«شي جينپيڭنىڭ نەگىزگى ساتىنى جونگە سالۋ جونىندەگى پايىمداۋلارىنان ۇزىندىلەر» باسپادان شىعىپ تاراتىلدى
2023.10.23 16:14 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 22 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ نەگىزگى ساتىنى جونگە سالۋ جونىندەگى پايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.
نەگىزگى ساتى قۇدىرەتتەنسە، مەملەكەت قۇدىرەتتەنەدى، نەگىزگى ساتى تىنىش بولسا، كۇللى ەل تىنىش بولادى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانىڭ بيلىك جۇرگىزۋ نەگىزىن بەكەمدەۋ جانە مەملەكەت بيلىگىنىڭ حاۋىپسىزدىگىن قورعاۋ تۇرعىسىنان، پارتيانىڭ نەگىزگى ساتىنى جونگە سالۋعا باسشىلىق ەتۋىندە تاباندى بولىپ جانە ونى كۇشەيتىپ، بۇقاراعا قىزمەت وتەۋدى، بۇقارانى باقىتقا كەنەلتۋدى شىعار ءتۇيىن جانە تياناق ەتىپ، جۇيەلى جونگە سالۋدا، زاڭ بويىنشا جونگە سالۋدا، جان - جاقتى جونگە سالۋدا، تۋ باستان جونگە سالۋدا تاباندى بولىپ، نەگىزگى ساتى بيلىگىن جونگە سالۋ قابىلەتى قۇرىلىسىن كۇشەيتىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قالا، اۋىل نەگىزگى ساتىلارىن جونگە سالۋ جاعدايىن قالىپتاستىرىپ، نەگىزگى ساتىنىڭ ومىرشەڭدىك كۇشىن تاسقىنداتىپ، الەۋمەتتىك اۋماقتىڭ قابىلەتىن جوعارىلاتىپ، بۇقارا الاڭسىز تىرشىلىك ەتەتىن، قوعام تىنىش، ءتارتىپتى بولاتىن تاماشا جاعداي قالىپتاستىردى. شي جينپيڭ جولداستىڭ نەگىزگى ساتىنى جونگە سالۋدى ارقاۋ ەتە وتىرىپ جاريالاعان ءبىرقىدىرۋ ماڭىزدى پايىمداۋلارىنىڭ ماقساتى اسقاق، مازمۇنى باي، يدەياسى تەرەڭ، پارتيا ۇيىمى باسشىلىعىنداعى ءوزىن - ءوزى باسقارۋ، زاڭمەن جونگە سالۋ، مورالمەن جونگە سالۋ ءوزارا ۇشتاسقان قالا، اۋىل نەگىزگى ساتىلارىن جونگە سالۋ جۇيەسىن ۇزدىكسىز اقاۋسىزداندىرىپ، نەگىزگى ساتىلاردى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جۇزەگە اسىرىپ، بارلىق ادام جاۋاپكەرلىك ارقالايتىن، بارلىق ادام جاۋاپكەرلىگىن وتەيتىن، بارلىق ادام يگىلىكتەنەتىن قوعامدىق جونگە سالۋ ورتاق تۇلعاسىن قۇرىپ شىعۋدا توتەنشە ماڭىزدى مانگە يە.
«پايىمداۋلاردان ۇزىندىلەر» 7 ارناۋلى تاقىرىپقا بولىنگەن، جالپى 216 پايىمداۋ بار، بۇلار شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2023 - جىلى 9 - ايدىڭ 21 - كۇنىنە دەيىنگى مەزگىلدەگى بايانداماسى، ءسوزى، تۇسىندىرمەسى، قۇتتىقتاۋ حاتى، جاۋاپ حاتى، نۇسقاۋى سياقتى 130 ماڭىزدى قۇجاتتان الىنعان. مۇنىڭ ىشىندە ءبىر ءبولىم پايىمداۋلار تۇڭعىش رەت اشىق جاريالانىپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
