”ءبىز بەتپە – بەت اڭگىمەلەسكەندە ماسەلەلەردىڭ بارلىعى توتەسىنەن ايتىلىپ وتىر“ (شاعىن ىستەرگە نازار . ءتوراعا شي جينپيڭ امەريكا دوستىق ۇيىمدارىنىڭ بىرلەسكەن قارسى الۋ قوناعاسىنا قاتىناسۋى قارساڭىندا)
«حالىق گازەتىنىڭ» ءتىلشىسى دۋ شاڭزى
2023.11.17 16:30 كەلۋ قاينارى : حالىق تورابى
11 – ايدىڭ 15 – كۇنى، سان - فرانسيسكو. ءتوراعا شي جينپيڭ جۇڭگو مەن امەريكا باسشىلارىنىڭ ديدارلاسۋىنا قاتىناسۋدان سىرت، تاعى ءبىر ماڭىزدى ورنالاستىرۋ بويىنشا، امەريكا دوستىق ۇيىمدارىنىڭ بىرلەسكەن قارسى الۋ قوناعاسىنا قاتىناستى.
قوناعاسىنىڭ الدىندا، امەريكاداعى دوس قايراتكەرلەردىڭ ۋاكىلدەرىمەن كەزدەسۋ ەرەكشە مەيىرگە بولەندى. ايوۆا شتاتى مەن ۆاشينگتون شتاتىنداعى كونە دوستار كەلدى، ”گۋليڭ دوستارىنىڭ“ مۇشەلەرى كەلدى، جولبارىس كومانداسىنىڭ ساقا جاۋىنگەرلەرى مەن سديۆەي گەنەرالدىڭ ۇرپاقتارى كەلدى... كاليفورنيا شتاتىنىڭ باستىعى نيۋسون مەن حانىمى كەزدەسۋ زالىنا كىردى. وتكەن ايدا ءتوراعا شي جينپيڭ نيۋسەنمەن بەيجيڭدە كەزدەسكەن بولاتى، الدىڭعى كۇنى اۋەجايدا ولار كونە اڭگىمەلەردى اڭگىمەلەگەن ەدى.
”حال – جايىڭىز قالاي؟“ − دەدى نيۋسون.
”وتە جاقسى. بۇگىن بايدەن زۇڭتۇڭمەن ديدارلاسقاندا وتە جان - جاقتى اڭگىمەلەستىم، ۋاقىت تا ءبىرتالايعا سوزىلدى. بايدەن زۇڭتۇڭ ەكەۋىمىزدىڭ تانىسقانىمىزعا كوپ جىل بولدى، سوندىقتان ءبىز ديدارلاسىپ ماسەلەنى سويلەسكەندە توتەسىنەن ايتامىز“ دەپ جاۋاپ بەردى ءتوراعا شي جينپيڭ.
نيۋسون ءبىر اسەرلى جاعدايمەن ءبولىستى: ”بايدەن زۇڭتۇڭمەن جاڭا عانا كەزدەستىم، ول ماعان ديدارلاسۋ كەزىندە سىزگە ءبىر پارشا سۋرەت كورسەتكەنىن ايتتى، ول ءسىزدىڭ 1985 – جىلى جينمىن كوپىرىنىڭ الدىندا تۇسكەن سۋرەتىڭىز ەكەن“.
”ءيا، ول كەزدە 30 نەشە جاستا ەدىم، ناق تولىسقان كەزىم بولاتىن!“
نيۋسوننىڭ ايتىپ وتىرعانى جۇڭگو، امەريكا مەملەكەت باسشىلارىنىڭ ديدارلاسۋى كەزىندە فيلوري قورجاسىندا بولعان ءبىر كورىنىس ەدى، سول كەزدە بايدەن زۇڭتۇڭ قول تەلەفونىن اقتارىپ ءتوراعا شي جينپيڭگە سۋرەتتى كورسەتىپ تۇرىپ، ءازىل ارالاستىرىپ: ”ءسىز وسى جىگىتتى تانيسىز با؟“ دەپ سۇراعان بولاتىن.
كۇلكى ءۇنى ىشىندە وتكەن ىستەر تولاسسىز باياندالدى. 1985 - جىلى حىبەي ولكەسىنىڭ جىڭديڭ اۋدانىندا قىزمەت ىستەيتىن شي جينپيڭ تۇڭعىش رەت امەريكاعا كەلدى. ول سان فرانسيسكودان شەكارادان كىردى. ەڭسە كوتەرىپ تۇرعان جينمىن كوپىرى جۇڭگو مەن امەريكانىڭ جەرگىلىكتى ورىندارىنىڭ بارىس - كەلىسىنىڭ باستالعان ساتىنە كۋا بولىپ كەلەدى.
40 جىلعا تاياۋ ۋاقىت وتە شىقتى، ءتوراعا شي جينپيڭ وسى قالاعا تاعى كەلدى، جۇڭگو - امەريكا قارىم - قاتىناسىنىڭ جاڭا ءبىر پاراعى وسى ارادا باستالدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
