرەكشە، جاڭا كاسىپورىنداردىڭ جەدەل دامۋى ەلىمىز ەكونوميكاسىنىڭ وراسان زور سەرپىمدىلىگى مەن ومىرشەڭدىك كۇشىن تولىق ايگىلەدى. ماماندانعان، سارالانعان، ەرەكشە، جاڭا كاسىپورىندار جونىنەن العاندا، جاڭالىق اشۋ شەشۋشى ءتۇيىن سانالادى. كوپشىلىكتىڭ نازاردى نەگىزگى كاسىپكە شوعىرلاندىرىپ، نەگىزگى كاسىپتى مىقتاپ يگەرىپ، ىشكى ونەرگە قاجىرلىلىقپەن جاتتىعىپ، عىلىم ـ تەحنيكادا جاڭالىق اشۋدى كۇش سالا ىلگەرىلەتىپ، قۇنىتتاپ ىستەۋدەن جازباي، ۇزدىكسىز جوعارى دەڭگەيگە قاراي بۇرىلىس جاساپ، كاسىپ تىزبەگىنىڭ، جاڭالىق اشۋ تىزبەگىنىڭ، قۇن تىزبەگىنىڭ جوعارى دەڭگەيىنە قاراي ءوتۋىن ءۇمىت ەتەمىن. ول بىلاي دەپ دارىپتەدى: جالپى فاكتورلىق بايلىقتى قامتاماسىز ەتۋ جۇيەسىن، تۇتاس پەريود بويىنشا قىزمەت وتەۋدى باسقارۋ جۇيەسىن جانە ساتىلى جەتىلدىرۋ جۇيەسىن ونان ارى كەمەلدەندىرىپ، كاسىپورىنداردىڭ قارجى قۇراۋىن قولداۋ، سالىق تيىمدىلىگى، كىرۋگە رۇقسات ەتۋ شارتى، مال ـ مۇلىك ۇقىعىن قورعاۋ، دارىندىلاردى باۋلۋ سياقتى جاقتارداعى تالاپ ـ تىلەكتەرىنە قاراتا، اناعۇرلىم دالمە ـ ءدال، ءونىمدى ساياسات شىعارىپ، اناعۇرلىم دەر كەزىندە، قولايلى قىزمەت وتەۋ كەرەك. لي چياڭ بەيجيڭ قالاسىنىڭ ماماندانعان، سارالانعان، ەرەكشە، جاڭا كاسىپورىنداردى جەتىلدىرۋ، دامىتۋ شارالارى مەن ناتيجەلەرىن تولىق تۇراقتاندىرىپ، بەيجيڭ قالاسىنىڭ بايلىق قاينارى مول، كاسىپ نەگىزى مىعىم بولۋ سياقتى ابزالدىقتارىن ساۋلەلەندىرىپ، تاماشا جاڭالىق اشۋ ەكولوگياسىن ونان ارى قالىپتاستىرىپ، عىلىم ـ تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتۋگە، ساپالى دامۋدى ىلگەرىلەتۋگە كوبىرەك ۇلەس قوسۋىن ءۇمىت ەتتى.
ۋ جىڭلۇڭ تەكسەرىپ - زەرتتەۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
