جاۋ لىجي شاندۇڭدا جەرگىلىكتى زاڭ شىعارۋ قىزمەتى جونىندەگى مەملەكەتتىك اڭگىمە ماجىلىسىنە قاتىناستى ءارى تەكسەرۋ ـ زەرتتەۋ جۇرگىزگەندە مىنانى دارىپتەدى
ورنىقتىلىق بارىسىندا ىلگەرىلەۋدە تاباندى بولىپ، جەرگىلىكتى زاڭ شىعارۋ قىزمەتىنىڭ ساپالى دامۋىن ىلگەرىلەتۋ كەرەك
2023.09.22 16:23 كەلۋ قاينارى : حالىق تورابى
شينحۋا اگەنتتىگى، 9 ـ ايدىڭ 21 ـ كۇنى، جينان. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي تاياۋدا شاندۇڭدا جەرگىلىكتى زاڭ شىعارۋ قىزمەتى جونىندەگى مەملەكەتتىك اڭگىمە ماجىلىسىنە قاتىناستى ءارى تەكسەرۋ ـ زەرتتەۋ جۇرگىزدى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ زاڭمەن جونگە سالۋ يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 ـ قۇرىلتايىنىڭ رۋحىن جاپپاي دايەكتىلەندىرىپ، جاڭادان وزگەرىس ەنگىزىلگەن زاڭ شىعارۋ زاڭىن مۇقيات اتقارىپ، جەرگىلىكتى زاڭ شىعارۋ قىزمەتىنىڭ جەتىستىكتەرى مەن تاجىريبەلەرىن قورىتىندىلاپ، جاڭا داۋىردەگى جەرگىلىكتى زاڭ شىعارۋ قىزمەتىنىڭ ساپالى دامۋىن ورنىقتىلىق بارىسىندا ىلگەرىلەتۋ كەرەك.
9 – ايدىڭ 19 – كۇنى اشىلعان جەرگىلىكتى زاڭ شىعارۋ قىزمەتى جونىندەگى مەملەكەتتىك اڭگىمە ماجىلىسىندە جاۋ لىجي مىنالاردى اتاپ كورسەتتى: جەرگىلىكتى زاڭ ـ ەرەجەلەر − جۇڭگوشا سوتسياليستىك زاڭ جۇيەسىنىڭ ماڭىزدى قۇرامداس بولىگى، مەملەكەتتى جاپپاي زاڭمەن جونگە سالۋدا ماڭىزدى رول اتقارۋدا. جەرگىلىكتى زاڭ شىعارۋ قىزمەتىنىڭ دۇرىس ساياسي بەتالىسىن ويداعىداي يگەرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جاپپاي باسشىلىعىندا تاباندى بولۋدى جەرگىلىكتى زاڭ شىعارۋ قىزمەتىنىڭ تۇتاس بارىسىندا، ءار جاعىندا دايەكتىلەندىرۋ، تياناقتاندىرۋ كەرەك. جەرگىلىكتى ورىنداردىڭ زاڭ شىعارۋ ساپاسىن جوعارىلاتۋ سىندى تەتىكتى ويداعىداي يگەرىپ، وبيەكتيۆتىك زاڭدىلىققا، زاڭ شىعارۋ زاڭدىلىعىنا بويسۇنىپ، زاڭ شىعارۋ قىزمەتىن قاجەتكە، ۋاقىتقا قاراي ءبىر تۇتاس جوسپارلاپ، تارتىپپەن ورىستەتىپ، پىسىپ-جەتىلگەندەرىنىڭ شەتىنەن شىعارا بەرۋ كەرەك. جەرگىلىكتى زاڭ شىعارۋدا ماسەلەنى باعدار ەتۋدى، امالياتتى باعدار ەتۋدى، نىسانانى باعدار ەتۋدى ويداعىداي يگەرىپ، قايشى كەلمەۋ، ەرەكشەلىككە يە بولۋ، يگەرىلمەلى بولۋ پرينسيبىندە تاباندى بولىپ، ءتۇرلى زاڭ - ەرەجەلەردىڭ ورناۋىنا، اتقارىلۋىنا، شىنايى اتقارىلۋىنا كەپىلدىك ەتۋ كەرەك. جەرگىلىكتى زاڭ شىعارۋدى ويداعىداي يگەرىپ، جالپى بارىستىق حالىق دەموكراتياسىنىڭ تالابىن امالياتتا ايگىلەپ، زاڭ شىعارۋ بارىسىن حالىقتىڭ قاجەتىن قاناعاتتاندىرۋدىڭ، حالىقتىڭ ات سالىسۋىن كەڭەيتۋدىڭ، حالىقتىڭ باقىلاۋىن قابىلداۋدىڭ جاندى دا دەموكراتيالى امالياتىنا اينالدىرۋ كەرەك. حالىق قۇرىلتايىنىڭ جەرگىلىكتى زاڭ شىعارۋ قىزمەتىندەگى جەتەكشىلىك رولىن ويداعىداي يگەرىپ، جوسپارعا الۋ وتكەلىن، جوبا دايىنداۋ وتكەلىن، قاراۋ وتكەلىن ويداعىداي يگەرۋ كەرەك. مەملەكەتتىڭ زاڭمەن جونگە سالۋ بىرلىگىن قورعاۋ نەگىزگى زاڭ پرينسيبىن ويداعىداي يگەرىپ، نەگىزگى زاڭ بويىنشا زاڭ شىعارۋدا، زاڭ بويىنشا زاڭ شىعارۋدا تاباندى بولىپ، زاڭنىڭ اتقارىلۋىن باقىلاۋ، ەستەلىككە الىپ تەكسەرۋ، زاڭ ەرەجەلەردى اداقتاۋ سياقتى قىزمەتتەردى مىندەت جاۋاپكەرلىگى كولەمىندە ويداعىداي ىستەۋ كەرەك. جەرگىلىكتى زاڭ شىعارۋ قابىلەتى قۇرىلىسىنىڭ ماڭىزدى مىندەتىن ويداعىداي يگەرىپ، دارىندىلاردى جەتىلدىرۋدى، اقىل - پاراساتتىق قولداۋدى، تەحنيكالىق قولداۋدى كورنەكتى مىقتى يگەرىپ، جەرگىلىكتى زاڭ شىعارۋ قىزمەت قوسىنى مەن دارىندىلار قوسىنى قۇرىلىسىنىڭ دەڭگەيىن جوعارىلاتۋ كەرەك.
