حاڭجوۋ 4 - كەزەكتى ازيا مۇگەدەكتەر سپورت جارىسى سالتاناتپەن باستالدى
ديڭ شۋەشياڭ قاتىناستى ءارى باستالعانىن جاريالادى
2023.10.23 16:18 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 22 - كۇنى، حاڭجوۋ (تىلشىلەر چي جۇڭشي، شيا لياڭ). چيانتاڭ وزەنى بويىنا جينالىپ، ارمانعا تالپىنۋدىڭ داستانىن جازادى. حاڭجوۋ 4 - كەزەكتى ازيا مۇگەدەكتەر سپورت جارىسى 10 - ايدىڭ 22 – كۇنى كەشتە حاڭجوۋدا سالتاناتپەن اشىلدى. مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ اشىلۋ سالتىنا قاتىناستى ءارى وسى كەزەكتى ازيا مۇگەدەكتەر سپورت جارىسىنىڭ باستالعانىن جاريالادى.
حاڭجوۋ وليمپيادا دەنە تاربيە ورتالىعىنىڭ دەنە تاربيە الاڭىندا شىراقتار سامالاداي جارقىراپ، كوزدىڭ جاۋىن الىپ، بەينە ءبىر شوق شامگۇلگە ۇقسادى. ناق مايدانداعى 40 مىڭنان استام كورەرمەن شاتتىققا شومىپ، وسى ەستەن كەتپەس ساتكە كۋا بولدى.
”شۇعىلالى، جاراسىمدى بولۋ، ءوزىن الۋەتتەندىرۋ، تەڭ يگىلىكتەنۋ“ سىندى جارىس وتكىزۋ ۇستانىمىن امالياتتا ايگىلەگەن وسى كەزەكتى ازيا مۇگەدەكتەر سپورت جارىسى جۇڭگونىڭ بەيجيڭ قىسقى مۇگەدەكتەر وليمپياداسىنان كەيىن وتكىزگەن تاعى ءبىر رەتكى حالىقارالىق مۇگەدەكتەر دەنە تاربيە سالتاناتى، سونداي - اق ”ەكى ازيا سپورت جارىسى دا تاماشا بولۋ“ رۋحى بويىنشا وتكىزىلگەن ازيا دەنە تاربيە سالتاناتى.
ساعات 19 دان 30 مينۋت وتكەندە، ويناقى مۋزىكا ءۇنى ىشىندە ديڭ شۋەشياڭ ازيا مۇگەدەكتەر وليمپيادا كوميتەتىنىڭ ءتوراعاسى ماجيد راشيدپەن، حالىقارالىق مۇگەدەكتەر وليمپيادا كوميتەتىنىڭ ءتوراعاسى پاسەنسپەن بىرگە ءتوراعالار مىنبەسىنە كەلىپ، كورەرمەندەرگە قول بۇلعاپ قۇرمەت ءبىلدىردى.
ەستۋ قۋاتتارىندا كەمىستىك بار، تىڭداتقىش تاققان ەكى بالا ساۋ دەنەلى بالامەن بىرگە تەرەڭ سۇيىسپەنشىلىكپەن «مەنىڭ وتانىم» اتتى ءاندى شىرقاپ جاتقان ساتتە ەستۋ قۋاتتارىندا كەمىستىك بار نەشە ونداعان بالا مەملەكەت تۋىن قورعاپ الاڭعا كىرىپ، مەملەكەت تۋى قۇرمەت قاراۋىلى مۇشەلەرىنىڭ قولىنا دۇرىستاپ جەتكىزدى. اسقاق مەملەكەت ءانى اۋەنىنە ىلەسە، بۇكىل زالداعىلار ورىندارىنان تۇردى، الاڭداعى يشارات ءتىلى مۇعالىمى مۇگەدەك ارتيستەردى ەرتىپ تەرەڭ سۇيىسپەنشىلىكپەن يشارات تىلىندە كوپشىلىكپەن بىرگە مەملەكەت ءانىن شىرقادى. بەس جۇلدىزدى قىزىل تۋ باياۋ كوتەرىلىپ، جەلبىرەپ تۇردى.
باستالۋ سالتىنداعى «حاڭجوۋ قالاسىنا ماحاببات» اتتى قىسقا فيلم بۇكىل الاڭنىڭ نازارىن اۋداردى. حاڭجوۋ ازيا مۇگەدەكتەر سپورت جارىسى اتىنان بۇكىل ازياعا تاعى دا شىنايى ۇسىنىس بەردى. ارتىنان ادەبيەت - كوركەمونەر ويىنى «تىلەك تىلەۋ» باستالدى. كورۋ كەدەرگىسى بار ءبىر قىز بالا تىنىش مايداندا تۇرىپ، جىم - جىرت ءتۇن كورىنىسىندە بالالىق ۇنىمەن ءدارشىن گۇلى اشىلعان كەزدە سيلى قوناقتاردى قارسى الۋ شاتتىعىن بايانداي باستادى. توراپ ەكرانىندا حاڭجوۋدىڭ بوگەنايلىق كورىنىسى جارىققا شىعىپ، 22 توپتاعى التىن گۇلى شوعىرى ۇزدىكسىز وزگەرىپ، كەڭىستىكتە وراسان زور ”التىن گۇلى ءتاجىسىن“ قالىپتاستىردى. قۇرال - سايمان اۆتوموبيل تەكشەسى الاڭدى ءبىر اينالىپ بولعاننان كەيىن، الاڭنىڭ ورتاسىندا ىقشامدالىپ قاتارعا تۇردى، ءدارشىن گۇلدى قىز قولىنا ءدارشىن گۇلى ساقيناسىن الىپ، سپورتشىلاردىڭ الاڭعا كىرۋىن قارسى الۋعا دايىندالدى.
