الدىڭعى 8 ايدا تەمىر جول تۇراقتى مۇلكىنە 432 ميلليارد يۋان قارجى قوسىلدى (جاڭا ساندى مالىمەت، جاڭا ءتۇيىن)
سايكەس مەزگىلدەگىدەن %7.2 ارتتى
2023.09.27 17:16 كەلۋ قاينارى : حالىق تورابى
«حالىق گازەتى»، 9 - ايدىڭ 26 - كۇنى، بەيجيڭ. ءتىلشىنىڭ تاياۋدا جۇڭگو مەملەكەتتىك تەمىر جول توبى شەكتى سەرىكتەستىگىنەن ۇعىسۋىنا قاراعاندا، بيىل 1 – ايدان 8 – ايعا دەيىن بۇكىل ەل بويىنشا تەمىر جول تۇراقتى مۇلكىنە قوسىلعان قارجى 432 ميلليارد يۋان بولىپ، سايكەس مەزگىلدەگىدەن %7.2 ارتقان. بيىل بۇكىل ەل بويىنشا تەمىر جولداردا مەجەمەن 3 مىڭ كيلومەتردەن استام جاڭا لەنيا ىسكە قوسىلادى، مۇنىڭ ىشىندە جوعارى قارقىندىق تەمىر جول 2 مىڭ 500 كيلومەتر، وسىلايشا وسىزاماندانعان تەمىر جول نەگىزدىك قۇرىلعىلار جۇيەسىن قۇرۋ جەدەلدەتىلۋدە.
ءبىر ءبولىم نىساندار جاپپاي ىسكە قوسىلدى. چيڭحاي - شيزاڭ تەمىر جولىنىڭ شينيڭنەن گولمۋدقا دەيىنگى بولىگىنىڭ ساپاسىن جوعارىلاتۋ ينجەنەرياسى اياقتالىپ، گۇلدەن اتتى پويەز تۇڭعىش رەت قاتىنادى؛ لانجوۋ - شينجياڭ جوعارى قارقىندىق تەمىر جولىنىڭ لانجوۋدان شينيڭگە دەيىنگى بولىگىن جاڭالاۋ ورىندالىپ، ساعاتتىق جىلدامدىعى 250 كيلومەترلىك جوعارى ولشەمگە جەتتى؛ جالپى ۇزىندىعى 482 كيلومەترلىك گۇيياڭ – ناننيڭ جوعارى قارقىندىق تەمىر جولىنىڭ تۇتاس جەلىسى اشىلىپ، ىسكە قوسىلدى، ليبو ۆوكزالىنا كىرىپ – شىعاتىن جولاۋشىلار مولشەر كۇنىنە ەڭ جوعارى بولعاندا 11 مىڭ ادام - رەتكە جەتتى.
كوپتەگەن تەمىر جول نىسانى ىسكە قوسىلۋ الدىندا تۇر. شاڭحاي - نانجيڭ جوعارى قارقىندىق تەمىر جولى، فۋجوۋ - شيامىن جوعارى قارقىندىق تەمىر جولى، سىچۋان - چيڭحاي تەمىر جولىنىڭ چيڭبايجياڭنان جىنجياڭعا دەيىنگى بولىگى ارت - ارتىنان سىناق رەتىندە قاتىناۋ كەزەڭىنە ءوتتى، جاقىن ارادا ىسكە قوسىلماقشى؛ جينان - جىڭجوۋ جوعارى قارقىندىق تەمىر جولىنىڭ شاندۇڭ بولەگى، نانچاڭ – جيڭدىجىن – حۋاڭشان جوعارى قارقىندىق تەمىر جولى، تيانجين - داشيڭ قالا ارالىق تەمىر جولى ساياقتى نىساندار ۇلاسپالى رەتتەلىپ، ۇلاسپالى سىناق جۇرگىزىلە باستادى؛ يۇننان - شيزاڭ تەمىر جولىنىڭ ليجياڭنان شانگريلاعا دەيىنگى بولەگى، شۇييۇڭ - بيجيە تەمىر جولى، لۇڭيان - لۇڭچۋان تەمىر جولىنىڭ لۇڭياننان ۋپيڭگە دەيىنگى بولەگى سياقتى سالىنىپ جاتقان نىساندار دا بىتەيىن دەپ قالدى.
سالىنىپ جاتقان قىرۋار نىسان تىڭعىلىقتى، ءونىمدى ىلگەرىلەتىلۋدە. دالي پويەز بەكەتىنىڭ بەكەت ۇيلەرىن بۇرىنعى ورنىندا قايتا سالۋ جۇمىسى جاپپاي باستالدى، شىنياڭ - چاڭبايشان جوعارى قارقىندىق تەمىر جولىنىڭ تۇڭعىش 10 مىڭ مەتردەن استام تۋنەلى ءساتتى تۇتاستىرىلدى، باۋتوۋ – يىنچۋدان جوعارى قارقىندىق تەمىر جولىنىڭ نيڭشيا بولەگى رەسمي رەليس جاتقىزۋ كەزەڭىنە ءوتتى، حاربين - يچۇن جوعارى قارقىندىق تەمىر جولىنىڭ تيەلي - يچۇن بولىگىندەگى الدىمەن اتقارىلاتىن ينجەنەريانىڭ ارقالىعى سالىنىپ بولدى.
1 – ايدان 8 - ايعا دەيىن مەملەكەت تەمىر جولى ارقىلى جونەلتىلگەن زات 2 ميلليارد 575 ميلليون تونناعا جەتتى، مۇنىڭ ىشىندە جۇك قورابى 468 ميلليون توننا بولىپ، سايكەس مەزگىلدەگىدەن %7.4 ارتتى، كوپ فورمالى ۇلاسپالى تاسىمال زور كۇشپەن دامىپ، تاسىمال قۇرىلىمىنىڭ ۇزدىكسىز ساپالىلانۋىن، رەتتەلۋىن ىلگەرىلەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
