شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن بىرگە جۇڭگو، ۆيەتنام ەكى ەلدىڭ جاستارى مەن دوس قايراتكەرلەرىنىڭ ۋاكىلدەرىمەن كەزدەستى
2023.12.14 16:26 كەلۋ قاينارى : حالىق تورابى
 |
سول جەر ۋاقىتى 12 - ايدىڭ 13 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان حانويدا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ جانە حانىمىمەن بىرگە جۇڭگو، ۆيەتنام ەكى ەلدىڭ جاستارى مەن دوس قايراتكەرلەرىنىڭ ۋاكىلدەرىمەن كەزدەستى. سۋرەتتە: شي جينپيڭ «ءداستۇرلى دوستىقتى جالعاستىرىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ جاڭا ساپارىن باستايىق» دەگەن تاقىرىپتا ماڭىزدى ءسوز سويلەۋدە. سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
|
«حالىق گازەتى»، 12 - ايدىڭ 13 - كۇنى، حانوي (تىلشىلەر دۋ شاڭزى، ليۋ شاۋحۋا). سول جەر ۋاقىتى 12 - ايدىڭ 13 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان حانويدا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ جانە حانىمىمەن بىرگە جۇڭگو، ۆيەتنام ەكى ەلدىڭ جاستارى مەن دوس قايراتكەرلەرىنىڭ ۋاكىلدەرىمەن كەزدەستى.
شي جينپيڭ مەن پىڭ لييۋان مەملەكەتتىك ءماجىلىس ورتالىعىنا بارعاندا، ۆيەتنام جاستارىنىڭ قىزۋ قارسى الۋىنا بولەندى.
شي جينپيڭ مەن حانىمى، رۋان فۋجۇڭ مەن حانىمى جۇڭگو، ۆيەتنام ەكى ەلدىڭ جاستارى مەن دوس قايراتكەرلەرىنىڭ ۋاكىلدەرىمەن ىقىلاسپەن توپتىق سۋرەتكە ءتۇستى.
جۇڭگونىڭ، ۆيەتنامنىڭ دوس قايراتكەرلەرىمەن جانە جاستارىمەن كەزدەسۋ الاڭى دۋمانعا بولەندى، گۇلدەر مەن ەكى ەلدىڭ پارتيا تۋلارى، مەملەكەت تۋلارى ءبىر - بىرىنە شۇعىلا شاشىپ، شاتتىق تەڭىزىنە اينالدى.
قىزۋ قول شاپالاق ءۇنى ىشىندە شي جينپيڭ «ءداستۇرلى دوستىقتى جالعاستىرىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ جاڭا ساپارىن باستايىق» دەگەن تاقىرىپتا ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ جۇڭگو پارتياسى مەن ۇكىمەتى اتىنان جۇڭگو مەن ۆيەتنامنىڭ دوستىعىنا كۇش سالعان جاڭا، كونە دوستارعا ىقىلاستى سالەم جولدادى. شي جينپيڭ بىلاي دەپ اتاپ كورسەتتى: كەشە باس شۋجي رۋان فۋجۇڭ ەكەۋىمىز ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋدى جاريالاپ، جۇڭگو - ۆيەتنام پارتيالارىنىڭ، ەلدەرىنىڭ قارىم - قاتىناسى دامۋىنىڭ جاڭا كەزەڭىن باستادىق. بۇل ءبىزدىڭ دۇنيە ءجۇزى سوتسياليزمىن گۇلدەندىرۋ جانە جۇڭگو مەن ۆيەتنامنىڭ باياندى تىنىشتىعىن جۇزەگە اسىرۋ تۇرعىسىنان جاساعان كەلەلى ستراتەگيالىق شەشىمىمىز، جۇڭگو مەن ۆيەتنامنىڭ ءداستۇرلى دوستىعىنا تەرەڭ تامىر تارتقان، ەكى ەل حالىقتارىنىڭ ورتاق مۇددەسى مەن ورتاق تىلەگىنە ۇيلەسەدى.
