شي جينپيڭ تۇڭعىش كەزەكتى ”لياڭجوۋ تالقى مىنبەرىنە“ قۇتتىقتاۋ حاتىن جولدادى
2023.12.04 16:30 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 3 – كۇنى، بەيجيڭ. 12 - ايدىڭ 3 - كۇنى مەملەكەت ءتوراعاسى شي جينپيڭ تۇڭعىش كەزەكتى ”لياڭجوۋ تالقى مىنبەرىنە“ قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: لياڭجوۋ ەسكى جۇرتى − جۇڭحۋانىڭ 5 مىڭ جىلدىق وركەنيەت تاريحىنىڭ ناقتى دالەلى، دۇنيە ءجۇزى وركەنيەتىنىڭ جاۋھارى. تاريحتىڭ شالقار كوشىندە جۇڭحۋا وركەنيەتى ەلدەن ەرەك جاڭالىق اشۋ جاسامپازدىعىمەن، تامىرلاس تاباندىلىعىمەن وركەنيەتتىڭ بيىك شىڭىن ورناتتى. جۇڭحۋا وركەنيەتى اشىق، سيىسىمدى بولىپ، بارلىعىن قامتىپ، ۇزدىكسىز بايىپ، دامىپ، ۋاقىت وتكەن سايىن جاڭارىپ، دۇنيە جۇزىندەگى تۇرلىشە وركەنيەتتىڭ جاۋھارىن ۇزدىكسىز قابىلداپ، دۇنيە ءجۇزى وركەنيەتىنىڭ الۋان ءتۇرلى باقشاسىن بارىنشا بايىتتى.
شي جينپيڭ بىلاي دەپ دارىپتەدى: ءوزارا قۇرمەت ەتۋ، ءبىر جاعادان باس، ءبىر جەڭنەن قول شىعارۋ، جاراسىمدى قاتار ءومىر ءسۇرۋ − ادامزات وركەنيەتى دامۋىنىڭ دۇرىس جولى. ءار جاقتىڭ ”لياڭجوۋ تالقى مىنبەرى“ تۇعىرىنان تولىق پايدالانىپ، ”ءبىر بەلدەۋ، ءبىر جولدى“ بىرگە قۇراتىن ەلدەرمەن وركەنيەتتەر تىلدەسۋىن تەرەڭدەتىپ، دۇنيە جۇزىلىك وركەنيەت باستاماسىن امالياتتا ايگىلەپ، وركەنيەتتەردىڭ اۋىس - كۇيىسىن، ۇلگى الۋىن كۇشەيتىپ، بارابار، ءوزارا ۇلگى الاتىن، تىلدەسەتىن، سيىسىمدى وركەنيەت كوزقاراسىن اسقاقتاتىپ، تۇرلىشە وركەنيەتتەردىڭ جاراسىمدى قاتار ءومىر ءسۇرۋىن، ءوزارا تابىسقا جەتۋىن ىلگەرىلەتىپ، ءار ەل حالىقتارىنىڭ ارالاسۋىن، ىشتەسۋىن، ءتۇسىنىسىپ، ەتەنە ءوتۋىن جەبەۋىن ءۇمىت ەتەمىن.
تۇڭعىش كەزەكتى ”لياڭجوۋ تالقى مىنبەرىنىڭ“ نەگىزگى تاقىرىبى ”دۇنيە جۇزىلىك وركەنيەت باستاماسىن امالياتتا ايگىلەپ، وركەنيەتتەردىڭ اۋىس - كۇيىسىن، ءوزارا ۇلگى الۋىن ىلگەرىلەتۋ“ بولدى، مادەنيەت جانە ساياحات مينيسترلىگى، جىجياڭ ولكەلىك حالىق ۇكىمەتى بىرگە وتكىزدى، سول كۇنى جىجياڭ ولكەسىنىڭ حاڭجوۋ قالاسىندا اشىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
