شي جينپيڭ مەن حانىمى ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ جانە حانىمىمەن قوشتاستى
2023.12.14 16:27 كەلۋ قاينارى : حالىق تورابى
سول جەر ۋاقىتى 12 - ايدىڭ 13 - كۇنى تۇستەن كەيىن ۆيەتنامداعى مەملەكەتتىك ساپارىن اياقتاتىپ ەلگە قايتۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن جانە حانىمى ۋ شىمينمەن قوشتاستى. سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
«حالىق گازەتى»، 12 - ايدىڭ 13 - كۇنى، حانوي (تىلشىلەر گاۋ شى، ياڭ ي). سول جەر ۋاقىتى 12 - ايدىڭ 13 - كۇنى تۇستەن كەيىن ۆەتنامداعى مەملەكەتتىك ساپارىن اياقتاتىپ ەلگە قايتۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان ۆەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن جانە حانىمى ۋ شىمينمەن قوشتاستى.
رۋان فۋجۇڭ مىنالاردى ءبىلدىردى: باس شۋجي شي جينپيڭنىڭ وسى رەتكى ساپارىنىڭ تولىق تابىستى بولعانىن قۇتتىقتايمىن! باس شۋجي شي جينپيڭنىڭ وسى رەتكى ساپارىنىڭ كۇن ءتارتىبى جيناقى، باي مازمۇندى، ءمانى تەرەڭ، ونداعان ەكى جاقتى سەلبەستىك قۇجاتىنا قول قويۋعا كۋا بولۋمەن بىرگە، ونان دا ماڭىزدىسى، ءبىز ءوزارا ءتۇسىنىسۋ مەن سەنىمدىلىكتى ونان ارى كۇشەيتىپ، ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن قۇرۋدى ۇيعاردىق، بۇل بولاشاقتاعى ەكى ەل قارىم - قاتىناسى جونىنەن شەشۋشى مانگە يە. الگىندە ءبىز ەكى ەلدىڭ دوس قايراتكەرلەرى مەن جاستارىنىڭ ۋاكىلدەرىمەن بىرگە كەزدەسىپ، ولاردى اۋەلگى ماقساتتى ۇمىتپاي، بورىشتى ەستە بەرىك ساقتاۋعا شابىتتاندىردىق، ولاردىڭ ەكى ەلدىڭ ”جولداس ۇستىنە باۋىرلاس بولۋ“ ءداستۇرلى دوستىعىنا مۇراگەرلىك ەتىپ، ۆيەتنام مەن جۇڭگونىڭ دوستىق ىستەرىن جالعاستىراتىنىنا سەنەمىن.
شي جينپيڭ بىلاي دەدى: ج ك پ 20 - قۇرىلتايى جەڭىسپەن اشىلعاننان كەيىن مەن باس شۋجي رۋان فۋجۇڭدى جۇڭگوعا ساپارلاي كەلۋگە ءبىرىنشى ۋاقىتتا ۇسىنىس ەتتىم، بۇل جولى مەن ۆيەتنامداعى مەملەكەتتىك ساپارىمدى بيىلعى جۇڭگو ديپلوماتياسىنىڭ تابىستى سىرگە جيارى ەتىپ وتىرمىن، ماڭىزدى مانگە يە. جۇڭگو مەن ۆيەتنام ەكى پارتياسى باسشىلارىنىڭ ەكى پارتيا، ەكى ەل قارىم - قاتىناسىنىڭ دامۋىن تىكەلەي جوسپارلاۋى — ءبىزدىڭ تاماشا ءداستۇرىمىز. وسى رەتكى ساپار كەزىندە ءبىز ستراتەگيالىق مانگە يە تاعدىرلاس ورتاق تۇلعا قۇرۋدى بىرگە جاريالاپ، جۇڭگو - ۆيەتنام قارىم - قاتىناسىن جاڭا تاريحي باستاماعا شىعاردىق، بۇل جۇڭگو - ۆيەتنام قارى - قاتىناسىنىڭ تىڭ ساتىعا كوتەرىلۋىن، ءسوز جوق، ىلگەرىلەتەتىن بولادى.
شي جينپيڭ بىلاي دەدى: وسى رەتكى ساپار كەزىندە مەن مەيىرگە بولەندىم جانە اسەرلەندىم. ماعان ەڭ تەرەڭ اسەر قالدىرعانى باس شۋجي رۋان فۋجۇڭنىڭ: ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاسپىز“ دەگەندى قايتا – قايتا دارىپتەگەنى بولدى، بۇل — جۇڭگو - ۆيەتنام قارىم - قاتىناسىنىڭ باستاماسى جانە نەگىزى. ءبىز وسى جولمەن تاباندىلىقپەن جۇرە بەرسەك بولعانى، جۇڭگو - ۆيەتنام قارىم - قاتىناسى، ءسوز جوق، تىڭ دامۋعا قول جەتكىزىپ، ەكى ەل حالىقتارىنا ءتىپتى دە زور باقىت جاراتادى. باس شۋجي رۋان فۋجۇڭ مەن حانىمىنىڭ مەنى جانە حانىمىمدى وسى رەتكى ساپاردا ەڭ ىستىق ىقىلاسپەن كۇتىپ العانىنا، ەڭ سالتاناتتى قۇرمەت كورسەتكەنىنە العىس ايتامىن. ءبىز مۇنى ەستە بەرىك ساقتايمىز. مەن باس شۋجي رۋان فۋجۇڭمەن ءتۇرلى يكەمدى تاسىلدەرمەن تىعىز قارىم - قاتىناستى ۇزدىكسىز جالعاستىرۋدى قالايمىن.
ساي چي، ۋاڭ ي، ۋاڭ شياۋحۇڭ قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