وتكەندى ەسكە الساق، ءبىز مۇراتتاس بولىپ، ءبىر - بىرىمىزگە قارايلاستىق. تاياۋ زاماننان بەرى جۇڭگو مەن ۆيەتنام پارتيالارى مەن ەكى ەل حالىقتارى ورتاق مۇرات - سەنىمنەن جازباي، مەملەكەتتىڭ تاۋەلسىزدىگى مەن ۇلتتىڭ ازاتتىق ىستەرىنە قول جەتكىزۋ بارىسىندا ءبىر جاعادان باس، ءبىر جەڭنەن قول شىعارىپ، ءبىرىن - ءبىرى قولدادى. ءتوراعا حۋ جىميڭنىڭ ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس“ دەگەن ولەڭى ەكى ەل حالىقتارىنىڭ سول ءبىر شۇعىلالى جىلدار جونىندەگى وشپەس تاريحي ەستەمەسىنە اينالدى. قازىرگى جاعدايدى تياناق ەتكەن ءبىز اۋەلگى ماقساتتان اينىماي، سەلبەسىپ تەڭ يگىلىككە كەنەلدىك. جالپى بەتتىك ستراتەگيالىق سەلبەستىك سەرىكتەستىك قارىم - قاتىناس ورناتقان 15 جىلدان بەرى جۇڭگو مەن ۆيەتنام پارتيالارى حالىقتى وزەك ەتۋدە تاباندى بولىپ، ءوزارا ءتيىمدى سەلبەستىكتى كۇش سالا ىلگەرىلەتىپ، ەكى ەل حالىقتارىنا ناقتى پايدا جەتكىزدى. بولاشاققا كوز جىبەرسەك، ءبىزدىڭ بولاشاعىمىز قاتىستى، تاعدىرىمىز ءبىر. جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە، ۆيەتنام ونەركاسىپتەندىرۋ، وسىزامانداندىرۋ قۇرىلىسىن كۇش سالا ىلگەرىلەتۋدە. جۇڭگو بەيبىت دامۋ جولىمەن بۇلجىماي ءجۇرىپ، كورشىلەرمەن تاتۋ - ءتاتتى ءوتۋ، كورشىلەرمەن سەرىك بولۋ سىندى توڭىرەكتىك ديپلوماتيا باعىتىندا جانە جاقىن، ادال بولۋ، تيىمدىلىك جەتكىزۋ، كەشىرىمشىل بولۋ توڭىرەكتىك ديپلوماتيا ۇستانىمىندا تاباندى بولىپ، جۇڭگو ۇلگىسىندەگى وسىزامانداندىرۋدىڭ توڭىرەكتەگى ەلدەرگە اناعۇرلىم كوپ تيىمدىلىك جاساۋىنا مۇمكىندىك جاسايدى.
شي جينپيڭ بىلاي دەپ دارىپتەدى: جۇڭگو مەن ۆيەتنام دوستىعىنىڭ نەگىزى حالىقتا، بولاشاعى جاستاردا. شي جينپيڭ ەكى ەل جاستارىنا مىناداي 3 ءتۇرلى ءۇمىت ارتتى:
ءبىرىنشى، جۇڭگو - ۆيەتنام دوستىعىنىڭ مۇراگەرى بولىپ، ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋعا ۇلەس قوسۋ كەرەك. بۇگىنگى جۇڭگو مەن ۆيەتنام ەكونوميكالىق، قوعامدىق دامۋدىڭ سۇبەلى تابىستارى ارقىلى دۇنيە جۇزىنە ەكى جاق تاڭداعان دامۋ جولىنىڭ بۇكىلدەي دۇرىس ەكەنىن، ەكى ەلدىڭ ىنتىماقتى، سەلبەستىكتى كۇشەيتۋى وزدەرىنىڭ سوتسياليزم ىستەرىنىڭ دامۋىنا ءتيىمدى ەكەنىن تالاسسىز دالەلدەدى. ەكى ەلدىڭ ءار سالاسىنداعى دوس قايراتكەرلەردىڭ، اسىرەسە، جاس ۇرپاقتاردىڭ جۇڭگو - ۆيەتنام دوستىق ساپارىنىڭ سەركەسىنە اينالىپ، ءوز ەلدەرىنىڭ 100 جىلدىق كۇرەس ساپارىن جۇزەگە اسىرۋعا جانە ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋعا ۇلەس قوسۋىن ءۇمىت ەتەمىن.
