باۋىر راگى بىلىنبەي پايدا بولا ما؟ باۋىر راگىنىڭ باستاپقى مەزگىلىندەگى مىناداي بەلگىلەرگە، ءسوزسىز، قىراعى بولىڭىز
2023.10.26 14:09 كەلۋ قاينارى : حالىق تورابى
قازىرگى تاڭدا، باۋىر راگى ادامداردىڭ دەنساۋلىعىنا اۋىر زيان جەتكىزەتىن سالماقتى اۋرۋلاردىڭ بىرىنە اينالدى، ءار جىلى باۋىر راگىنەن قازا بولعانداردىڭ سانى دۇنيە ءجۇزى بويىنشا وتە جوعارى. الايدا، باۋىر راگى ساقتانۋعا جانە ەمدەۋگە بولمايتىن اۋرۋ ەمەس، تەك باۋىر راگىنىڭ باستاپقى مەزگىلىندەگى بەلگىلەردى دەر كەزىندە بايقاساق ءارى ۇيلەسىمدى ساقتانۋ شارالارىن قولدانساق، بۇل اۋرۋعا شالدىعۋدان ساقتانۋعا بولادى، باۋىر راگىنا شالدىققانداردىڭ تاعدىرىن دا وزگەرتۋى مۇمكىن.
01
باۋىر راگىنىڭ باستاپقى مەزگىلدەگى بەلگىلەرى
كوپ ادامدار باۋىر راگىنىڭ باستاپقى مەزگىلىندە اۋرۋ بەلگىلەرى بايقالمايدى دەپ قارايدى، بۇل كوزقاراس دۇرىس ەمەس. باۋىر راگىنىڭ باستاپقى مەزگىلىندە، شىنىمەن دە، ونى بايقاۋ قيىن، ويتكەنى، ونىڭ اۋرۋ بەلگىلەرى ادەتتەگى اۋرۋلارمەن ۇقساپ كەتەدى، مىسالى، اسقا تابەتى تارتپاۋ، ارىقتاۋ، دارمەنسىزدەنۋ، ءىشى جايسىزدانۋ قاتارلىلار، مۇنان سىرت، ءىشىنارا ەرەكشە اۋرۋ بەلگىلەرى دە باۋىر راگىنىڭ باستاپقى مەزگىلىندەگى اۋرۋ بەلگىلەرى بولۋى مۇمكىن، مىسالى، سارعايمالى باۋىر اۋرۋ، شەمەن، كوكباۋىر ءىسۋ قاتارلىلار.
بولماشى وزگەرىستەر ۇنەمى باۋىر راگىنىڭ جاسىرىن حاۋپىن اڭعارتادى، سوندىقتان، جوعارىداعىداي اۋرۋ بەلگىلەرى بايقالعان زامان، دەر كەزىندە ەمحاناعا بارىپ تەكسەرىلىپ، باۋىر راگى ەمەس ەكەنىنە كوز جەتكىزگەن ءجون. باۋىر راگىنىڭ ۇنەمى كەزدەسەتىن باستاپقى مەزگىلدەگى بەلگىلەرى مىناداي:
سوزىلمالى شارشاۋ جانە السىرەۋ
باۋىردىڭ قىزمەتى ىقپالعا ۇشىراعاندىقتان، دەنەدەگى زات الماسۋ باياۋلاپ، بۇكىل دەنە دارمەنسىزدەنىپ، ارەكەتتەنگەننەن كەيىن وڭاي شارشاۋ تۋىلادى.
اسقا تابەتى ازايىپ، دەنە سالماعى كورنەكتى جەڭىلدەۋ
باۋىر قىزمەتى بۇلىنسە، تابەتكە ىقپال جاسايدى، كەيبىر ناۋقاستاردا جۇرەگى اينۋ، قۇسۋ قاتارلى اسقازان - ىشەك جولى اۋرۋىنىڭ بەلگىلەرى بايقالۋى مۇمكىن.
ءىشى جايسىزدانۋ نەمەسە اۋىرۋ
باۋىرعا وسپە شىقسا، توڭىرەگىندەگى ورگانداردى باسىپ، قۇرساقتىڭ وڭ جاق جوعارعى جاعى جايسىزدانۋ نەمەسە اۋىرۋ جاعدايى بايقالادى.