9 – ايدىڭ 18 - كۇنىنەن 21 – كۇنىنە دەيىن جاۋ لىجي ىلگەرىندى - كەيىندى جينان، ۋەيحاي، ۋەيفاڭ قاتارلى جەرلەرگە بارىپ تەكسەرۋ - زەرتتەۋ جۇرگىزدى. ولكەلىك حالىق قۇرىلتايى تۇراقتى كوميتەتىنىڭ ورگانىندا ورگان كادرلارىمەن امانداسىپ، مەجە ەسەپتەگى مەملەكەت مەنشىگىندەگى مال - مۇلىكتى توراپتا باقىلاۋ، ۋاكىلدەر قىزمەتى جاعدايىن ۇعىستى؛ نەگىزگى ساتى حالىق قۇرىلتايى ۋاكىلدەرىنىڭ قىزمەت پۋنكتىنە، بايلانىس جاساۋ پۋنكتىنە بارىپ، قىستاق تۇرعىندارىنىڭ ۇيلەرىنە بارىپ، ۋاكىلدەرمەن جانە بۇقارامەن ىشكەرىلەي پىكىرلەسىپ، كوپشىلىكتىڭ ۇسىنىس - پىكىرىن تىڭدادى. ول بىلاي دەپ دارىپتەدى: حالىق قۇرىلتايى ءتۇزىمى − مەملەكەتتىڭ ءتۇبىرلى ساياسي ءتۇزىمى، حالىق قۇرىلتايى قىزمەتى − پارتيا مەن مەملەكەت قىزمەتىنىڭ ماڭىزدى قۇرامداس بولىگى، ءسوز جوق، ورنىقتىلىق بارىسىندا ىلگەرىلەۋدە سانالىلىقپەن تاباندى بولىپ، ساپالى دامۋدى قۇلشىنا جۇزەگە اسىرۋ كەرەك. جاڭا ءداۋىر، جاڭا جورىقتىڭ وزەكتى مىندەتىن تىعىز ارقاۋ ەتىپ، دۇرىس جولدان جازباي، جاڭالىق اشىپ، شىندىققا جۇگىنىپ، ناقتى ءىس ىستەپ، نەگىزگى زاڭ مەن زاڭدار بەرگەن ءتۇرلى قىزمەت ۇقىقتارىن مۇقيات اتقارىپ، ءاربىر قىزمەتتى تىڭعىلىقتى ويداعىداي ىستەۋ كەرەك. جەرگىلىكتى حالىق قۇرىلتايلارى قىزمەتى پارتيا مەن مەملەكەت ىستەرىنىڭ جالپى جاعدايىنا بويسۇنىپ، قىزمەت وتەپ، ءىس جۇزىندىكپەن ۇشتاستىرىپ، ناقتى ونىمدىلىككە ءمان بەرىپ، ەكونوميكالىق، قوعامدىق دامۋ مەن رەفورمادا قامال الۋ مىندەتىنە اناعۇرلىم ويداعىداي دەم بەرۋ كەرەك. ”ەكى بايلانىستى“ تۇتقا ەتىپ، ۋاكىلدەر قىزمەتىن تەرەڭدەتىپ، كەڭەيتىپ، حالىق قۇرىلتايى ۋاكىلدەرىنىڭ بۇقارامەن اناعۇرلىم جاقسى بايلانىس ورناتۋىنا قولداۋ كورسەتىپ، دانەكەرلىك رولىن جانە كاسىپتىك ەرەكشەلىگىن ويداعىداي ساۋلەلەندىرىپ، ءار دارەجەلى ۋاكىلدەردىڭ سايكەسە بىرلەسىپ ارەكەتتەنۋىن كۇشەيتىپ، بۇقارا كوڭىل ءبولىپ وتىرعان كورنەكتى ماسەلەلەردى شەشۋدى بىرگە ىلگەرىلەتۋ كەرەك. مەملەكەتتىك حالىق قۇرىلتايى مەن جەرگىلىكتى حالىق قۇرىلتايلارى ۇقساس ماسەلەگە بىرگە جاۋاپ قايتارىپ، بىرگە كۇش سالىپ، جاڭا داۋىردەگى حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