ەكىنشى، ازيا - تىنىق مۇحيت ءوڭىرىن كوركەيتۋگە ات سالىسۋشى بولىپ، ازيا - تىنىق مۇحيت ءوڭىرىنىڭ باياندى تىنىشتىعىنا كەرپىش بولىپ قالانۋ كەرەك. جۇڭگونىڭ رەفورما جاساپ، ەسىك اشۋى مەن ۆيەتنامنىڭ جاڭالىق اشۋ ىستەرىندە قول جەتكىزگەن وراسان زور تابىستارى − ءارى ءوز كۇرەسىنىڭ ناتيجەسى، ءارى بەيبىت، اشىق، سيىسىمدى ازيا - تىنىق مۇحيت ءوڭىرىنىڭ ارقاسى. ازيا - تىنىق مۇحيت ءوڭىرى − ەكى ەلدىڭ تابان تىرەر تياناعى، اشىق، سيىسىمدى بولۋ، سەلبەسىپ تەڭ يگىلىككە كەنەلۋ − ادامدار اراسىنداعى دۇرىس جول. ەكى جاق ازيا - تىنىق مۇحيت ورتاق تۇلعاسى تۋىن بيىك ۇستاپ، ىنتىماقتاسا العا باسۋدىڭ اناعۇرلىم كوپ وڭ ەنەرگياسىن توپتاپ، جاراسىمدى، گۇلدەنگەن ازيا - تىنىق مۇحيت ءوڭىرىن بىرگە قۇرۋعا اناعۇرلىم زور ۇلەس قوسۋى كەرەك.
ءۇشىنشى، ادامزاتتىڭ العا باسۋىنىڭ ءورىس اشۋشىلارى بولىپ، ادامزاتتىڭ تاعدىرلاس ورتاق تۇلعاسىن قۇرۋ جولىندا قاجىماي - تالماي كۇرەس جۇرگىزۋ كەرەك. جۇڭگو مەن ۆيەتنامنىڭ ەكى پارتياسى دا − دۇنيە ءجۇزىن كوكەيدە ساقتايتىن ماركسيزمدىك ساياسي پارتيا، جۇڭگو مەن ۆيەتنام − حالىقارالىق قوعامنىڭ جاۋاپتى مۇشەلەرى، ادامزاتتىڭ العا باسۋ ىستەرىن ىلگەرىلەتەتىن تىرەكتى كۇشتەرگە اينالۋى كەرەك. ەكى جاق اناعۇرلىم كەڭ پەيىلمەن، اناعۇرلىم كەڭ كوز ايامەن ءداۋىر جاۋاپكەرلىگىن ارقالاپ، حالىقارالىق ادىلدىك پەن ادىلەتتىلىكتى قورعاۋ ءۇشىن ءۇن قاتىپ، دۇنيە ءجۇزىنىڭ دامۋىن، العا باسۋىن ىلگەرىلەتۋ ءۇشىن كۇش شىعارۋى كەرەك.