تەرى مەن كوزدىڭ سارعايۋى
باۋىر قىزمەتى بۇلىنسە، بيليرۋبيننىڭ قالىپتى الماسۋى ىقپالعا ۇشىراپ، تەرى مەن كوزدىڭ سارعايۋىن كەلتىرىپ شىعارادى.
ءىشتىڭ ءىسۋى
باۋىرعا وسپە شىقسا، ىشكە شەمەن جيىلۋى مۇمكىن، وسىدان ءىشتىڭ ءىسۋى تۋىلادى.
ۇلكەن دارەتتىڭ قارايۋى
اس قورىتۋ جولىنان قان شىعىپ، ۇلكەن دارەتتىڭ رەڭى قارايادى.
02
باۋىر راگىنان قالاي ساقتانۋعا بولادى
باۋىر راگىنان ساقتانۋدا، ەڭ ماڭىزدىسى، باۋىر اۋرۋىنان ساقتانۋ قىزمەتىن ويداعىداي ىستەۋ كەرەك، وتە - موتە، B تيپتى باۋىر اۋرۋى مەن C تيپتى باۋىر اۋرۋىنان ساقتانۋ كەرەك. بۇل ەكى ءتۇرلى اۋرۋ باۋىر راگىنا شالدىقتىراتىن ەڭ باستى سەبەپ. سوندىقتان، باۋىردىڭ قىزمەتىن ۇنەمى تەكسەرتىپ وتىرعان ءجون، الدا - جالدا ماسەلە بايقالسا، دەر كەزىندە ەمدەلگەن دۇرىس.
مۇنان سىرت، تاماشا تۇرمىس ادەتىن قالىپتاستىرعان ءجون، مىسالى، اراقتان تيىلۋ، تەمەكىنى تاستاۋ، ۇيلەسىمدى ازىقتانۋ، ۇيلەسىمدى ارەكەت جاساۋ قاتارلىلار، وسىلاردىڭ بارلىعى باۋىردىڭ اقاۋسىزدىعىن قورعاۋعا ءتيىمدى. ەندەشە، باۋىر راگىنان قالاي ساقتانۋ كەرەك؟
تاماشا تۇرمىس ادەتىن قالىپتاستىرۋ
اراقتى شەكتەن تىس ىشۋدەن ساقتانۋ كەرەك، ۇزاق ۋاقىت بويى اراققا سالىنۋ باۋىر راگىن تۋدىراتىن باستى سەبەپ. سونىمەن بىرگە، دەنە سالماعىن ۇيلەسىمدى ۇستاۋ، مايلى تاماقتاردى وتە كوپ تۇتىنۋدان ساقتانۋ، جاس جەمىس - جيدەك، كوكونىستەردى كوپ تۇتىنۋ كەرەك.
باۋىردى قورعاۋعا ءمان بەرۋ
باۋىردىڭ قۋاتىن مەرزىم سايىن تەكسەرتىپ وتىرعان ءجون، وتە - موتە، باۋىر اۋرۋىنا شالدىعۋ تاريحى بار ادامدار وسىلاي ىستەگەنى وڭ. ەرتە بايقاۋ، ەرتە ەمدەۋ — باۋىر راگىنان ساقتانۋدىڭ شەشۋشى ءتۇيىنى.
ۆيرۋسپەن جۇعىمدالۋدان ساقتانۋ
B تيپتى باۋىر اۋرۋى مەن C تيپتى باۋىر اۋرۋى — باۋىر راگىن تۋدىراتىن باستى سەبەپ، سوندىقتان، B تيپتى باۋىر اۋرۋىنىڭ ۆاكسيناسىن سالدىرۋدى ويداعىداي ىستەۋ، حاۋىپتى جىنىستىق ارەكەتتەن ساقتانۋ، تيپتى باۋىر اۋرۋى مەن C تيپتى باۋىر اۋرۋىنىڭ تارالۋىنان ساقتانۋ كەرەك.
ءدارىنى الباتى ىشپەۋ
كەيبىر ءدارىنى ۇزاق ۋاقىت بويى ءىشۋ باۋىر راگىنا شالدىعۋ حاۋپىن جوعارىلاتادى، سوندىقتان، ءدارى ىشكەندە ەرەكشە اباي بولۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
