حاڭجوۋ ازيا مۇگەدەكتەر سپورت جارىسىنا قاتىناساتىن جۇڭگو سپورتشىلار ۋاكىلدەر ۇيىرمەسى قۇرىلدى
2023.10.12 16:18 كەلۋ قاينارى : حالىق تورابى
«حالىق گازەتى»، 10 - ايدىڭ 11 - كۇنى، بەيجيڭ. حاڭجوۋ 4 - كەزەكتى ازيا مۇگەدەكتەر سپورت جارىسىنا قاتىناساتىن جۇڭگو سپورتشىلار ۋاكىلدەر ۇيىرمەسى 10 - ايدىڭ 11 - كۇنى بەيجيڭدە قۇرىلدى، ۋاكىلدەر ۇيىرمەسى 22 ۇلكەن ءتۇر بويىنشا بارلىق جارىس تۇرىنە قاتىناسادى.
جۇڭگو ۋاكىلدەر ۇيىرمەسى جالپى 723 ادامنان قۇرالدى، مۇنىڭ ىشىندە 439 سپورتشى بار، ولار 221 ەر سپورتشىنى، 218 ايەل سپورتشىنى قامتيدى، 31 ولكە، اۆتونوميالى رايون، توتە قاراستى قالادان كەلگەن، جۇڭگو ۋاكىلدەر ۇيىرمەسى ازيا مۇگەدەكتەر سپورت جارىسىنا قاتىناسقاننان بەرى ولكەلەر (اۆتونوميالى رايون، توتە قاراستى قالا) ەڭ كوپ قامتىلعان ءبىر رەتكى جارىس بولدى. سپورتشىلاردىڭ ورتاشا جاسى 26.5 جاستا، جاسى ەڭ ۇلكەنى 58 جاستاعى تاق - تۇق دوپ سپورتشىسى گاۋ يانميڭ، جاسى ەڭ كىشىسى 13 جاستاعى حالىقارالىق شاحماتشى ياڭ ي - شياۋ. سپورتشىلاردىڭ ىشىندە جوعارى تەحنيكۋمنان جوعارى ماعلۇماتتاعىلار 247 ادام بولىپ، سپورتشىلار جالپى سانىنىڭ %56 ىن ۇستادى. ۋاكىلدەر ۇيىرمەسى 22 ۇلكەن، 397 كىشى ءتۇر بويىنشا جارىسقا قاتىناسىپ، سپورت ناتيجەسى مەن رۋحاني وركەنيەتتىڭ ەكەۋىنەن دە مول تابىسقا قول جەتكىزۋگە قۇلشىنادى.
حاڭجوۋ مۇگەدەكتەر سپورت جارىسى مەن پاريج مۇگەدەكتەر وليمپياداسىنىڭ ارالىعى ءبىر جىلعا جەتپەيدى، جۇڭگو ۋاكىلدەر ۇيىرمەسىنىڭ دايىندىعى مەن جارىسقا قاتىناسۋى دا پاريج مۇگەدەكتەر وليمپياداسىمەن تىعىز قاتىستى، جارىسقا قاتىناساتىن 22 ۇلكەن ءتۇردىڭ ىشىندە 12 ۇلكەن ءتۇر پاريج مۇگەدەكتەر وليمپياداسىنىڭ تولىمدىلىق جارىسى نەمەسە ءنومىر جيناۋ جارىسى، مۇنىڭ ىشىندە جەڭىل اتلەتيكا، مالتاۋ، ۆەلوسيپەد، نىسانا اتۋ − پاريج مۇگەدەكتەر وليمپياداسىنىڭ تولىمدىلىق جارىسى، اۋىرلىق كوتەرۋ جارىسى دۇنيە جۇزىلىك رەتكە تۇرعىزۋ جارىسى، قاتتى جەردە دوپ دومالاتۋ، سوقىرلار سايىسكەرلىگى، تاق - تۇق دوپ، دوڭگەلەكتى ورىندىق تور دوبى، قاۋىرسىن دوپ، تايكۋانداۋ، دوڭگەلەكتى ورىندىق سەمسەرى پاريج مۇگەدەكتەر وليمپياداسىنىڭ ءنومىر جيناقتاۋ جارىسى ەسەپتەلەدى. جۇڭگو ۋاكىلدەر ۇيىرمەسى جەڭىل اتلەتيكا، مالتاۋ، نىسانا اتۋ، ساداق اتۋ، بايداركا، جارىس قايىعى، سوقىرلار فۋتبولى، سوقىرلار قاقپا دوپ ە ر - ايە ل كومانداسى، وتىرىپ ۆاليبول ويناۋ ايەلدەر كومانداسى سياقتى 9 تۇردە ن 10 تارماق كوماندا بولىپ پاريج مۇگەدەكتەر وليمپياسىنا قاتىناسۋ تولىمدىلىعىنا يە بولدى.
ۋاكىلدەر ۇيىرمەسىنىڭ باستىعى، جۇڭگو مۇگەدەكتەر بىرلەستىگىنىڭ ءتوراعاسى چىڭ كاي مىنانى ءبىلدىردى: جۇڭگو مۇگەدەك سپورتشىلارى قايسارلىقپەن سايىسىپ، ىرگەدە وتەتىن جارىستا جاقسى ناتيجەگە قول جەتكىزۋگە قۇلشىنۋى كەرەك. كۇشتى باسەكەلەس الدىندا كىشپەيىلدىكپەن ۇيرەنىپ، ارتىقشىلىعىن قابىلداپ، ءوز ولقىلىعىن تولىقتاپ، وزىنەن اسىپ ءتۇسىپ، بىرگە العا باسۋ؛ كوڭىل قويا ۇيىمداستىرىپ، كۇش ۇستىنە كۇش قوسىپ، تاعى دا تاماشا ناتيجە جاراتىپ، پاريج مۇگەدەكتەر وليمپيادا جارىسىنا دايىندالۋعا بەرىك نەگىز قالاۋ؛ كەلبەتىن ايگىلەپ، اۋىس – كۇيىستى كەڭەيتىپ جانە دوستىقتى كۇشەيتىپ، ازيانىڭ ىنتىماعى مەن سەلبەستىگىنە ۇلەس قوسۋ؛ تىعىز ورنالاستىرۋ جاساپ، جاتتىعۋ حاۋىپسىزدىگى، جارىسقا قاتىناسۋ حاۋىپسىزدىگى قىزمەتىن جاقسى ىستەۋ؛ ءمورالدىڭ التىن مەدال، ستيلدىڭ التىن مەدال، كىرشىكسىزدىكتىڭ التىن مەدالىن الىپ، ”نولدىك توزىمدىلىك“ پوزيتسياسىمەن قوزدىرعىش دارىلەردى باتىل تيىپ، جارىسقا كىرشىكسىز قاتىناسۋعا شىنايى كەپىلدىك ەتۋ كەرەك.
حاڭجوۋ 4 - كەزەكتى ازيا مۇگەدەكتەر سپورت جارىسى 10 - ايدىڭ 22 - كۇنىنەن 28 - كۇنىنە دەيىن وتكىزىلەدى، ساداق اتۋ، جەڭىل اتلەتيكا سياقتى 22 ۇلكەن ءتۇر، 564 كىشى ءتۇر ورنالاستىرىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
