جۇڭگو ماماندارىنىڭ ەڭ جاڭا زەرتتەۋ ناتيجەسى: ءار كۇنى ەكران الدىندا وتىرعان ۋاقىتى ءبىر ساعاتتان اسىپ كەتسە، بالانىڭ باستاپقى مەزگىلدەگى پسيحولوگيالىق اقاۋسىزدىعىنا توندىرەتىن حاۋپى كورنەكتى ارتادى
2023.12.14 15:34 كەلۋ قاينارى : حالىق تورابى
جۇڭگو اقپارات تورابىنىڭ 12 - ايدىڭ 12 - كۇنى شاڭحايدان بەرگەن حابارى (چىن جيڭ، جياڭ رۇڭ) ينفورماتسيالاندىرۋدىڭ جالپىلاستىرىلۋىنا بايلانىستى، بالالاردىڭ تەلەۆيزور ەكرانى مەن ەلەكتروندى اسپاپتاردىڭ ەكرانىنا قاراۋى ۇنەمىلىك جاعدايعا اينالدى، ونىڭ ۇستىنە، بۇل جاعداي بارعان سايىن سابيلەرگە قاراي جالپىلاسۋدا. ءتىلشىنىڭ 12 - ايدىڭ 12 - كۇنى ۇعىسۋىنشا، جۇڭگو شيپاگەر ماماندار ۇيىمى كەڭ كولەمدى زەرتتەۋ جۇرگىزۋ ارقىلى مىناداي قورىتىندى شىعارعان: وقۋ جاسىنا جەتپەگەن بالالار، مەيلى، قانداي ەكرانداعى مازمۇنداردى كورسە دە، ءار كۇنى ەكران الدىندا وتىرعان ۋاقىتى ءبىر ساعاتتان اسىپ كەتسە، بالانىڭ پسيحولوگيالىق اقاۋسىزدىعىنا توندىرەتىن حاۋپى كورنەكتى ارتادى، ونىڭ ۇستىنە، ۋاقىتتىڭ ارتۋىنا بايلانىستى حاۋىپ دارەجەسى دە جوعارىلاي بەرەدى.
دۇنيە جۇزىلىك دەنساۋلىق ساقتاۋ ۇيىمىنىڭ قاتىستى باعدارنامالىق ۇسىنىسىنا قاراعاندا، 2 جاستان تومەنگى بالالاردىڭ ەكرانعا قاراۋىنان ساقتانعان ءجون، 2 جاستان 5 جاسقا دەيىنگى بالالاردىڭ ءار كۇنى ەكرانعا قارايتىن ۋاقىتى ورتا ەسەپپەن ءبىر ساعاتتان اسىپ كەتپەگەنى ءجون.
زەرتتەۋ ناتيجەسىنە قاراعاندا، وقۋ جاسىنا جەتپەگەن بالالاردىڭ ەكرانعا قارايتىن ۋاقىتى ءبىر ساعاتتان اسىپ كەتسە، بۇل ولاردىڭ پسيحولوگيالىق قيمىلىندا كادىك تۋدىراتىن حاۋىپتى سەبەپتەردىڭ ءبىرى بولاتىندىعى بايقالعان. ەكران الدىنداعى ۋاقىتى بىردەي بولعان جاعدايدا، باسقا مازمۇندارعا قاراعاندا، وقۋ - اعارتۋ تۇرىندەگى كەسكىندى باعدارلامالاردىڭ بالالاردىڭ پسيحولوگيالىق اقاۋسىزدىعىنا جەتكىزەتىن كەرى ىقپالى ءبىرشاما از بولادى، بالالارعا ارنالماعان كەسكىندى باعدارلامالاردىڭ كەرى ىقپالى ءبىرشاما زور بولادى.
زەرتتەۋ گرۋپپاسىنىڭ اتاپ كورسەتۋىنشە، بالالار باسقا ىستەرمەن اينالىسقان كەزدە، تەلەۆيزوردى ارتقى كورىنىس ەتىپ اشىپ قويۋدان ساقتانعان ءجون؛ بالالاردىڭ جاتىن بولمەسىنە تەلەۆيزور قويماعان ءجون، وسىلاي ىستەۋ ارقىلى ولاردىڭ تەلەۆيزور كورۋىنەن نەمەسە ەلەكتروندى اسپاپتاردان پايدالانۋىنان ساقتانۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
