مەملەكەتتىڭ ۇيىمداستىرۋىمەن توعىزىنشى توپتا شوعىرلى ساتىپ الاتىن ءدارى - دارمەكتەردى تاڭداۋ ناتيجەسى رەسمي جاريالاندى، كەلەسى جىلى 3 - ايدان باستاپ اتقارىلادى
2023.11.17 16:19 كەلۋ قاينارى : حالىق تورابى
مەملەكەتتىك ءدارى - دارمەكتەردى بىرلەسىپ ساتىپ الۋدى ۇيىمداستىرۋ كەڭسەسى 11 - ايدىڭ 16 - كۇنى ۇقتىرۋ جاريالاپ، مەملەكەتتىڭ ۇيىمداستىرۋىمەن توعىزىنشى توپتا شوعىرلى ساتىپ الاتىن ءدارى - دارمەكتەردى تاڭداۋ ناتيجەسىن جاريالادى، وسى جولعى شوعىرلى ساتىپ الۋ ناتيجەسى 2024 - جىلى 3 - ايدان باستاپ اتقارىلادى، ناقتى اتقارىلاتىن مەرزىمىن بەلگىلەۋدە جەر - جەر جاريالاعان ۇقتىرۋ نەگىز ەتىلەدى.
وسى رەتكى شوعىرلى ساتىپ الۋ قىزمەتىندە جۇعىمدالۋ، وسپە، جۇرەك - قان تامىرى اۋرۋلارى، اسقازان - ىشەك جولى اۋرۋلارى، رۋحاني اۋرۋلار قاتارلى ۇنەمى كەزدەسەتىن اۋرۋلاردىڭ، سوزىلمالى اۋرۋلاردىڭ دارىلەرى، سونداي - اق، شۇعىل قۇتقارۋ دارىلەرى، كەمشىل دارىلەر قاتارلى ءتۇيىندى ءدارى - دارمەكتەر قامتىلعان. مۇندا ءجيى تۋىلاتىن جىلىك مايى وسپەسىن ەمدەيتىن لەناليدوميدە كاپسۋلى 2023 - جىلى 5 - ايدا پاتەنتكە يە بولعاننان باستاپ، كەيىن دەر كەزىندە شوعىرلى ساتىپ الۋ كولەمىنە ەنگىزىلگەنگە دەيىن، ءار ءبىر تالى (25 ميلليگرام) ورتا ەسەپپەن 200 يۋاننان 15 يۋانعا ارزانداعان، اي سايىن ءدارى - دارمەك قاراجاتىنان 3880 يۋان اينالاسىندا ۇنەمدەپ، ناۋقاستاردىڭ اۋىرتپالىعىن كورنەكتى تۇردە جەڭىلدەتەدى. اسقازان - ىشەك جولى اۋرۋىن ەمدەيتىن رابەپرازولە ىشۋگە ارنالعان قالىپتى ەريتىن ءدارىسى، ەسومەپرازولە ماگنيلى ىشەكتە ەريتىن ارالاسپا سۇيىقتىعى قاتارلى مەملەكەت ءدارىنى ۇيلەسىمدى پايدالانۋ جاعدايىن باقىلاۋ - مەڭگەرۋگە الاتىن 3 ءتۇرلى ءدارىنىڭ باعاسى كورنەكتى ارزانداعان.
جۇرەك سوعۋىنىڭ قالىپسىز بولۋىن ەمدەيتىن اميودارون ۋكىلى، ەستەن تانعانداردى شۇعىل قۇتقارۋعا پايدالاناتىن دوپامين ۋكىلى، تولعاقتى جيىلەتەتىن جاتىردى جيىرىلتۋ ۋكىلى قاتارلى كەمشىل دارىلەر مەن شۇعىل قۇتقارۋعا پايدالاناتىن دارىلەردەن 5 ءتۇرلى ءدارىنى ”مولشەرلى“ ساتىپ الۋ ءتاسىلى ارقىلى كاسىپورىنداردىڭ مەجەلەۋىنە شارت - جاعداي جاراتىپ، قامداۋدى قامتاماسىزداندىرۋ مەن ۇيلەسىمدى باعا بەلگىلەۋ سىندى كوپ نەگىزدى نىسانانىڭ تەڭگەرىمدىلىگىن ىسكە اسىردى.
2018 - جىلدان بەرى، مەملەكەتتىك ەمدەۋدى قامتاماسىزداندىرۋ مەكەمەسى مەملەكەتتىڭ ۇيىمداستىرۋىمەن توعىز رەت ءدارى - دارمەكتەردى شوعىرلى ساتىپ الۋ قىزمەتىن ۇيىمداستىرىپ، جيىنى 374 ءتۇرلى ءدارىنى وسى كولەمگە ەنگىزىپ، ارزانداتۋ مولشەرى ورتا ەسەپپەن %50 تەن استى. (باس ستانسيا ورتالىق تەلەۆيزيا ءتىلشىسى جاڭ پيڭ، جىڭ يجى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