شي جينپيڭ بىلاي دەپ دارىپتەدى: كەلگەن جولدى ۇمىتپاعاندا عانا، باعىتتىڭ قالاي ەكەنىن بىلۋگە بولادى. جۇڭگو مەن ۆيەتنامنىڭ سوتسياليزم ىستەرىنىڭ دامىپ زورايۋىنىڭ جاپالى بارىسى مەن شۇعىلالى تابىستارى ىنتىماقتى، سەلبەستىكتى كۇشەيتۋدىڭ ەكى ەلدىڭ العا باسۋ جولىنداعى بارلىق حاۋىپ - قاتەر مەن سىن - سايىستى جەڭىپ، جەڭىستەن - جەڭىسكە ۇزدىكسىز جەتۋىندەگى ماڭىزدى تاريحي تاجىريبە ەكەنىن تولىق ايگىلەدى. ءبىز باستان - اياق اۋەلگى ماقساتتى ۇمىتپاي، بورىشتى ەستە بەرىك ساقتاپ، ءوزىمىزدىڭ سوتسياليزم جولىمىزبەن قول ۇستاسا ويداعىداي ءجۇرىپ، ونەركاسىپتەندىرۋ، وسىزامانداندىرۋ قۇرىلىسىنىڭ جەتىستىكتەرىنەن ەكى ەل حالىقتارىن اناعۇرلىم كوپ يگىلىككە كەنەلتىپ، ادامزاتتىڭ العا باسۋ ىستەرىنە اناعۇرلىم زور ۇلەس قوسۋىمىز كەرەك.
رۋان فۋجۇڭ مىنالاردى ءبىلدىردى: كوممۋنيستىك پارتيانىڭ باسشىلىعىندا، ۆيەتنام مەن جۇڭگو مەملەكەتتىڭ تاۋەلسىزدىگى مەن ۇلت ازاتتىعى ىستەرىندە، سونداي - اق سوتسياليستىك قۇرىلىس ىستەرىندە باستان - اياق ءبىرىن - ءبىرى باتىل قولداپ كەلدى. ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس. ۆيەتنام جۇڭگونىڭ ۇزاق ۋاقىتتان بەرى ۆيەتنامعا كورسەتكەن ءتۇرلى قاستەرلى قولداۋلارىن باستان - اياق ەستە بەرىك ساقتايدى جانە وعان العىس ايتادى. ۆيەتنام مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسى ورناعان 15 جىلدان بەرى ەكى ەلدىڭ ساياسي سەنىمدىلىگى كۇن سايىن كۇشەيىپ، ناقتى سەلبەستىكتە سۇبەلى تابىستارعا قول جەتتى. وسى ەكى كۇندە حانويداعى كوشەلەردىڭ بارلىق جەرىنەن قۋانىش لەبى ەستى، باس شۋجي، مەملەكەت ءتوراعاسى شي جينپيڭنىڭ ۆيەتنامداعى مەملەكەتتىك ساپارى تولىق تابىسقا جەتتى. مەن باس شۋجي شي جينپيڭمەن بىرگە ستراتەگيالىق مانگە يە تاعدىرلاس ورتاق تۇلعا قۇرۋدى جاريالادىم، بۇل − ۆيەتنام - جۇڭگو قارىم - قاتىناسىنىڭ تاريحي بەلەسى، ەكى ەل حالىقتارىنا اناعۇرلىم كوپ ناقتى قۇت - ىرىس اكەلىپ، ادامزاتتىڭ بەيبىتشىلىگى مەن العا باسۋ ىستەرىنە اناعۇرلىم زور ۇلەس قوسادى. ۆيەتنام - جۇڭگو قارىم - قاتىناسىنىڭ بولاشاعى جاستاردا. ەكى ەل جاستارىنىڭ اعا بۋىن باسشىلار ورناتقان تەرەڭ دوستىقتى ىشكەرىلەي ءتۇسىنىپ جانە وعان مۇراگەرلىك ەتىپ، ساۋلەلەندىرىپ، ۆيەتنام مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزاق ۋاقىت ورنىقتى دامۋىن ىلگەرىلەتۋگە، ۆيەتنام مەن جۇڭگونىڭ سوتسياليزم ىستەرىنىڭ ۇزدىكسىز زورايۋىنا تىڭ ومىرشەڭدىك كۇش قوسۋىن ءۇمىت ەتەمىن.