ساعات 19 دان 45 مينۋت وتكەندە ويناقى مۋزىكا «ءبىزدىڭ ازيا» مۋزىكاسىمەن سپورتشىلاردىڭ الاڭعا كىرۋ سالتى باستالدى. وسى كەزەكتى حاڭجوۋ ازيا مۇگەدەكتەر سپورت جارىسىنا 44 مەملەكەتتەن (رايوننان) كەلگەن ۋاكىلدەر ۇيىرمەسى، 3 مىڭ 100 دەن استام مۇگەدەك سپورتشى قاتىناستى. الداعى 6 كۇندە ولار 22 ۇلكەن ءتۇر، 564 شاعىن ءتۇر جارىسىنا قاتىناسادى.
داياشى ەل جۇڭگو دەنە تاربيە ۋاكىلدەر ۇيىرمەسى ەڭ سوڭىندا الاڭعا كىردى، بۇكىل الاڭدا شاپالاق ءۇنى تولاستامادى. جۇڭگو ۋاكىلدەر ۇيىرمەسى جيىنى 723 ادام، مۇنىڭ ىشىندە جارىسقا قاتىناسقان سپورتشى 439 ادام، ولار 22 ۇلكەن ءتۇر بويىنشا جارىسقا قاتىناسادى.
حاڭجوۋ 4 - كەزەكتى ازيا مۇگەدەكتەر سپورت جارىسىن ۇيىمداستىرۋ كوميسسياسىنىڭ ءتوراعاسى، جىجياڭ ولكەسىنىڭ باستىعى ۋاڭ حاۋ، حاڭجوۋ 4 - كەزەكتى ازيا مۇگەدەكتەر سپورت جارىسىن ۇيىمداستىرۋ كوميسسياسىنىڭ ءتوراعاسى، جۇڭگو مۇگەدەكتەر بىرلەستىگىنىڭ ءتوراعاسى چىڭ كاي، ازيا مۇگەدەكتەر وليمپيادا كوميتەتىنىڭ ءتوراعاسى ماجيد راشيد ىلگەرىندى - كەيىندى ءسوز سويلەدى.
ساعات 20 دان 55 مينۋت وتكەندە، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ حاڭجوۋ 4 - كەزەكتى ازيا مۇگەدەكتەر سپورت جارىسىنىڭ باستالعانىن جاريالادى. ”سيفىرلى ساليۋت“ قۇلپىرا اشىلىپ، بۇكىل زالدان دۋ قول شاپالاق ءۇنى كوتەرىلدى.
«ەرلىكپەن العا باسايىق» اتتى ادەبيەت - كوركەمونەر باعدارلاماسى ”التىن تاسپەن ءمور ويۋدىڭ“ كوركەمدەنۋ بەينەسى ارقىلى مۇگەدەك سپورتشىلاردىڭ ”ادالدىقتى ارداقتاپ، التىن تاستى اشۋ“ سىندى كۇرەسكەرلىك رۋحىن ءتۇسىندىردى. قىسقا فيلمدە التىن تاس ءمور ويۋ ءتاسىلى مەن ناق مايدانداعى مۇگەدەكتەر سپورتشىلارىنىڭ ”پىشاق ءدۇزى جاۋىنگەرلەرىنىڭ“ قول - اياق ارەكەتى ءوزارا ۇشتاستىرىلىپ ويىن قويىلدى. ساۋ - سالامات بيشىلەر مەن دوڭگەلەكتى ورىندىق بيشىلەرى بىرگە بيگە باستى. ەكراننىڭ ماڭايىندا 22 اقىل پاراسات تاڭباسى قاس تاسى پايدا بولدى، تاس ويما ساپاسى حاڭجوۋدىڭ 4 - كەزەكتى ازيا مۇگەدەكتەر سپورت جارىسىنىڭ سپورت بەلگىسى رەتى بويىنشا جارىققا شىقتى. ەرەكشە ءونىمدى ۆيرتۋالدى تەحنيكادان پايدالانىپ، ءبىر ءتۇپ ”التىن ءدارشىن اعاشى“ قاسقايىپ تۇر، بۇل مۇگەدەك سپورتشىلاردىڭ وزىنەن اسىپ تۇسەتىن، قايسارلىقپەن جەتىلەتىن كۇشىنىڭ سيمۆولى ەدى.
