شي جينپيڭ ەركىن ساۋدا سىناق رايونى قۇرىلىسىن ىشكەرىلەي ىلگەرىلەتۋ جونىندە ماڭىزدى نۇسقاۋ بەرىپ مىنانى دارىپتەدى
ءورىس اشا ىلگەرىلەپ، قيىندىقتاردان قامال الىپ، اتويلاپ الدا ءجۇرىپ، اناعۇرلىم جوعارى دەڭگەيدەگى ەركىن ساۋدا سىناق رايونىن قۇرۋعا قۇلشىنۋ كەرەك
2023.09.27 17:11 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 26 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ەركىن ساۋدا سىناق رايونى قۇرىلىسىن ىشكەرىلەي ىلگەرىلەتۋ جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: ەركىن ساۋدا سىناق رايونىن قۇرۋ _ پارتيا ورتالىق كوميتەتىنىڭ جاڭا داۋىردە رەفورما جاساپ، ەسىك اشۋدى ىلگەرىلەتۋدەگى ماڭىزدى ستراتەگيالىق شاراسى. 10 جىلدان بەرى ەركىن ساۋدا سىناق رايوندارى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتى تياناقتاندىرىپ، يدەيانى ازات ەتىپ، دۇرىس جولدان جازباي، جاڭالىق اشىپ، ءبىر توپ نەگىزدىك، باستامالىق رەفورما جاساپ، ەسىك اشۋ شارالارىن العا قويىپ، تۇزىمدە جاڭالىق اشۋدىڭ كوپتەگەن سيمۆولدىق، جەتەكشىلىك جەتىستىكتەرىن قالىپتاستىرىپ، رەفورما جاساپ، ەسىك اشۋدىڭ جالپىلىق سىناق تۇعىرى بولۋ رولىن ءونىمدى ساۋلەلەندىردى.
شي جينپيڭ مىنالاردى دارىپتەدى: جاڭا جورىقتا 10 جىلدىق قۇرىلىس تاجىريبەلەرىن جاپپاي قورىتىندىلاۋ نەگىزىندە، ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، باتىلدىقپەن ءورىس اشا ىلگەرىلەيتىن، قيىندىقتاردان قامال الاتىن اتويشى بولىپ، اناعۇرلىم كەڭ سالادا، اناعۇرلىم تەرەڭ ساتىدا ىزدەنىس جاساپ، اناعۇرلىم جوعارى دەڭگەيدەگى ەركىن ساۋدا سىناق رايونىن قۇرۋعا قۇلشىنۋ كەرەك. پارتيانىڭ جاپپاي باسشىلىعىندا تاباندى بولىپ، جوعارى دەڭگەيدە ەسىك اشۋدى جەتەكشى، تۇزىمدە جاڭالىق اشۋدى وزەك ەتۋدە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، حالىقارالىق ەكونوميكا - ساۋدا ەرەجەلەرىمەن جوعارى ولشەممەن ۇشتاستىرىپ، تۇزىمدىك ەسىك اشۋدى ىشكەرىلەي ىلگەرىلەتىپ، رەفورمانىڭ جالپى تۇلعالىق جوباسى مەن جۇيەلى شوعىرلانۋىن كۇشەيتىپ، تۇتاس كاسىپ تىزبەگىندە جاڭالىق اشا دامۋدى ىلگەرىلەتىپ، ەركىن ساۋدا سىناق رايونىنىڭ ۇلگىلىك رولىن اناعۇرلىم ويداعىداي ساۋلەلەندىرۋ كەرەك.
ەركىن ساۋدا سىناق رايونى قۇرىلىسىنىڭ 10 جىلدىعى جونىندەگى اڭگىمە ءماجىلىسى 9 - ايدىڭ 26 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حى ليفىڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەپ مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، تەرەڭ ءتۇسىنىپ، ەركىن ساۋدا سىناق رايونى قۇرىلىسىنىڭ تاجىريبەلەرىن جاپپاي قورىتىندىلاپ، ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، كوزقاراستا ۇزدىكسىز بۇرىلىس جاساپ، قامتاماسىزداندىرۋ شارالارىن كۇشەيتىپ، دامۋ مەن حاۋىپسىزدىكتى ءبىر تۇتاس جوسپارلاپ، تۇزىمدە جاڭالىق جاراتۋدا تىڭ قامال الۋعا كۇش سالىپ، ەسىك اشۋدى جەبەۋدە تىڭ ءورىس اشۋ، دامۋدى جوسپارلاۋدا تىڭ ءورىس اشۋ، اناعۇرلىم جوعارى دەڭگەيدەگى ەركىن ساۋدا سىناق رايونىن قۇلشىنا قۇرۋ كەرەك.
اڭگىمە ماجىلىسىندە ساۋدا مينيسترلىگىندەگى جاۋاپتى جولداس ەركىن ساۋدا سىناق رايونىنىڭ 10 جىلدىق قۇرىلىس جاعدايىنان مالىمەت بەردى، قازىنا مينيسترلىگىندەگى، جۇڭگو حالىق بانكەسىندەگى، كەدەن باس مەكەمەسىندەگى جانە شاڭحاي، تيانجين، فۋجيان، لياۋنيڭ، سىچۋان، گۋاڭشيدەگى جاۋاپتى جولداستار ءسوز سويلەدى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، 21 ەركىن ساۋدا سىناق رايونى تۇرعان ولكە، اۆتونوميالى رايون، قالالارداعى جاۋاپتى جولداستار قاتارلىلار اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