جۇڭگو، ۆيەتنام ەكى جاقتىڭ ۋاكىلدەرى دە ەكى ەلدىڭ دوستىق بارىس - كەلىس جاعدايىنان مالىمەت بەردى. ولار مىنالاردى ءبىلدىردى: باس شۋجي شي جينپيڭنىڭ ۆيەتنامدا تاريحي مەملەكەتتىك ساپاردا بولۋى ساتىندە ەكى پارتيانىڭ باس شۋجيى ۋاقىت شىعارىپ جۇڭگو مەن ۆيەتنامنىڭ دوس قايراتكەرلەرى مەن جاستارىنىڭ ۋاكىلدەرىمەن كەزدەستى، بۇل ەكى ەل، ەكى پارتيا باسشىلارىنىڭ جۇڭگو مەن ۆيەتنامنىڭ جاستارى مەن دوستىق ىستەرىنە ايرىقشا ءمان بەرەتىنىن جانە شىنايى ءۇمىتىن تولىق ايگىلەدى. ەكى باس شۋجي ستراتەگيالىق مانگە يە تاعدىرلاس ورتاق تۇلعانى بىرگە قۇرۋدى جاريالادى، بۇل ەكى ەل حالىقتارىنىڭ ورتاق تىلەگى مەن ءتۇبىرلى مۇددەسىنە ۇيلەسەدى، بەيبىتشىلىك، سەلبەستىك، دامۋ سىندى ءداۋىر اعىمىنا ۇيلەسەدى، ءسوز جوق، جۇڭگو مەن ۆيەتنامنىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم كوركەم جاڭا بولاشاق اشۋىنا جەتەكشىلىك ەتىپ، توڭىرەكتەگى كورشى ەلدەردىڭ ەتەنە، ادال بولىپ، تيىمدىلىك جەتكىزىپ، سيىسىمدى بولۋىنىڭ ۇلگىسىن ورناتادى. ەكى ەل جاستارى ”جولداس ۇستىنە باۋىرلاس بولۋ“ سىندى ءداستۇرلى دوستىققا مۇراگەرلىك ەتىپ جانە ونى ساۋلەلەندىرىپ، بارىس - كەلىستى، اۋىس - كۇيىستى جيىلەتىپ، ءوزارا ۇيرەنۋدى، ءوزارا ۇلگى الۋدى كۇشەيتىپ، ءوزارا سەنىمدىلىكتى، دوستىقتى تەرەڭدەتىپ، ەكى باس شۋجي العا قويعان ”حالىق رايى نەگىزىن اناعۇرلىم بەكەمدەۋ“ نىساناسىن جۇزەگە اسىرىپ، جۇڭگو - ۆيەتنام تاعدىرلاس ورتاق تۇلعاسىن قۇرۋعا بەلسەندى قۇلشىنىستار جاسايدى جانە ۇلەس قوسادى.
ساي چي، ۋاڭ ي، ۋاڭ شياۋحۇڭ قاتارلىلار قاتىناستى.
كەلۋ قاينارى: حالىق تورابى
 |
سول جەر ۋاقىتى 12 - ايدىڭ 13 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان حانويدا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ جانە حانىمىمەن بىرگە جۇڭگو، ۆيەتنام ەكى ەلدىڭ جاستارى مەن دوس قايراتكەرلەرىنىڭ ۋاكىلدەرىمەن كەزدەستى. سۋرەتتە: شي جينپيڭ مەن حانىمى، رۋان فۋجۇڭ مەن حانىمى جۇڭگو، ۆيەتنام ەكى ەلدىڭ جاستارى مەن دوس قايراتكەرلەرىنىڭ ۋاكىلدەرىمەن ىقىلاسپەن توپتىق سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى يان بوگۋ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