جۇڭگو مۇگەدەكتەر وليمپياداسىنىڭ 8 اعا جۇلدەگەرى ازيا مۇگەدەكتەر وليمپيادا كوميتەتىنىڭ تۋىن ۇستاپ الاڭعا كىردى. ازيا مۇگەدەكتەر وليمپيادا كوميتەتىنىڭ ءان اۋەنى ىشىندە، ازيا مۇگەدەكتەر وليمپيادا كوميتەتىنىڭ تۋى باياۋ كوتەرىلىپ، بەس جۇلدىزدى نارت قىزىل تۋمەن بىرگە جينالىس الاڭىنىڭ اسپانىندا جەلبىرەپ تۇردى.
جۇڭگو سپورتشىلارى يۇي چينچۋان، جياڭ يۇييان، جۇڭگو تورەشىلەرى چىن ران، شيا شين جارىسقا قاتىناسقان سپورتشىلار، تورەشىلەر اتىنان سەرت بەردى.
اسەرلى سەزىمگە تولى بارابان ءۇنى ىشىندە «ارمان جولىن نۇرلاندىرۋ» اتتى ادەبيەت - كوركەمونەر كونسەرتى كورەرمەندەردىڭ الدىندا قويىلدى. قولىنا ءدارشىن گۇلى ساقيناسىن ۇستاعان 100 ارتيست قايراتتان ايعاي سالدى، مىنبەدەگى ”سان مىڭداعان وتباسىلاردىڭ“ ەسىك - تەرەزەلەرى جارقىراپ تۇر. شاتتىق داۋىسى ءسال تىنىستاپ، ەستۋ قۋاتى كەدەرگىگە ۇشىراعان بالالاردان قۇرالعان بالالار حور ۇيىرمەسى جاعىمدى ۇنمەن ءان شىرقادى. ءان اۋەنىندە مۇگەدەك بيشىلەر مەن ساۋ – سالامات بيشىلەر ىشتەي قول ۇستاسىپ، تارتىمدى بيگە باستى.
ساعات 21 دەن 14 مينۋت وتكەندە، نەگىزگى الاۋدى تۇتاندىرۋ سالتى باستالدى. گۋاڭجوۋ ازيا سپورت جارىسىنىڭ ازيا مۇگەدەكتەر سپورت جارىسى مۇراجايىنداعى قاسيەتتى الاۋ تەكشەسىنەن الىنعان ازيا مۇگەدەكتەر سپورت جارىسىنىڭ قاسيەتتى الاۋى 10 – ايدىڭ 19 – كۇنى حاڭجوۋ قالاسىنداعى ”ءۇش وزەننىڭ ەكى جاعالاۋىندا“ رەتىمەن جەتكىزىلىپ، ەڭ سوڭىندا حاڭجوۋ وليمپيادا سپورت ورتالىعىنىڭ دەنە تاربيە الاڭىنا جەتتى.
دەنە تاربيە الاڭىندا جوۋ گوحۋا، جىڭ شيۇڭيىڭ، حوۋ بين، دۋ جيانپيڭ، ۋاڭ حايتاۋ قاتارلى 5 الاۋشى كۇش جالعاپ العا ىلگەرىلەپ، بۇكىل الاڭداعى كورەرمەندەردىڭ قىزۋ قارسى الۋىنا يە بولدى. ەڭ سوڭعى الاۋشى شۇي جياليڭ الاۋ مۇناراسىنىڭ استىنا كەلدى. ول زەردەلى ۇقساتپالى بىلەگىمەن الاۋدى بيىك ۇستاپ، لياڭجوۋ سامۇرىعى وتقا قاراي كەلدى. كۇللى جۇرت كوز تىككەن نەگىزگى الاۋ تۇتاندىرىلىپ، سامۇرىق تاعى دا ۇشىپ، حاڭجوۋ ازيا مۇگەدەكتەر سپورت جارىسىنىڭ قۇت بەلگىسىنە اينالىپ، دەنە تاربيە الاڭى شاتتىققا شومدى. ىلە - شالا بۇكىل الاڭداعىلار وسى كەزەكتى ازيا مۇگەدەكتەر سپورت جارىسىنىڭ « تەرەڭ سۇيىسپەنشىلىگىم ساعان ارنالادى» ءانىن بىرگە شىرقادى. توراپ ەكرانىندا جۇزدەن استام مۇگەدەك مەن ساۋ - سالامات ادامنىڭ جارقىن كۇلكىسى جارىققا شىعىپ، تەرەڭ سۇيىسپەنشىلىككە تولى تىلەكتەردى جەتكىزدى.
چىن ي - چين اشىلۋ سالتىنا قاتىناستى.
ازيا مۇگەدەكتەر وليمپيادا كوميتەتىنىڭ ءمانساپتىلارى قاتارلىلار اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
